ମାଲକାନଗିରି,୭।୯ : ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ ରାଜ୍ୟର ବିଜାପୁର ଜିଲ୍ଲାରେ ୩ ଜଣ ମାଓବାଦୀଙ୍କୁ  ସୁରକ୍ଷା ବାହିନୀ ଗିରଫ କରିଛି। ସେମାନଙ୍କ ନିକଟରୁ  ଗୋଳା ବାରୁଦ ଓ ବିପୁଳ  ମାଓ ସାମଗ୍ରୀ  ଜବତ କରାଯାଇଛି।  ଗିରଫ ମାଓବାଦୀମାନେ ହେଲେ କୁଡାମି ସୋମଲୁ, ଲିଙ୍ଗୁ ସେମଲା, ସୋମଲୁ କଡତି।

ବିଜାପୁର ଜିଲ୍ଲାରେ ଚାଲିଥିବା ମାଓ ଦମନ ତଲାସି ଅଭିଯାନରେ ଡିଆରଜି, ବାସାଗୁଡା ଥାନା ପୁଲିସ, କୋବ୍ରା ୨୧୦, ସିଆରପିଏଫ୍ ୧୬୮ ମିଳିତ ଟିମ ସାର୍କେଗୁଡାର ପେଗଡାପାଲି ଜଙ୍ଗଲରେ ମାଓବାଦୀଙ୍କ ଉପସ୍ଥିତି ସୂଚନା ପାଇ ମାଓବାଦୀ ବିରୋଧୀ ଅପରେସନ ପାଇଁ ଯାଇଥିଲେ। ଏହି ଅପରେସନ୍ ସମୟରେ ସାର୍କେଗୁଡା-ପେଗଡାପାଲ୍ଲୀ ମଧ୍ୟରେ ଥିବା ଜଙ୍ଗଲରୁ କିଛି ବ୍ୟକ୍ତି ଯବାନମାନଙ୍କୁ ଦେଖି ଲୁଚି ପଳାଇବାକୁ ଚେଷ୍ଟା କରୁଥିବା ବେଳେ ତିନିଜଣ ସନ୍ଦିଗ୍ଧ ମାଓବାଦୀଙ୍କୁ ଯବାନମାନେ କାବୁ କରିଥିଲେ । ଏହି ମାଓବାଦୀଙ୍କ ନିକଟରୁ କୋରେକ୍ସ ତାର, ଜିଲାଟିନ୍, ବିସ୍ଫୋରକ ସାମଗ୍ରୀ, ଡିଟୋନେଟର ଆଦି ଯବାନ ଜବତ କରିବା ସହ ସେମାନଙ୍କୁ ଗିରଫ କରି କୋର୍ଟ ଚାଲାଣ କରିଥିବା ଜଣା ପଡିଛି ।