ପ୍ରମୁଖ ଖବର
  • କାମାକ୍ଷାନଗର: ଅଜଣା ଗାଡ଼ି ଧକ୍କା ରେ ସାଇକେଲ ଆରୋହୀ ଙ୍କ ମୃତ୍ୟୁ, କ୍ଷତିପୂରଣ ଦାବିରେ ସ୍ଥାନୀୟ ଲୋକଙ୍କ ରାସ୍ତା ରୋକ
  • ||
  • ଆସିଲା ବିଜେଡି ଷଷ୍ଠ ପର୍ଯ୍ୟାୟ ପ୍ରାର୍ଥୀ ତାଲିକା, ଚମ୍ପୁଆରୁ ସନାତନ ମହାକୁଡ଼, ବଡଚଣାରୁ ବର୍ଷା ପ୍ରିୟଦର୍ଶିନୀ
  • ||
  • ଦିଲ୍ଲୀପ ରାୟଙ୍କ ରାସ୍ତାରେ ନିହାର କଣ୍ଟା ! ପ୍ରାର୍ଥୀ ଚୟନକୁ ନେଇ ଦେଖା ଦେଇଛି ବିବାଦ
  • ||
  • ଆଜି ପ୍ରକାଶ ପାଇବ ୟୁଜିସି-ନେଟ୍‌ ଜୁନ୍‌ ସେସନ୍‌-୨୦୨୪ ଆବେଦନ ପ୍ରକ୍ରିୟା
  • ||
  • ବାଇକ୍‌କୁ ଧକ୍କା ଦେଲା ଆମ୍ଵୁଲାନ୍ସ, ଦୁଇ ଶିଶୁଙ୍କ ଆଖି ଆଗରେ ଚାଲିଗଲା ବାପା-ମାଙ୍କ ଜୀବନ
  • ||
  • ହୀରାକୁଦରେ ଡଙ୍ଗା ବୁଡି ଟ୍ରାଜେଡି: ମୃତ୍ୟୁ ସଂଖ୍ୟା ୭କୁ ବୃଦ୍ଧି, ଜଣେ ଏବେ ବି ନିଖୋଜ
  • ||
  • ମେ'୧ରୁ ପର୍ଯ୍ୟଟକଙ୍କ ପାଇଁ ବନ୍ଦ ରହିବ ଭିତରକନିକା
  • ||
  • ଶନିବାର ବାହୁଡ଼ିବେ ମହାପ୍ରଭୁ ଶ୍ରୀଲିଙ୍ଗରାଜ: ଦିନ ସାଢ଼େ ୧ରେ ପହଣ୍ଡି, ସାଢେ ୩ଟାରେ ରଥଟଣା
  • ||
  • ଶନିବାର ବିଶ୍ବପ୍ରସିଦ୍ଧ ରଥଯାତ୍ରା ପ୍ରଥମ ସମନ୍ୱୟ ବୈଠକ, ଅଧ୍ୟକ୍ଷତା କରିବେ ଆର୍‌ଡିସି
  • ||
  • ଆଜି ବି ଅତି ଭୀଷଣ ଗ୍ରୀଷ୍ମପ୍ରବାହ, ୨୧ ଯାଏ ନିସ୍ତାର ନାହିଁ, କାଳବୈଶାଖୀ ପାଇଁ କମିପାରେ ତାତି
  • ||
  • IPL ୨୦୨୪: ଆଜି ଦିଲ୍ଲୀ-ହାଇଦ୍ରାବାଦ ଲଢ଼େଇ, କ୍ୟାପିଟାଲ୍ସ ଗଡ଼ ଧ୍ୱଂସ ପଥରେ ସନରାଇଜର୍ସ
  • ||
  • ହୀରାକୁଦରେ ଡଙ୍ଗା ବୁଡି ଟ୍ରାଜେଡି, ଦୁଇ ମୃତ, ୭ ନିଖୋଜ, ସକାଳୁ ଉଦ୍ଧାର କାର୍ଯ୍ୟ ଆରମ୍ଭ
  • ||

ଭାରତ-ଋଷ ସମ୍ପର୍କର କୌଣସି ଭବିଷ୍ୟତ ନଥିବା କହିଲା ୟୁକ୍ରେନ୍, ଯୁଦ୍ଧ ରୋକିବାକୁ ରହିଛି ନୂଆଦିଲ୍ଲୀର ଆବଶ୍ୟକତା

ନୂଆଦିଲ୍ଲୀ, ୨୯/୦୩: ଋଷ ସହ ଯୁଦ୍ଧ ଜାରି ରହିଥିବା ବେଳେ ୨ ଦିନିଆ ଭାରତ ଗସ୍ତରେ ଆସିଛନ୍ତି ୟୁକ୍ରେନ୍ ବିଦେଶ ମନ୍ତ୍ରୀ ଦିମିତ୍ରୋ କୁଲେବା । ଭାରତ ଗସ୍ତରେ ଥିବା କୁଲେବା କହିଛନ୍ତି, ‘ଭାରତ ଓ ଋଷର ଏହି ସମ୍ପର୍କ ସୋଭିଏତ୍ ସଂଘ ଅମଳରୁ ରହି ଆସିଛି । ସୋଭିଏତ୍ ସଂଘ ଏବେ ନଥିବାରୁ ୨ ଦେଶ ମଧ୍ୟରେ ଥିବା ସମ୍ପର୍କର କୌଣସି ଭବିଷ୍ଯତ ନାହିଁ ।’

ଏନଡିଟିଭିକୁ ସାକ୍ଷାତକାର ଦେଇ ଦିମିତ୍ରୋ କହିଛନ୍ତି, ମୁଁ ଭାବୁଛି ଭାରତ ଓ ୟୁକ୍ରେନ୍ ସମ୍ବନ୍ଧର ଭବିଷ୍ୟତ ଆହୁରି ଉତ୍ତମ ହୋଇ ପାରିବ । ଯଦି ଭାରତ ଓ ଋଷ ଏତେ ବିଶ୍ୱସ୍ତ ତ ଏହାର ଉପଯୋଗ ମସ୍କୋର ବ୍ୟବହାର ପରିବର୍ତ୍ତନ ପାଇଁ କରାଯାଇ ପାରିବ । ବିଶ୍ୱସ୍ତରରେ ଭାରତର ସ୍ୱର ବେଶ୍ ଗୁରୁତ୍ୱପୂର୍ଣ୍ଣ ଏବଂ ୟୁକ୍ରେନରେ ଶାନ୍ତି ପାଇଁ ଆମକୁ ଆବଶ୍ୟକତା ରହିଛି ।

ଋଷ-ୟୁକ୍ରେନ୍ ଯୁଦ୍ଧ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଇଥିବା ଏକ ବୟାନକୁ ଦୋହରାଇଛନ୍ତି ୟୁକ୍ରେନ୍ ବିଦେଶ ମନ୍ତ୍ରୀ । କହିଛନ୍ତି, ଏହା ଯୁଦ୍ଧର ଯୁଗ ନୁହେଁ । ଦ୍ୱିତୀୟ ବିଶ୍ୱଯୁଦ୍ଧ ପରେ ଏବେ ୟୁରୋପରେ ଋଷ ବଡ଼ ଯୁଦ୍ଧ କରୁଛି । ଆମେ ଜାଣିଛୁ ଋଷ ସହ ଭାରତର ଆର୍ଥିକ, ବୈଷୟିକ ଓ ପ୍ରତିରକ୍ଷା ସମ୍ପର୍କ ରହିଛି । ଭାରତ ଏକ ସ୍ୱାଧୀନ ରାଷ୍ଟ୍ର ହୋଇଥିବା ବେଳେ ଋଷ ତାର ସ୍ୱାର୍ଥ ଦୃଷ୍ଟିରୁ ସମ୍ପର୍କ ରଖିଥାଏ ।

ଯୁଦ୍ଧ ଶେଷ କରିବା ଦିଗରେ ଭାରତର ଭୂମିକା ନେଇ କୁଲେବା କହିଛନ୍ତି, ଶାନ୍ତି ପ୍ରତିଷ୍ଠା ଲାଗି ଭାରତ ଗ୍ଲୋବାଲ୍ ସାଉଥ ଦେଶଗୁଡ଼ିକୁ ସାଙ୍ଗରେ ଆଣିବାରେ ଭୂମିକା ଗ୍ରହଣ କରିବ । ଯଦି ଯୁକ୍ରେନରେ ଶାନ୍ତି ଆଣିବା ଲାଗି ଭାରତ କୌଣସି ବୈଠକରେ ସାମିଲ୍ ହୁଏ ତ ଅନ୍ୟ ଦେଶ ବି ସାମିଲ୍ ହେବାକୁ ଅଧିକ ସହଜ ମନେ କରିବେ ।

ସେ ଆହୁରି କହିଛନ୍ତି, ଏହା ଦ୍ୱାରା ୟୁକ୍ରେନ୍-ଭାରତ ସମ୍ପର୍କ ଆହୁରି ଦୃଢ଼ ହେବ । ଅନ୍ତଃରାଷ୍ଟ୍ରୀୟ ଆଇନ୍ ପ୍ରତି ସମ୍ମାନ ବଢ଼ିବ । ଦୁନିଆକୁ ବାର୍ତ୍ତା ଯିବ, କେହି ବି ଜବରଦସ୍ତି ସୀମାକୁ ବଦଳାଇ ପାରିବେ ନାହିଁ । କୌଣସି ଦେଶ ତାର ପଡ଼ୋଶୀ ରାଷ୍ଟ୍ର ଉପରେ ଆକ୍ରମଣ କରି ଅଧିକାର ସାବ୍ୟସ୍ତ କରି ପାରିବ ନାହିଁ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.