ଲକ୍ଷ୍ନୌ,୪।୬: ଉତ୍ତର ପ୍ରଦେଶର ୮୦ ଲୋକସଭା ଆସନରେ ମତଗଣନା ଜାରି ରହିଛି। ଏବେ ଫଳାଫ ଆସିବାକୁ ଯାଉଛି। ଅପରାହ୍ନ ସାଢେ ୪ଟା ସୁଦ୍ଧା ବିଜେପି ୩୫, କଂଗ୍ରେସ ୭, ରାଷ୍ଟ୍ରୀୟ ଲୋକଦଳ ୨, ଆଜାଦ ସମାଜ ପାର୍ଟି ଗୋଟିଏ ଓ ଆପନା ଦଳ ମଧ୍ୟ ଗୋଟିଏ ଆସନରେ ଆଗୁଆ ଅଛି। ରାହୁଲ ଗାନ୍ଧି ୪ ଲକ୍ଷରୁ ଅଧିକ ଭୋଟରେ ଜିତିଛନ୍ତି। ସେଭଳି ଆମେଠିରୁ ସ୍ମୃତି ଇରାନୀ ହାରି ଯାଇଛନ୍ତି। ଲକ୍ଷୀପୁର ଖିରିରୁ ଅଜୟ ଟେନିଙ୍କୁ ମଧ୍ୟ ପରାଜୟର ମୁହଁ ଦେଖିବାକୁ ମିଳିଛି। ସେଭଳି ବିଜେପି ହାତରୁ ଖସି ଯାଇଛି ଅଯୋଧ୍ୟା। ସେଠାରୁ ଲ୍ଲୁ ସିଂହ ହାରି ଯାଇଛନ୍ତି।
ଅନ୍ୟପକ୍ଷେ ବିଧାନସଭା ଉପ ନିର୍ବାଚନରେ ଶାସକ ବିଜେପି ଓ ମୁଖ୍ୟ ବିରୋଧି ସମାଜବାଦୀ ପାର୍ଟି ଭିତରେ କଡା ମୁକାବିଲା ଦେଖିବାକୁ ମିଳିଛି। ଦୁଇ ଦଳ ଦୁଇଟି ଲେଖାଏଁ ବିଧାନସଭା କ୍ଷେତ୍ରରେ ଆଗୁଆ ଚାଲିଛନ୍ତି। ବିଜେପି ପ୍ରାର୍ଥୀ ଲକ୍ଷ୍ନୌ ପୂର୍ବ ଓ ଦଦରୌଲ ଆସନରୁ ଆଗୁଆ ଅଛନ୍ତି। ସେଭଳି ସମାଜବାଦୀ ପାର୍ଟିର ପ୍ରାର୍ଥୀ ଗୈସଣ୍ଡି ଓ ଦୁଦ୍ଦି(ସଂରକ୍ଷିତ) ବିଧାନସଭା ଆସନରୁ ଆଗୁଆ ଅଛି।