ନୂଆଦିଲ୍ଲୀ, ୨୪/୦୫: ଆସନ୍ତା ୧ ତାରିଖରୁ ଆରମ୍ଭ ହେବାକୁ ଯାଉଛି ଟି-ଟ୍ୱେଣ୍ଟି ବିଶ୍ୱକପ୍ର ନବମ ସଂସ୍କରଣ । ରୋହିତ ଶର୍ମାଙ୍କ ନେତୃତ୍ୱରେ ଭାରତୀୟ ଦଳ ଆସନ୍ତା ୨୫ ତାରିଖରେ ଆମେରିକା ପହଞ୍ଚିବାର କାର୍ଯ୍ୟକ୍ରମ ରହିଛି ବୋଲି ଜାତୀୟ ଗଣମାଧ୍ୟମର ରିପୋର୍ଟରୁ ଜଣା ପଡ଼ିଛି । ଅବଶିଷ୍ଟ ଖେଳାଳି ଦ୍ୱିତୀୟ ପର୍ଯ୍ୟାୟରେ ଆଇପିଏଲ୍ ଫାଇନାଲ ଶେଷ ହେବା ପରେ ଯିବେ । ଆସନ୍ତା ୧ ତାରିଖରେ ଭାରତ ଏକ ୱାର୍ମଅପ୍ ମ୍ୟାଚ୍ ଖେଳିବ । ଏହାପରେ ୫ ତାରିଖରେ ନ୍ୟୁୟର୍କରେ ଆୟର୍ଲାଣ୍ଡ ବିପକ୍ଷରେ ଦଳ ବିଶ୍ୱକପ୍ ଅଭିଯାନ ଆରମ୍ଭ କରିବ । ସେହିପରି ୯ ତାରିଖରେ ଟୁର୍ଣ୍ଣାମେଣ୍ଟର ସବୁଠୁ ଗୁରୁତ୍ୱପୂର୍ଣ୍ଣ ମୁକାବିଲା ରହିଛି । ଦୁଇ ପାରମ୍ପରିକ ପ୍ରତିଦ୍ୱନ୍ଦ୍ୱୀ ଭାରତ ଓ ପାକିସ୍ତାନ ମଧ୍ୟରେ ହାଇଭୋଲଲ୍ଟେଜ ମୁକାବିଲା ହେବ ।
କୋହଲି ଓପନ କରନ୍ତୁ: ପାର୍ଥିବ ଆଇପିଏଲରେ ବିରାଟ କୋହଲି ଯେଉଁ ଭଳି ଫର୍ମ ଦେଖାଇଛନ୍ତି ସେ ବିଶ୍ୱକପ୍ରେ ଓପନ କରିବା ଉଚିତ ବୋଲି ବହୁ ପୂର୍ବତନ କ୍ରିକେଟର ମତ ଦେଇଛନ୍ତି । ଏହି ମତକୁ ସମର୍ଥନ କରିଛନ୍ତି ପାର୍ଥିବ ପଟେଲ । ସେ କହିଛନ୍ତି, ବିରାଟ ଏବେ ଯେଉଁ ଭଳି ଫର୍ମରେ ରହିଛନ୍ତି, ମୁଁ ଭାବୁଛି ସେ ଅଧିନାୟକ ରୋହିତ ଶର୍ମାଙ୍କ ସହ ଓପନ କରନ୍ତୁ ଏବଂ ଦୀର୍ଷ ପ୍ରତୀକ୍ଷାର ଅନ୍ତ ଘଟାଇ ଦଳକୁ ବିଶ୍ୱ ଚାମ୍ପିଅନ କରାନ୍ତୁ ।’ ପ୍ଲ ଅଫ୍ ପର୍ଯ୍ୟନ୍ତ କୋହଲି ୧୫ ମ୍ୟାଚ୍ ଖେଳି ୭୪୧ ରନ୍ କରିଥିଲେ । ଯେଉଁଥିରେ ଗୋଟିଏ ଶତକ ଏବଂ ୫ଟି ଅର୍ଦ୍ଧଶତକ ସାମିଲ ରହିଛି ।