କଣାସ, ୦୨/୦୩ : ସତ୍ୟବାଦୀରେ ବାଘ ଆତଙ୍କ। ପୁରୀ ଜିଲ୍ଲା ସତ୍ୟବାଦୀ ବ୍ଲକ ଅଳୁଗୁମୁ ପଞ୍ଚାୟତ ସିଙ୍ଘାକୁଦାରେ ବାଘ ବୁଲୁଥିବାର ଦେଖିବାକୁ ମିଳିଛି। ସୋସିଆଲ ମିଡ଼ିଆରେ ଭିଡିଓ ଭାଇରଲ ହେବାରେ ଲାଗିଛି। ଘଟଣାସ୍ଥଳରେ ବନ ବିଭାଗ ପହଞ୍ଚି ବାଘକୁ ଖୋଜୁଛି।

ସୂଚନାନୁଯାୟୀ, ପୁରୀ ଜିଲ୍ଲା DFOଙ୍କ ସମେତ ବନ ବିଭାଗର କର୍ମଚାରୀମାନେ ତଦନ୍ତ କରୁଛନ୍ତି। ଘଟଣା ସ୍ଥଳରୁ ବନ ବିଭାଗ ମଳ, ପାଦ ଚି଼ହ୍ନ ସମେତ ମାଟି ପରୀକ୍ଷା କରିବାକୁ ନେବା ସହିତ ଅଞ୍ଚଳବାସୀ ଭୟ ନକରିବା ପାଇଁ ଅନୁରୋଧ କରିଛନ୍ତି। ଏହା ବାଘ ନୁହେଁ ବରଂ ଫିସିଂ କ୍ୟାଟ ବୋଲି DFO କହିଥିବା ବେଳେ ଅଞ୍ଚଳବାସୀ ବିଶ୍ୱାସ କରିବାକୁ ନାରାଜ। ସେପଟେ ଯେଉଁ ବ୍ୟକ୍ତି ଭିଡିଓ କରିଥିଲେ ସେମାନେ ବାଘ ବୋଲି ଦାବି କରୁଛନ୍ତି। ତେବେ ତାହା ବାଘ କି ବଣଭୁଆ ତଦନ୍ତ ପରେ ସମ୍ପୂର୍ଣ୍ଣ ସ୍ପଷ୍ଟ ହେବ ବୋଲି ବନ ବିଭାଗ କହିଛି।