କେନ୍ଦୁଝର ସଦର,୧୮/୪ : କେନ୍ଦୁଝର ଜିଲ୍ଲା ସଦର ବ୍ଲକ ଅନ୍ତର୍ଗତ ଗୋବର୍ଦ୍ଧନ ପଞ୍ଚାୟତ ସେଣ୍ଡକାପ ଗ୍ରାମର ରଞ୍ଜନ କୁମାର ବେହେରା ଓ ତାଙ୍କ ଝିଅ ସହିତ ପଦ୍ମପୁରକୁ ବ୍ୟାଟେରୀ ସ୍କୁଟି ନମ୍ବର ଓଡି ୩୩ ଏଏଫ ୯୯୭୪ରେ ଯାଉଥିଲେ । ଏହି ସମୟରେ ଗୋବର୍ଦ୍ଧନ ପଦ୍ମପୁର ମଧ୍ୟରେ ତେଲ ଟାଙ୍କି ନିକଟରେ ହଠାତ ସ୍କୁଟିରୁ ଧୁଆଁ ବାହାରିଥିଲା ।
ସ୍କୁଟିରେ ବସିଥିବା ଝିଅ କହିବା ପରେ ତୁରନ୍ତ ଗାଡିରୁ ତଳକୁ ଆସିବା ଭିତରେ ନିମିଷେକ ମଧ୍ୟରେ ସ୍କୁଟିଟି ହୁତୁ ହୁତୁ ହୋଇ ପୁରା ଜଳିଗଲା । ଅଳ୍ପକେ ଶ୍ରୀ ବେହେରା ଓ ତାଙ୍କ ଝିଅ ବିପଦରୁ ବର୍ତ୍ତି ଯାଇଛନ୍ତି । ଦମକଳ ଆସି ନିଆଁ ଲିଭାଇବା ପୂର୍ବରୁ ସ୍କୁଟିଟି ସମ୍ପୂର୍ଣ୍ଣ ଜଳି ପୋଡ଼ି ଛାର ଖାର ହୋଇଯାଇଅଛି । ଏ ନେଇ ଶ୍ରୀ ବେହେରା ସଦର ଥାନାରେ ଲିଖିତ ଅଭିଯୋଗ କରିଛନ୍ତି।
