ନୂଆଦିଲ୍ଲୀ : ଟାଟା ଗ୍ରୁପ୍ର ପ୍ରସିଦ୍ଧ କମ୍ପାନୀ ଟାଟା ମୋଟର୍ସକୁ ନେଇ ବଡ଼ ଖବର ଆସିବାକୁ ଯାଉଛି। ଟାଟା ମୋଟର୍ସର ବୋର୍ଡ ସୋମବାର କମ୍ପାନୀର ବିଜନେସ ଅପରେସନ୍ସକୁ ୨ଟି ୟୁନିଟରେ ବାଣ୍ଟିବାକୁ ମଞ୍ଜୁରୀ ଦେଇଛି। କମ୍ପାନୀ ଆଗାମୀ ସମୟରେ ପାସେଞ୍ଜର ଭାଇକଲ୍ସ ଓ କମର୍ସିଆଲ ଭାଇକଲ୍ସ ବିଜନେସକୁ ଅଲଗା କରିବ। ଏହି କମ୍ପାନୀ ଗୁଡ଼ିକ ସେୟାର ବଜାରରେ ଲିଷ୍ଟ ହେବ। ଟାଟା ମୋଟର୍ସର ସେୟାର ସୋମବାର ସାମାନ୍ୟ ହ୍ରାସ ସହ ୯୮୭.୨୦ ଟଙ୍କାରେ ବନ୍ଦ ହୋଇଛି।
ଟାଟା ମୋଟର୍ସର ସବୁ ସେୟାର ହୋଲ୍ଡର୍ସଙ୍କର ଉଭୟ ଲିଷ୍ଟେଡ୍ କମ୍ପାନୀରେ ସମାନ ଭାବେ ପାର୍ଟନରସିପ୍ ରହିବ। ଅର୍ଥାତ୍ ଯାହା ପାଖରେ ମଧ୍ୟ ଟାଟା ମୋଟର୍ସର ସେୟାର ଅଛି, ତାଙ୍କୁ ଦୁଇ ଲିଷ୍ଟେଡ୍ କମ୍ପାନୀରେ ସମାନ ଭାବେ ସେୟାର ମିଳିବ।
କମ୍ପାନୀ କହିଛି କି, ଡିମର୍ଜର ପରେ ଏକ ୟୁନିଟ୍ କମର୍ସିଆଲ ଭାଇକଲର ବିଜନେସ ଓ ଏହାସହ ଜଡ଼ିତ ନିବେଶକୁ ଦେଖିବ। ସେପଟେ ଦ୍ୱିତୀୟ କମ୍ପାନୀ ପାସେଞ୍ଜର ଭାଇକଲ ବିଜନେସ ଯେଉଁଥିରେ ଇଲେକ୍ଟ୍ରିକ୍ ଭାଇକଲ୍ସ , ଜାଗୁଆର ଓ ଲ୍ୟାଣ୍ଡ ରୋଭର ଓ ଏହା ସହ ଜଡ଼ିତ ଇନଭେଷ୍ଟମେଣ୍ଟ ସମ୍ଭାଳିବ।
ଟାଟା ମୋଟର୍ସ ସେୟାର ବଜାରକୁ ନେଇଥିବା ସୂଚନାରେ କହିଛି ପୂରା ପ୍ରକ୍ରିୟା ଏନସିଏଲଟି ମାଧ୍ୟମରେ ହେବ। ଡିମର୍ଜରର ପ୍ରୋସେସ ପୂରା ହେବାରେ ୧୨ରୁ ୧୫ ମାସର ସମୟ ଲାଗିବ।
