ହାଇଦ୍ରାବାଦ : ତେଲଙ୍ଗାନାର ରଙ୍ଗାରେଡ୍ଡି ଜିଲ୍ଲା ସ୍ଥିତ ମୋଇନାବାଦ ଗାଁରେ ଏକ ବଡ଼ ଦୁର୍ଘଟଣା ଘଟିଛି। ଏଠାରେ ଏକ ଇନଡୋର ଷ୍ଟାଡିୟମର ନିର୍ମାଣାଧିନ କାନ୍ଥର ଏକ ଭାଗ ଭୁଶୁଡ଼ି ପଡ଼ିବାରୁ ୩ଜଣ ଲୋକଙ୍କ ମୃତ୍ୟୁ ହୋଇଛି। ଏହି ଦୁର୍ଘଟଣାରେ ୧୦ ଜଣ ଲୋକ ଆହତ ମଧ୍ୟ ହୋଇଛନ୍ତି। 

ଉଦ୍ଧାର କାର୍ଯ୍ୟ ଖୁବ୍‌ ଜୋରରେ ଚାଲିଛି। ଘଟଣାସ୍ଥଳରୁ ଆସିଥିବା ଭିଜୁଆଲ୍ସରେ ଦେଖିବାକୁ ମିଳୁଛି କି , ଘଟଣା ସ୍ଥଳରେ ଭାଙ୍ଗି ଯାଇ ଥିବା କାନ୍ଥର ଭଗ୍ନାବଶେଷ ହଟାଇବାର କାମ ଜାରି ରହିଛି। 

କୁହାଯାଉଛି କି, ଯେଉଁ ଇନଡୋର ଷ୍ଟାଡିୟମ୍‌ର କାନ୍ଥ ଭୁଶୁଡ଼ି ପଡ଼ିଛି , ତାହା ଏକ ପ୍ରାଇଭେଟ୍‌ ଷ୍ଟାଡିୟମ। ରାଜେନ୍ଦ୍ର ନଗରର ଡିଏସପି ଜଗଦିଶ୍ୱର ରେଡ୍ଡିଙ୍କ ମୁତାବିକ , ବର୍ତ୍ତମାନ ଘଟଣାସ୍ଥଳରେ ଏକ ମୃତଦେହକୁ ବାହାର କରାଯାଇ ସାରିଛି। ସେଠାରେ ଅଧିକାରୀ ଭଗ୍ନାବଶେଷରୁ ଅନ୍ୟ ମୃତଦେହକୁ ବାହାର କରିବାରେ ପ୍ରୟାସ ଚଳାଇଛନ୍ତି । ଏହା ବ୍ୟତୀତ ଦୁର୍ଘଟଣାରେ ଆହତ ହୋଇଥିବା ଲୋକଙ୍କୁ ଚିକିତ୍ସା ପାଇଁ ସ୍ଥାନୀୟ ହସ୍ପିଟାଲକୁ ନିଆଯାଇଛି। ଡିସିପି କହିଛନ୍ତି କି ଉଦ୍ଧାର କାର୍ଯ୍ୟ ଏବେ ବି ଜାରି ରହିଛି ।