ଚନ୍ଦାହାଣ୍ଡି ୪।୫ : ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ମାଲଗାଁ ବନମଣ୍ଡଳ ସୀମାନ୍ତ ଋଷି ଝରଣ ଜଳପ୍ରପାତ ଠାରେ ଥିବା ଏକ ଗଛରୁ ପ୍ରେମୀ ଯୁଗଳଙ୍କ ମୃତଦେହକୁ ପୋଲିସ ଉଦ୍ଧାର କରିଛି। ସେମାନେ ହେଲେ ଛତିଶଗଡ଼ ଦେଭୋଗ ଥାନା ଅଧିନ କଲାକୁମୁଡି ଗ୍ରାମର ସୁଶୀଲ କୁମାର ୟାଦବ (୨୮) ଏବଂ ବନ୍ଦନା ନିଧି ।
ମିଳିଥିବା ସୂଚନା ଅନୁସାରେ ଦେଭୋଗ ଥାନା ଅଧିନ କଲାକୁମୁଡି ଗ୍ରାମର ଶୁଶିଳ କୁମାର ୟାଦବ ଏବଂ ବନ୍ଦନା ନିଧି ଦୀର୍ଘ ଦିନ ରୁ ପରସ୍ପରକୁ ଭଲ ପାଉଥିଲେ ଏବଂ ବିବାହ ପାଇଁ ସ୍ଥିର କରିଥିଲେ l ଉଭୟେ ଅଲଗା ଅଲଗା ସମ୍ପ୍ରଦାୟର ହୋଇ ଥିବାରୁ ସାମାଜିକ ସ୍ୱୀକୃତି ନ ମିଳିବାରୁ ଗତ ୧୫ ତାରିଖ ଦିନ ଦୁହେଁ ଘରୁ ଲୁଚି ପଳାଇ ଥିଲେ l ଉଭୟେ ପରିବାର ଲୋକେ ବିଭିନ୍ନ ଜାଗାରେ ଖୋଜା ଖୋଜି କରି କୌଣସି ସନ୍ଧାନ ନ ପାଇ ଦେଭୋଗ ଥାନାରେ ନିଖୋଜ ରିପୋର୍ଟ ଦେଇଥିଲେ l
ଶୁକ୍ରବାର କିଛି କେନ୍ଦୁପତ୍ର ତୋଳାଳି ଦୁଇ ଜଣଙ୍କ ମୃତଦେହ ଝୁଲନ୍ତା ଅବସ୍ଥାରେ ଦେଖି ଦେଭୋଗ ପୋଲିସକୁ ଖବର ଦେବା ପରେ ପୋଲିସ ଘଟଣା ସ୍ଥଳକୁ ଆସି ଏହା ଚନ୍ଦାହାଣ୍ଡି ଥାନା ଅଧିନରେ ଆସୁଥିବା କହି ଚନ୍ଦାହାଣ୍ଡି ଥାନାରେ ଏତଲା ଦେବାକୁ ନିର୍ଦେଶ ଦେଇଥିଲେ l ଦେଓଭୋଗ ପୋଲିସର ନିର୍ଦେଶ କ୍ରମେ ପ୍ରେମୀକର ବାପା ବ୍ରିଜଲାଲ ୟାଦବ ଚନ୍ଦାହାଣ୍ଡି ଥାନାରେ ଲିଖିତ ଏତଲା ଦେବା ପରେ ଭାରପ୍ରାପ୍ତ ଥାନା ଅଧିକାରୀ ଖଗେଶ୍ୱର ଖୋସଲା ଘଟଣା ସ୍ଥଳକୁ ଯାଇ ଏହା ଚନ୍ଦାହାଣ୍ଡି ଥାନା ଅଧିନରେ ଆସୁ ନ ଥିବା କହି ଫେରି ଆସିଥିଲେ l ଯାହା ଫଳରେ ସେଠାରୁ ମୃତଦେହ ଉଦ୍ଧାର ହୋଇ ପାରିନାହିଁ l ରବିବାର ମୃତଦେହ ଉଦ୍ଧାର କରାଯାଇ ଏହାର ପଦକ୍ଷେପ ନିଆ ଯିବ ବୋଲି ଦେଭୋଗ ଥାନାଟି ଆଇ ଗୌତମ ଗାବଡ଼େ ପ୍ରକାଶ କରିଛନ୍ତି l ଅନ୍ୟପକ୍ଷେ ଯୁବକର ପରିବାର ଲୋକେ ହତ୍ୟା ଅଭିଯୋଗ ଆଣିଛନ୍ତି l