ନୂଆଦିଲ୍ଲୀ – ରାଜଧାନୀ ଦିଲ୍ଲୀର କନ୍ନାଟ ପ୍ଲେସ୍ ଅଞ୍ଚଳର ଏନ୍ ବ୍ଲକ୍ରେ, ଶନିବାର ଦ୍ୱିପ୍ରହରରେ ଏକ ପରିତ୍ୟକ୍ତ ବ୍ୟାଗ୍ ମିଳିବା ନେଇ ଆତଙ୍କ ଖେଳି ଯାଇଛି। ସୂଚନା ପାଇବା ପରେ ପୁଲିସ ତୁରନ୍ତ ସେଠାରେ ପହଞ୍ଚି ସଂପୃକ୍ତ ଅଞ୍ଚଳରୁ ଲୋକଙ୍କୁ ଖାଲି କରିବା ସହ ସେହି ସ୍ଥାନକୁ ଘେରାବନ୍ଦୀ କରିଛି। ଏହାସହ ଅନ୍ୟ ସ୍ଥାନରେ ମଧ୍ୟ ତଲାସୀ ଆରମ୍ଭ କରି ଦେଇଛି।
ପରିତ୍ୟକ୍ତ ବ୍ୟାଗ୍ ମିଳିବା ପରେ ସେଠାରେ ଆଖପାଖରେ ଠିଆ ହୋଇଥିବା ଲୋକେ ଫଟୋ ନେବା ସହ ଭିଡ଼ିଓ କରୁଥିଲେ, ପୁଲିସ ତାଙ୍କୁ ବୁଝାଇ ସେହି ସ୍ଥାନରୁ ଦୂରେଇ ଯିବାକୁ କହିଥିଲା। ଏହାସହ କହିଥିଲା କି ଏଠାରେ କୌଣସି ଖେଳ ହେଉ ନାହିଁ, ଏହା କୌଣସି ଖେଳନା ନୁହେଁ , ଯାହାର ଫିଲ୍ମ କରୁଛନ୍ତି ଆପଣ।
ହେଲେ ପୁଲିସ ଦ୍ୱାରା ଯେବ ପରିତ୍ୟକ୍ତ ବ୍ୟାଗ୍ର ଯାଞ୍ଚ କରାଗଲା ତ ତା ଭିତରୁ କିଛି ମଧ୍ୟ ସଦିଗ୍ଧ ଜିନିଷ ମିଳି ନଥିଲା। ଏହା ପୂର୍ବରୁ ୧ ମେ’ , ବୁଧବାର ଦିଲ୍ଲୀର ୧୫୦ରୁ ଅଧିକ ସ୍କୁଲକୁ ପଠାଯାଇ ଥିବା ଏକ ଇମେଲରେ ଦାବି କରାଯାଇ ଥିଲା କି, ସ୍କୁଲ ପରିସରରେ ବିସ୍ଫୋରକ ରଖାଯାଇଛି। ଏହି ଧମକପୂର୍ଣ୍ଣ ମେଲ୍ ପରେ ସ୍କୁଲରେ ବଡ଼ ସ୍ତରରେ ଆତଙ୍କ ଖେଳି ଯାଇଥିଲା। ପାଠପଢାକୁ ରୋକି ଦିଆ ଯାଇଥିଲା ଏବଂ ଚିନ୍ତାରେ ଥିବା ମାତାପିତା ନିଜ ନିଜର ପିଲାଙ୍କୁ ନେବାକୁ ସ୍କୁଲକୁ ଦୌଡ଼ି ଥିଲେ। ସ୍କୁଲରୁ ଖାଲି କରି ତଲାସି କରାଗଲା। ହେଲେ ପରେ ଏହି ଧମକ ମିଛ ସାବ୍ୟସ୍ତ ହୋଇଥିଲା। ସେଠାରେ କିଛି ମିଳି ନଥିଲା।
