ନୀଳଗିରି, ୧୬/୪ : ବାଲେଶ୍ଵରର ସରକାରୀ ଅନ୍ଧ, ମୁକ, ବଧିର ଭିନ୍ନକ୍ଷମ ଆଶ୍ରମ ବିଦ୍ୟାଳୟରୁ ୨ ଛାତ୍ର ନିଖୋଜ। ଆଶ୍ରମ କର୍ତ୍ତୃପକ୍ଷଙ୍କ ଅବହେଳା ପାଇଁ ସ୍କୁଲରୁ ଦୁଇ ମୁକ ବଧିର ନାବାଳକ ଦୁଇ ଦିନ ଧରି ନିଖୋଜ ଅଛନ୍ତି। ବିଦ୍ୟାଳୟର ସୁରକ୍ଷାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ଅଭିଭାବକଙ୍କ ଅଭିଯୋଗ କ୍ରମେ ସଦର ଥାନାରେ ସ୍କୁଲ କର୍ତ୍ତୃପକ୍ଷ ଅଭିଯୋଗ କରିଛନ୍ତି। 

ସୂଚନାନୁଯାୟୀ, ନିଖୋଜ ଥିବା ନାବାଳକ ଜଣେ ନୀଳଗିରି ଥାନା ସିଆଡ଼ିମାଳ ପଞ୍ଚାୟତ ବାବନ୍ଧ ଗ୍ରାମର କୃଷ୍ଣଚନ୍ଦ୍ର ବେହେରାଙ୍କ ୧୨ ବର୍ଷର ଭିନ୍ନକ୍ଷମ ପୁଅ ସଂଗ୍ରାମ ବେହେରା। ଅନ୍ୟ ଜଣେ ମୟୁରଭଞ୍ଜ ଜିଲ୍ଲା ବୈଶିଙ୍ଗା ଅଞ୍ଚଳର ବାପି ମାରାଣ୍ଡି। ସୋମବାର ଭୋରରୁ ଦୁହେଁ ପାଚେରୀ ଡେଇଁ ନିଖୋଜ ହୋଇଥିବା ନେଇ ସ୍କୁଲ କର୍ତ୍ତୃପକ୍ଷ ସଫେଇ ଦେଇଥିବା ବେଳେ ପିଲା ଫାଟକ ଦେଇ ଯାଇଥିବା ଅଭିଯୋଗ କରୁଛନ୍ତି ଅଭିଭାବକ।