ପ୍ରମୂଖ ଖବର
  • କାଲିମେଳା: ଲଗାଣ ବର୍ଷାରେ ବେହାଲ ଜନଜୀବନ, ପାହାଡ ଧସିବାରୁ ରାସ୍ତା ବନ୍ଦ
  • ||
  • ସପ୍ତଦଶ ବିଧାନସଭାର ବଜେଟ୍ ଅଧିବେଶ ଆରମ୍ଭ, ପ୍ରଥମ ଦିନରେ ଅଭିଭାଷଣ ରଖିଲେ ରାଜ୍ୟପାଳ ରଘୁବର ଦାସ
  • ||
  • ଯାଜପୁର : ଭାରସାମ୍ୟ ହରାଇ ଓଲଟିଲା ​କାଉଡିଆଙ୍କୁ ନେଇ ଯାଉଥିବା ବସ୍, ୫ରୁ ଉର୍ଦ୍ଧ୍ଵ ଆହତ
  • ||

ମମତା ସରକାରଙ୍କୁ ସୁପ୍ରିମକୋର୍ଟଙ୍କ ଝଟ୍‌କା, ସନ୍ଦେଶଖାଲି ମାମଲାରେ ହେବ ସିବିଆଇ ତଦନ୍ତ

ନୂଆଦିଲ୍ଲୀ: ସନ୍ଦେଶଖାଲି ମାମଲାରେ ମମତା ସରକାରଙ୍କୁ ଝଟକା ଦେଇଛନ୍ତି ସୁପ୍ରିମକୋର୍ଟ । ସିବିଆଇ ତଦନ୍ତ ବିରୋଧରେ ରାଜ୍ୟ ସରକାରଙ୍କ ଆବେଦନ ଖାରଜ କରିଛନ୍ତି ସର୍ବୋଚ୍ଚ ଅଦାଲତ । ଶୁଣାଣି ସମୟରେ ଆବେଦନ ଉପରେ ଆପତ୍ତି ଉଠାଇବା ସହ ଏହି ମାମଲାରେ ରାଜ୍ୟ ସରକାରଙ୍କ ଏତେ ଉତ୍କଣ୍ଠା କାହିଁକି ? ମାମଲାରେ ରାଜ୍ୟ ସରକାର କାହାକୁ ରକ୍ଷା କରିବାକୁ ଚାହୁଁଛନ୍ତି ବୋଲି ସୁପ୍ରିମକୋର୍ଟ ପ୍ରଶ୍ନ କରିଛନ୍ତି ।

ଏହା ପୂର୍ବରୁ ଏପ୍ରିଲ ୨୯ରେ ଏହି ମାମଲାର ଶୁଣାଣି ସୁପ୍ରିମକୋର୍ଟରେ ହୋଇଥିଲା । କୋଲକାତା ହାଇକୋର୍ଟଙ୍କ ରାୟ ଉପରେ ରୋକ ଲଗାଇବକୁ ସୁପ୍ରିମକୋର୍ଟ ମନା କରିଥିଲେ । କୌଣସି ବ୍ୟକ୍ତିଙ୍କ ହିତ ପାଇଁ ରାଜ୍ୟ ସରକାର କିଭଳି ସୁପ୍ରିମକୋର୍ଟଙ୍କ ପାଖକୁ ଆସୁଛନ୍ତି ବୋଲି ସର୍ବୋଚ୍ଚ ଅଦାଲତ ପ୍ରଶ୍ନ କରିଥିଲେ । ଏହା ପରେ ଗ୍ରୀଷ୍ମ ଛୁଟି ପରେ ମାମଲାର ଶୁଣାଣି କରାଯିବ ବୋଲି ଶୀର୍ଷ କୋର୍ଟ କହିଥିଲେ । 

ସନ୍ଦେଶଖାଲିରେ ଜମି ହଡ଼ପ ଏବଂ ଯୌନ ଉତ୍ପୀଡନ ମାମଲାରେ ସିବିଆଇ ତଦନ୍ତ ବିରୋଧରେ ପଶ୍ଚିମବଙ୍ଗ ସରକାର ସୁପ୍ରିମକୋର୍ଟରେ ଆବେଦନ କରିଥିଲେ । କୋଲକାତା ହାଇକୋର୍ଟ ସିବିଆଇ ତଦନ୍ତ ଲାଗି ନିର୍ଦ୍ଦେଶ ଦେଇଥିଲେ । ସୂଚନାଯୋଗ୍ୟ, ରାସନ ଦୁର୍ନୀତି ମାମଲାରେ ଇଡି ଟିମ୍‌ ସନ୍ଦେଶଖାଲି ଯାଇଥିଲା । ସେଠାରେ ଶତାଧିକ ଲୋକେ ଟିମ୍‌ ଉପରେ ଆକ୍ରମଣ କରିଥିଲେ । ଏହାର ୫୫ ଦିନ ପରେ ମାମଲାର ଅଭିଯୁକ୍ତ ଶାହାଜାହାଁକୁ ଗିରଫ କରାଯାଇଥିଲା । ଶାହାଜାହାଁ ଶେଖ ବିରୋଧରେ ହତ୍ୟା, ମହିଳାଙ୍କୁ ଯୌନ ଉତ୍ପୀଡନ, ଜମି ହଡ଼ପ ଏବଂ ଇଡି ଟିମ୍ ଉପରେ ଆକ୍ରମଣ ଭଳି ସଂଙ୍ଗୀନ ଅଭିଯୋଗ ରହିଛି । 

 

  • Supreme Court
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.