ପ୍ରମୂଖ ଖବର
  • କେନ୍ଦୁଝର : ଚୋରା କାଠ ଚାଲାଣ ବେଳେ ମାଡ଼ି ବସିଲା ବନ ବିଭାଗ, ୭ ଟ୍ରିପରୁ ଉର୍ଦ୍ଧ୍ଵ କାଠ ଜବତ
  • ||
  • ଯାଜପୁର : ଶୌଚ ହେବାକୁ ଯାଇ କେନାଲରେ ଭାସିଗଲେ ନାବାଳକ
  • ||
  • ଭୁବନେଶ୍ଵର : ୨୭ରେ ବସିବ ନୀତି ଆୟୋଗ ବୈଠକ, ଯୋଗଦେବେ ମୁଖ୍ୟମନ୍ତ୍ରୀ
  • ||

ଜିଏସ୍‌ଟି ଅଧିନକୁ ଆସିଲେ କମିବ ପେଟ୍ରୋଲ-ଡିଜେଲ ଦର; ରାଜ୍ୟ ସରକାରଙ୍କ ସମ୍ମତିକ୍ରମେ ନିଆଯିବ ନିଷ୍ପତ୍ତି

Image source: NDTV

ନୂଆଦିଲ୍ଲୀ,୨୩/୦୬: ପେଟ୍ରୋଲ ଓ ଡିଜେଲକୁ ଜିଏସ୍‌ଟି ଅଧିକୃତ କରିବା ପାଇଁ ଦୀର୍ଘ ସମୟ ଧରି ଦାବି ହୋଇ ଆସୁଛି। ତେବେ ଯଦି ଏପରି ହୁଏ, ତେବେ ଦେଶରେ ପେଟ୍ରୋଲ- ଡିଜେଲ ଦରରେ ବଡ଼ ହ୍ରାସ ହୋଇପାରେ। ଅର୍ଥମନ୍ତ୍ରୀ ନିର୍ମଳା ସୀତାରମଣ ଶନିବାର ହୋଇଥିବା ଜିଏସ୍‌ଟି ପରିଷଦ ବୈଠକ ପରେ ଗଣମାଧ୍ୟମ ସହିତ କଥା ହେବାବେଳେ ପେଟ୍ରୋଲ-ଡିଜେଲକୁ ଜିଏସ୍‌ଟି ପରିସରଭୁକ୍ତ କରିବା ପ୍ରଶ୍ନରେ କହିଛନ୍ତି ଯେ, କେନ୍ଦ୍ର ସରକାର ପେଟ୍ରୋଲ ଡିଜେଲକୁ ଜିଏସ୍‌ଟି ପରିସରଭୁକ୍ତ କରିବାକୁ ଚାହୁଁଛନ୍ତି। ଏବେ କିନ୍ତୁ ରାଜ୍ୟମାନେ ଏ ସମ୍ପର୍କରେ ନିଷ୍ପତ୍ତି ନେବା ସହିିତ କେନ୍ଦ୍ର ସହିତ ଆଲୋଚନା କରି ଦର ଧାର୍ଯ୍ୟ କରିବା ଆବଶ୍ୟକ। 

ଉଦାହରଣ ସ୍ୱରୂପ, ବର୍ତ୍ତମାନ ଦିଲ୍ଲୀରେ ପେଟ୍ରୋଲର ମୂଳ ମୂଲ୍ୟ ହେଉଛି ୫୫.୪୬ ଟଙ୍କା। ୧୯.୯୦ ଟଙ୍କାର ଏକ୍ସାଇଜ୍ ଡ୍ୟୁଟି ଏବଂ ୧୫.୩୯ ଟଙ୍କା ଭ୍ୟାଟ୍ ଏହା ଉପରେ ଲାଗୁ ହେବ। | ଏହା ପରେ ପରିବହନ ମୂଲ୍ୟ ଏବଂ ଡିଲର କମିଶନ ଯଥାକ୍ରମେ ୨୦ ପଇସା ଏବଂ ୩.୭୭ ଟଙ୍କା। ରହିଛି। ଏହି ପରିପ୍ରେକ୍ଷୀରେ ଅନ୍ତିମ ମୂଲ୍ୟ ୯୪.୭୨ ଟଙ୍କାକୁ ଆସିଛି। ଏଥି ସହିତ ଦିଲ୍ଲୀରେ ଡିଜେଲର ମୂଳ ମୂଲ୍ୟ ୫୬.୨୦ ଟଙ୍କା ରହିଛି। ଏହା ଉପରେ ୧୫.୮୦0 ଟଙ୍କାର ଏକ୍ସାଇଜ୍ ଡ୍ୟୁଟି ଏବଂ ୧୨.୮୨ ଟଙ୍କା ଭ୍ୟାଟ୍ ଲାଗୁ ହୋଇଛି। ଏହା ପରେ ପରିବହନ ମୂଲ୍ୟ ଏବଂ ଡିଲର କମିଶନ ଯଥାକ୍ରମେ ୨୨ ପଇସା ଏବଂ ୨.୫୮ ଟଙ୍କା ରହିଛି। ଏହି କ୍ଷେତ୍ରରେ ଅନ୍ତିମ ମୂଲ୍ୟ ହେଉଛି ୮୭.୬୨ ଟଙ୍କା।


News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.