ନୂଆଦିଲ୍ଲୀ, ୦୪/୦୬ : ୟୁପି ଲୋକସଭା ଆସନରେ ଭୋଟ୍ ଗଣତି ଜାରି ରହିଛି। ସକାଳ ୮ଟାରୁ ପୋଷ୍ଟାଲ ଗଣତି ଆରମ୍ଭ ହୋଇଛି। ପ୍ରାରମ୍ଭିକ ଟ୍ରେଣ୍ଡ୍ ଅନୁଯାୟୀ, ରାଜ୍ୟରେ ବିଜେପି ଆଗୁଆ ରହିଛି। ବାରଣାସୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଲକ୍ଷ୍ନୌରେ ରାଜନାଥ ସିଂହ, ମୋହନଲାଲଗଞ୍ଜରୁ କୌଶଳ କିଶୋର, ଅମେଠିରୁ ସ୍ମୃତି ଇରାନୀ ଆଗୁଆ ଚାଲିଛନ୍ତି। ସେପଟେ ରାୟବରେଲିରେ ରାହୁଲ ଗାନ୍ଧୀ ଏବଂ କନୌଜରେ ଅଖିଳେଶ ଯାଦବ, ମୈନୀପୁରୀରେ ତାଙ୍କ ପତ୍ନୀ ଡିମ୍ପଲ ଯାଦବ ଆଗରେ ରହିଛନ୍ତି। 

ୟୁପିର ବାରଣାସୀ, ରାୟବରେଲୀ, ଅମେଠି, ମୈନପୁରୀ ଆଦି ସିଟ୍‌ରେ ହେଭିୱେଟ୍ ତାଙ୍କର ଭାଗ୍ୟ ପରୀକ୍ଷା କରୁଛନ୍ତି। ତେଣୁ ଏହି ସବୁ ସିଟ୍ ଗୁଡ଼ିକ ଉପରେ ସମସ୍ତଙ୍କର ନଜର ରହିବ। ତେବେ ଗତ ୨ ନିର୍ବାଚନରେ ଏଠାରେ ବିଜେପିକୁ ଜନମତ ମିଳିଛି। ତେବେ ୨୦୨୪ରେ ବିଜେପି ଇତିହାସକୁ ଅପରିବର୍ତ୍ତିତ ରଖିବ କି ସପା-କଂଗ୍ରେସର ମହାମେଣ୍ଟ ବାଜି ମାରିବ ତାହା ଦେଖିବାକୁ ବାକି ରହିଲା।