ଭୁବନେଶ୍ବର,୨୮।୯ :  ନର୍ସିଂ କର୍ମଚାରୀ ଆନ୍ଦୋଳନ ପ୍ରତ୍ୟାହୃତ କରିଛନ୍ତି। ୪ ଦିନ ଧରି ବିଭିନ୍ନ ଦାବି ନେଇ ଦେଇଥିବା ଆନ୍ଦୋଳନକୁ ଶନିବାର ରାତିରେ ପ୍ରତ୍ୟାହୃତ କରିଛନ୍ତି। ଏ ନେଇ ନର୍ସିଂ କର୍ମଚାରୀ ସଂଘ ପକ୍ଷରୁ ସୂଚନା ଦିଆଯାଇଛି। 

ଶନିବାର ଲୋକସେବା ଭବନରେ  ସ୍ବାସ୍ଥ୍ୟମନ୍ତ୍ରୀ, ସ୍ବାସ୍ଥ୍ୟ ସଚିବଙ୍କ ସହ ନର୍ସିଂ କର୍ମଚାରୀ ସଂଘର ବୈଠକ ଅନୁଷ୍ଠିତ ହୋଇଥିଲା। ଏଥିରେ ଆଲୋଚନା ସକାରତ୍ମକ ହୋଇଥିଲା।  ନର୍ସିଂ କର୍ମଚାରୀ ଆସନ୍ତାକାଲି  ଆନ୍ଦୋଳନରୁ ଓହରିବେ ବୋଲି ସ୍ବାସ୍ଥ୍ୟମନ୍ତ୍ରୀ  ସୂଚନା ଦେଇଥିଲେ। କିନ୍ତୁ ଶନିବାର ରାତିରେ ନର୍ସିଂ କର୍ମଚାରୀ ସଂଘ ଆନ୍ଦୋଳନ ପ୍ରତ୍ୟାହାର  କରିଛି।

ସୂଚନାଯୋଗ୍ୟ ଯେ,  ୧୦ ଦଫା ଦାବି ନେଇ ବୁଧବାରଠାରୁ  ନର୍ସିଂ କର୍ମଚାରୀ  ସଂଘ    ଆନ୍ଦୋଳନକୁ ଓହ୍ଲାଇଥିଲେ। ୨୦୧୩ ପୂର୍ବରୁ ନିଯୁକ୍ତି ପାଇଥିବା ନର୍ସିଂ ଅଫିସରମାନଙ୍କ ୬ ବର୍ଷ ଚୁକ୍ତି ଭିତ୍ତିକ ଅବଧୂକୁ ମୂଳ ଚାକିରି ସୀମାରେ ମିଶାଇ ପଦୋନ୍ନତି ସହ ସମସ୍ତ ଆର୍ଥକ ସହାୟତା ଯୋଗାଇବା, ବରିଷ୍ଠତା ଭିତ୍ତରେ ପଦୋନ୍ନତି, ସିଏଚଓ ପଦବୀରୁ ଫେରାଇ ଆଣି କ୍ୟାଡ଼ର ପୋଷ୍ଟ,   ନର୍ସିଂ ଅଫିସରମାନଙ୍କୁ ସ୍ଥାୟୀ, ଠିକା ସଂସ୍ଥା ଦ୍ବାରା ନର୍ସିଂ ଅଫିସର ନିୟୋଜିତ ହୋଇଥିବା ଆଦେଶ ପ୍ରତ୍ୟାହାର ପରି ୧୦ ଦଫା ଦାବି ନେଇ ନର୍ସିଂ କର୍ମଚାରୀ ସଂଘ ଆନ୍ଦୋଳନ କରିଥିଲେ।ଫଳରେ ରାଜ୍ୟରେ ସ୍ବାସ୍ଥ୍ୟସେବା ଗୁରୁତର ଭାବେ ପ୍ରଭାବିତ ହୋଇଥିଲା।