ପ୍ରମୁଖ ଖବର
  • ଖଣ୍ଡପଡ଼ା: ପୋଖରୀରେ ବୁଡ଼ି ପଞ୍ଚମ ଶ୍ରେଣୀର ଛାତ୍ରଙ୍କ ମୃତ
  • ||
  • ଯଜ୍ଞର ପ୍ରସାଦ ଖାଇ ୫୦ରୁ ଉର୍ଦ୍ଧ୍ବ ଲୋକ ଝାଡ଼ାବାନ୍ତି, ଖଲ୍ଲିକୋଟ ମେଡିକାଲରେ ଭର୍ତ୍ତି
  • ||
  • ଶନିବାରଠୁ ପିଜି ନାମଲେଖା ଆବେଦନ, ୨୭ ତାରିଖ ପର୍ଯ୍ୟନ୍ତ ଚାଲିବ: ଜୁନ୍‌ ୨୨ରେ ଆଡମିଟ୍‌ କାର୍ଡ, ଜୁଲାଇ ୩ରୁ ୧୪ ପ୍ରବେଶିକା ପରୀକ୍ଷା
  • ||
  • ବାଲିପାଟଣା-ନିମାପଡ଼ା ରାସ୍ତାରେ ବିଦ୍ୟୁତ୍ ଖୁଣ୍ଟକୁ ଧକ୍କା ଦେଲା କାର
  • ||
  • ରଥଖଳା ହାଲ୍‌ଚାଲ୍‌...ନିର୍ମାଣସ୍ଥଳରେ ମୁଗୁର ଓ ନିହଣ ଶବ୍ଦର କମ୍ପନ, ଚାଲିଛି ତୁମ୍ବରେ ବିନ୍ଧ ଖୋଦେଇ
  • ||
  • ବିଜେପି ନେତାଙ୍କ ମାରାଥନ୍‌ ପ୍ରଚାର: ଆଜି ଅଶ୍ୱିନୀ, ହେମାମାଳିନୀ ଓ ତୋମାରଙ୍କ କରିବେ ପ୍ରଚାର, ଧର୍ମେନ୍ଦ୍ର, ଭୂପେନ୍ଦ୍ର, ଅନୁଭବ, ସିଦ୍ଧାନ୍ତ ବି ବୁଲିବେ
  • ||
  • ହରିୟାଣାରେ ଟୁରିଷ୍ଟ ବସ୍ ଦୁର୍ଘଟଣା, ନିଆଁ ଲାଗି ୮ ମୃତ, ୨୪ରୁ ଅଧିକ ଗୁରୁତର
  • ||
  • ସନ୍ଧ୍ୟାରେ ଥମିବ ୫ମ ପର୍ଯ୍ୟାୟ ନିର୍ବାଚନୀ ପ୍ରଚାର, ସୋମବାର ୪୯ ଲୋକସଭା ଆସନରେ ଭୋଟିଂ
  • ||
  • IPL 2024: ଚିନ୍ନାସ୍ୱାମୀରେ ଆରସିବିକୁ ଭେଟିବ ସିଏସ୍‌କେ, ପ୍ଲେ-ଅଫ୍‌ ପାଇଁ ଶେଷ ସୁଯୋଗ
  • ||
  • ରାଜ୍ୟରେ ୧୯ରୁ ବଢ଼ିବ ତାତିି, ୨୦ରୁ କଲବଲ କରିବ ପ୍ରଚଣ୍ଡ ଗ୍ରୀଷ୍ମପ୍ରବାହ: ବିଭିନ୍ନ ଜିଲ୍ଲାକୁ ୟେଲୋ ୱାର୍ଣ୍ଣିଂ
  • ||

ଖାଉଟିଙ୍କ ପକେଟକୁ ମହଙ୍ଗା ମାଡ଼: ଟ୍ୱିନ୍‌ ସିଟିରେ ଆଳୁ କିଲୋ ୩୦ ଟଙ୍କା, ସପ୍ତାହକରେ ୮ ଟଙ୍କା ବଢ଼ିଲାଣି

ଭୁବନେଶ୍ୱର,୧୩/୦୪: ଆଳୁ ଦର ଏବେ ସାଧାରଣ ଖାଉଟିଙ୍କ ପକେଟକୁ ବାଧିଲାଣି । ପଶ୍ଚିମବଙ୍ଗ  ଓ ଉତ୍ତରପ୍ରଦେଶରେ ଏବେ ଆଳୁ ଅମଳ ସରିଛି । ସାଧାରଣତଃ ନୂଆ ଆଳୁ ଆସିଲେ ଦର କମିବା କଥା ।  ହେଲେ ପଶ୍ଚିମବଙ୍ଗରେ ନୂଆ ଆଳୁ ଶୀତଳଭଣ୍ଡାରରେ ରହିଛି । ତେଣୁ ଯେଉଁ ଆଳୁ ବାହାରେ ଅଛି ତାହାର ଦର ବଢିଥିବାରୁ ଓଡ଼ିଶାରେ ଏହାର ପ୍ରଭାବ ପଡ଼ିଛି ।  

ସପ୍ତାହକ ତଳେ ଆଳୁ କିଲୋ ପିଛା ୨୦ରୁ ୨୨ ଟଙ୍କା  ଥିଲା । ହେଲେ ଟ୍ୱିନ୍‌ ସିଟିରେ କିଲୋ ପିଛା ପ୍ରାୟ  ୩୦ ଟଙ୍କା ରହିଛି । କଟକରେ କୁଇଣ୍ଟାଲ ପିଛା ୨୩୫୦  ଟଙ୍କା ଥିବାବେଳେ ଭୁବନେଶ୍ୱରରେ ଏହି ଦର ୨୨ଶହ  ଟଙ୍କା ରହିଛି । ତେଣୁ ସାଧାରଣ ଖାଉଟିଙ୍କ ପକ୍ଷେ ଆଳୁ କିଣିବା ସହଜ ନୁହେଁ ବୋଲି ସେମାନେ କହିଛନ୍ତି । ରୋଷଶାଳାରେ ଆଳୁ ଏକ ସବୁଦିନିଆ ପରିବା ।  ଆଳୁ ଭର୍ତ୍ତା ଠାରୁ ନେଇ ଡାଲମା ପର୍ଯ୍ୟନ୍ତ ସବୁଥିରେ ଆଳୁ ଆବଶ୍ୟକ । ତେବେ ହଠାତ୍‌ ଆଳୁ ଦର ବଢ଼ିଯିବା ସମସ୍ତଙ୍କୁ ଚିନ୍ତାରେ ପକାଇଛି । ବ୍ୟବସାୟୀ ମାନଙ୍କ କହିବା  କଥା, ଅନ୍ୟ ରାଜ୍ୟ ତୁଳନାରେ ଓଡିଶାରେ ଆଳୁ ଉତ୍ପାଦନ  କମ ହୋଇଥାଏ । ବରଗଡ଼, ବାଲେଶ୍ୱର ଆଦି ଜିଲ୍ଲାରେ  ମାତ୍ର ୫ ପ୍ରତିଶତ ଆଳୁ ସ୍ଥାନୀୟ ବଜାରକୁ ଆସିଥାଏ ।  ତେଣୁ ସେଥିପାଇଁ ବାହାର ରାଜ୍ୟ, ବିଶେଷକରି  ପଶ୍ଚିମବଙ୍ଗ ଓ ଉତ୍ତରପ୍ରଦେଶରୁ ମୋଟ ଆମଦାନୀର  ପ୍ରାୟ ୯୦ ଭାଗରୁ ଅଧିକ ଆଳୁ ଓଡ଼ିଶାକୁ ଆସିଥାଏ ।  ପଶ୍ଚିମବଙ୍ଗ ଓ ଉତ୍ତରପ୍ରଦେଶରୁ ଭୁବନେଶ୍ୱରକୁ  ଦୈନିକ ୩ ଶହ ଟନ୍‌ ଆଳୁ ଆସିଥାଏ । ସେଥିରୁ ସହର  ପାଇଁ ୮୦ ଟନ୍‌ ଆଳୁ ରଖାଯାଇ ଅନ୍ୟ ଆଳୁକୁ ଖୋର୍ଦ୍ଧା,  ବାଲିପାଟଣା, ବାଲିଅନ୍ତା, ଟାଙ୍ଗୀ, ଜଟଣୀ, ଚନ୍ଦକା ଓ କଟକ ରୋଡ୍‌ ଆଦି ଅଞ୍ଚଳକୁ ପଠାଇ ଦିଆଯାଏ । 

ଏ  ସଂକ୍ରାନ୍ତରେ ରାଜଧାନୀ କଞ୍ଚା ପରିବା ସଂଘର ସଭାପତି  କବିରାଜ ସ୍ୱାଇଁ କହିଛନ୍ତି,  ରବିବାର ବଜାରରେ ଆଳୁ କିଲୋ  ୩୦ ଟଙ୍କା ରହିଛି । ଆହୁରି ବଢିବାର ଆଶଙ୍କା ରହିଛି ।  ବାହାରୁ ଯେଉଁ ଆଳୁ ଆସୁଛି ସେଥିରୁ ଅଧେ ନଷ୍ଟ  ହେଉଛି । ତେଣୁ ଭଲ ଆଳୁକୁ ଗଚ୍ଛିତ ରଖାଯାଉଛି । ଯାହା ବଳକା ପଡୁଛି ତାକୁ ବିକ୍ରି କରାଯାଉଛି । ସେହିପରି  କୁବେରପୁରୀ ବ୍ୟବସାୟୀ ସଂଘ ସଭାପତି ଶକ୍ତି ପ୍ରସାଦ  ମିଶ୍ର କହନ୍ତି, ଗୋଦାମରେ କ୍ୱିଣ୍ଟାଲ ପିଛା ୨୨ଶହ ଟଙ୍କାରେ  ଆଳୁ ବିକ୍ରି ହେଉଛି । ଖୁଚୁରା ବ୍ୟବସାୟୀଙ୍କ ପାଖକୁ  ଗଲେ ଦର ବଢୁଛି । ତେବେ ଦୁଇରୁ ତିନିଦିନ ମଧ୍ୟରେ  ସ୍ଥିତି ସୁଧୁରିଯିବ ବୋଲି ସେ ଆଶା ପ୍ରକାଶ କରିଛନ୍ତି ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.