ପ୍ରମୁଖ ଖବର
  • ରଥଖଳା ହାଲ୍‌ଚାଲ୍‌...ନିର୍ମାଣସ୍ଥଳରେ ମୁଗୁର ଓ ନିହଣ ଶବ୍ଦର କମ୍ପନ, ଚାଲିଛି ତୁମ୍ବରେ ବିନ୍ଧ ଖୋଦେଇ
  • ||
  • ବିଜେପି ନେତାଙ୍କ ମାରାଥନ୍‌ ପ୍ରଚାର: ଆଜି ଅଶ୍ୱିନୀ, ହେମାମାଳିନୀ ଓ ତୋମାରଙ୍କ କରିବେ ପ୍ରଚାର, ଧର୍ମେନ୍ଦ୍ର, ଭୂପେନ୍ଦ୍ର, ଅନୁଭବ, ସିଦ୍ଧାନ୍ତ ବି ବୁଲିବେ
  • ||
  • ହରିୟାଣାରେ ଟୁରିଷ୍ଟ ବସ୍ ଦୁର୍ଘଟଣା, ନିଆଁ ଲାଗି ୮ ମୃତ, ୨୪ରୁ ଅଧିକ ଗୁରୁତର
  • ||
  • ସନ୍ଧ୍ୟାରେ ଥମିବ ୫ମ ପର୍ଯ୍ୟାୟ ନିର୍ବାଚନୀ ପ୍ରଚାର, ସୋମବାର ୪୯ ଲୋକସଭା ଆସନରେ ଭୋଟିଂ
  • ||
  • IPL 2024: ଚିନ୍ନାସ୍ୱାମୀରେ ଆରସିବିକୁ ଭେଟିବ ସିଏସ୍‌କେ, ପ୍ଲେ-ଅଫ୍‌ ପାଇଁ ଶେଷ ସୁଯୋଗ
  • ||
  • ରାଜ୍ୟରେ ୧୯ରୁ ବଢ଼ିବ ତାତିି, ୨୦ରୁ କଲବଲ କରିବ ପ୍ରଚଣ୍ଡ ଗ୍ରୀଷ୍ମପ୍ରବାହ: ବିଭିନ୍ନ ଜିଲ୍ଲାକୁ ୟେଲୋ ୱାର୍ଣ୍ଣିଂ
  • ||

‘ଏନଆରସି ଲାଗୁ ହେଲେ ଦେଶ ଜାଳିଦେବୁ’; କେନ୍ଦ୍ରମନ୍ତ୍ରୀଙ୍କୁ ମିଳିଲା ଧମକପୂର୍ଣ୍ଣ ଚିଠି

Image Courtesy: indiatv

ନୂଆଦିଲ୍ଲୀ: ଦେଶବ୍ୟାପୀ ନାଗରିକତା ସଂଶୋଧନ ଆଇନ୍‌ ବା ସିଏଏ ଲାଗୁ କରାଯାଇଛି । ଏଭଳି ସ୍ଥିତିରେ ଏନଆରସି ଲାଗୁ ହେବା ନେଇ ଚର୍ଚ୍ଚା ଲାଗି ରହିଛି । ଏନଆରସିକୁ ବିରୋଧ ମଧ୍ୟ କରାଯାଉଛି । ଏସବୁ ଭିତରେ ଏନଆରସିକୁ ନେଇ କେନ୍ଦ୍ରମନ୍ତ୍ରୀ ଶାନ୍ତନୁ ଠାକୁରଙ୍କୁ ଧମକପୂର୍ଣ୍ଣ ପତ୍ର ମିଳିଛି । ଏହି ଚିଠି ଆତଙ୍କବାଦୀ ସଂଗଠନ ଲଶ୍କର-ଏ ତୋଇବା ପଠାଇଥିବା କୁହାଯାଉଛି । 

କେନ୍ଦ୍ରମନ୍ତ୍ରୀଙ୍କୁ ମିଳିଥିବା ଏହି ଚିଠି ବଙ୍ଗଳା ଭାଷାରେ ଲେଖାହୋଇଛି ।  ଏନଆରିସି ଲାଗୁ ହେଲେ ଦେଶକୁ ଜାଳିଦେବୁ ବୋଲି ପତ୍ରରେ ଲେଖାହୋଇଛି ।   କେନ୍ଦ୍ରମନ୍ତ୍ରୀ ଏବଂ ବିଜେପି ନେତା ଶାନ୍ତନୁ ଠାକୁର ଦାବି କରିଛନ୍ତି ଯେ, ଆତଙ୍କବାଦୀ ସଂଗଠନ ଲଶ୍କର-ଏ ତୋଇବା ପଶ୍ଚିମବଙ୍ଗରେ ଏନଆରସି ଲାଗୁ ହେଲେ ଦେଶକୁ ଜାଳିଦେବ ବୋଲି ଧମକ ଦେଇଛି । 

ଏହା ବ୍ୟତୀତ ବଙ୍ଗଳା ଭାଷାରେ ଟାଇପ ହୋଇଥିବା ଏହି ପତ୍ରରେ, ଏନଆରସି ମାଧ୍ୟମରେ ଯଦି କୌଣସି ମୁସଲମାନଙ୍କୁ ଉତ୍ପୀଡ଼ନ କରାଯାଏ ତେବେ ମତୁଆ ସମୁଦାୟକଙ୍କ ତୀର୍ଥସ୍ଥାନ ‘ଠାକୁରବାରି’କୁ ଧ୍ବଂସ କରିଦିଆଯିବ ବୋଲି ମଧ୍ୟ ଧମକ ଦିଆଯାଇଛି । କେନ୍ଦ୍ରୀୟ ପୋତ, ନୌବାହାକ ଏବଂ ଜଳମାର୍ଗ ରାଜ୍ୟ ମନ୍ତ୍ରୀ ଶାନ୍ତନୁ ଠାକୁର ସାମ୍ବାଦିକଙ୍କୁ କହିଛନ୍ତି ଯେ, ଏଭଳି ପତ୍ର ପାଇ ମୁଁ ସ୍ତବ୍ଧ । ମୁଁ ମୋ ବିଭାଗକୁ ସୂଚନା ଦେଇଛି । 

ସେପଟେ ଏନେଇ ପୋଲିସ ପାଖରେ କୌଣସି ଅଭିଯୋଗ ହୋଇନଥିବା ନେଇ ବୋନଗାଁ ଏସପି ଦିନେଶ କୁମାର କହିଛନ୍ତି । ଚିଠିରେ ଦସ୍ତଖତ କରିଥିବା ବ୍ୟକ୍ତି ୨୪ ପ୍ରଗଣାରେ ରହୁଥିବା ଲଶ୍କର-ଏ ତୋଇବାର ସଦସ୍ୟ ବୋଲି କୁହାଯାଉଛି । 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.