ପ୍ରମୁଖ ଖବର
  • ଭୁବନେଶ୍ୱର : ଜାତୀୟ ସ୍ତରୀୟ ଗବେଷଣା ସୁଯୋଗ, ମୁଖ୍ୟମନ୍ତ୍ରୀ ରିସର୍ଚ୍ଚ ଫେଲୋସିପ୍‌ ପାଇଁ ୩୦୦ ଶିକ୍ଷାର୍ଥୀ ଚୟନ
  • ||
  • ଭୁବନେଶ୍ୱର : ମହିଳାଙ୍କ ସୁରକ୍ଷା ପାଇଁ ନିଯୁକ୍ତ ହୋଇଥିଲେ; ତାଲିମ ନେଇଥିଲେ ୨୪୮ ଜଣ, ଏବେ ବନ୍ଦ ହୋଇଗଲା ଏସ୍‌ଓପି ବ୍ୟବସ୍ଥା
  • ||
  • ପଶ୍ଚିମବଙ୍ଗରେ ଥମୁନି ନିର୍ବାଚନୀ ହିଂସା, ଜଣେ ଟିଏମସି କର୍ମୀଙ୍କୁ ହତ୍ୟା, ପୁଣି ବିଜେପି ବିରୋଧରେ ଦଳ ଆଣିଲା ଅଭିଯୋଗ
  • ||
  • ବାଂଲାଦେଶ ମୁହାଁ ବାତ୍ୟା, ପ୍ରଭାବରେ ୪ଜିଲ୍ଲାରେ ବର୍ଷା ଓ ପବନ ସମ୍ଭାବନା, ୪ ଜିଲ୍ଲାପାଳଙ୍କୁ ଏସଆରସିଙ୍କ ଆଲର୍ଟ
  • ||
  • ରାଜ୍ୟରେ ତୃତୀୟ ପର୍ଯ୍ୟାୟ ମତଦାନ, ୬ ଲୋକସଭା ଓ ୪୨ ବିଧାନସଭା ଆସନରେ ଭୋଟିଂ, ୪୪୭ ପ୍ରାର୍ଥୀଙ୍କ ହେବ ଭାଗ୍ୟ ପରୀକ୍ଷା
  • ||
  • ଦେଶରେ ଷଷ୍ଠ ପର୍ଯ୍ୟାୟ ମତଦାନ, ୬ ରାଜ୍ୟ ଓ ୨ କେନ୍ଦ୍ରଶାସିତ ଅଞ୍ଚଳରେ ଚାଲିଛି ଭୋଟ୍, ୫୮ ସଂସଦୀୟ କ୍ଷେତ୍ରରେ ମତଦାନ ଆରମ୍ଭ
  • ||
  • ସୃଷ୍ଟି ହେଲା ଅବପାତ: ୨୫ ରାତିରୁ ଉପକୂଳରେ ବର୍ଷା, ୨୬ରେ ଭୀଷଣ ବାତ୍ୟା ରୂପ ନେବ
  • ||

୫ରେ ୟୁପିଏସ୍‌ସି କୋଚିଂ ପ୍ରବେଶିକା, ପରୀକ୍ଷା ଦେବେ ୩ ହଜାର ୭୩୧ ଶିକ୍ଷାର୍ଥୀ

ଭୁବନେଶ୍ୱର, ୧।୫: ୟୁନିୟନ ପବ୍ଲିକ୍‌ ସର୍ଭିସ କମିଶନ (ୟୁପିଏସ୍‌ସି) ସିଭିଲ୍‌ ସର୍ଭିସ୍‌ ମାଗଣା କୋଚିଂ ପାଇଁ ପ୍ରବେଶିକା ପରୀକ୍ଷା ମେ ୫ରେ ଅନୁଷ୍ଠିତ ହେବ । ଏଥିପାଇଁ ୩ହଜାର ୭୩୧ ପରୀକ୍ଷାର୍ଥୀ ଆବେଦନ କରିଛନ୍ତି । କେବଳ ଭୁବନେଶ୍ୱର ଜୋନ୍‌ରେ ପରୀକ୍ଷା ଦେବା ପାଇଁ ୨୧୦୦ରୁ ଅଧିକ ପିଲା ଆବେଦନ କରିଛନ୍ତି । ଭୁବନେଶ୍ୱରରେ ପରୀକ୍ଷା ପାଇଁ ବିଜେବି ସ୍ୱୟଂଶାସିତ ମହାବିଦ୍ୟାଳୟ, ରାଜଧାନୀ କଲେଜ, କମଳା ନେହେରୁ ମହିଳା ମହାବିଦ୍ୟାଳୟରେ ପରୀକ୍ଷା କେନ୍ଦ୍ର କରାଯାଇଛି । ସେହିପରି ବାଲେଶ୍ୱରର କୁନ୍ତଳାକୁମାରୀ ସାବତ ମହିଳା ମହାବିଦ୍ୟାଳୟ, ବ୍ରହ୍ମପୁରର ଶଶିଭୂଷଣ ରଥ ମହିଳା ମହାବିଦ୍ୟାଳୟ, ଜୟପୁର ବିକ୍ରମଦେବ ବିଶ୍ୱବିଦ୍ୟାଳୟ ଏବଂ ସମ୍ବଲପୁରରେ ପରୀକ୍ଷା କେନ୍ଦ୍ର କରାଯାଇଛି । ଷ୍ଟାଫ୍‌ ସିଲେକ୍ସନ୍‌ ବୋର୍ଡ (ଏସ୍‌ଏସ୍‌ବି) ପକ୍ଷରୁ ପରୀକ୍ଷା ପରିଚାଳନା କରାଯିବ ।  

ଏସ୍‌ଏସ୍‌ବିର ସୂଚନା ଅନୁଯାୟୀ, ଭୁବନେଶ୍ୱର ବିଜେବି ସ୍ୱୟଂଶାସିତ ମହାବିଦ୍ୟାଳୟରେ ୯୮୯ଜଣ ପରୀକ୍ଷାର୍ଥୀ, ରାଜଧାନୀ କଲେଜରେ ୮୦୦, କମଳାନେହରୁ କଲେଜରେ ୩୭୬ ଜଣ ପରୀକ୍ଷାର୍ଥୀ ପରୀକ୍ଷା ଦେବେ । ଉଚ୍ଚଶିକ୍ଷା ବିଭାଗ ପକ୍ଷରୁ ୨୦୨୪- ୨୫ ବର୍ଷ ପାଇଁ ୟୁପିଏସ୍‌ସି ସିଭିଲ୍‌ ସର୍ଭିସ୍‌ ଆବାସିକ କୋଚିଂ ପ୍ରକ୍ରିୟା ଆରମ୍ଭ ହୋଇଛି । ଏଥିପାଇଁ ଗତ ୨ ତାରିଖରେ ଆବେଦନ ସରିଥିବାବେଳେ ଏସ୍‌ଏସ୍‌ବି ୱେବ୍‌ସାଇଟ୍‌ରେ ଆଡମିଟ୍‌ କାର୍ଡ ଉପଲବ୍ଧ ରହିଛି । ଆବେଦନକାରୀ ନିଜ ରୋଲ ନମ୍ବର ଏବଂ ମୋବାଇଲ୍‌ ନମ୍ବର ଦେଇ ଆଡମିଟ୍‌ କାର୍ଡ ଡାଉନଲୋଡ୍‌ କରିପାରିବେ । 

ପ୍ରବେଶିକା ପରୀକ୍ଷା ପରେ ଏସ୍‌ଏସ୍‌ବି ମୂଲ୍ୟାୟନ ଆଧାରରେ ଶ୍ରେଷ୍ଠ ୨୦୦ ପିଲାଙ୍କ ତାଲିକା କରାଯିବ । ସେମାନଙ୍କୁ ମାଗଣାରେ କୋଚିଂ ଦିଆଯିବ । ସବୁ ବର୍ଗରେ ୩୦ ପ୍ରତିଶତ ଛାତ୍ରୀଙ୍କ ପାଇଁ ସିଟ୍‌ ସଂରକ୍ଷିତ ରହିବ । ଚଳିତ ବର୍ଷ ଏହି କୋଚିଂକୁ ଉନ୍ନତମାନର କରିବା ପାଇଁ ବିଭିନ୍ନ ଉଚ୍ଚସ୍ତରୀୟ ଏକାଡେମୀ ତଥା ପ୍ରଫେସନାଲ୍‌ କୋଚିଂ ସେଣ୍ଟର ସହ ଚୁକ୍ତି ମଧ୍ୟ ହୋଇଛି । ପିଲାଙ୍କୁ ଗୁଣାତ୍ମକ କୋଚିଂ ଦେବା ସହ ଷ୍ଟଡି ମ୍ୟାଟେରିଆଲ୍‌ ଯୋଗାଇ ଦିଆଯିବ । ଏଥିସହ ହଷ୍ଟେଲରେ ରହିବା ସହ ଖାଇବାର ସୁବିଧା ଦିଆଯିବ । ପିଲାଙ୍କ ପାଠପଢ଼ାକୁ ତଦାରଖ କରିବାକୁ ବରିଷ୍ଠ ଅଧିକାରୀଙ୍କୁ ଦାୟିତ୍ୱ ଦିଆଯାଇଛି ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.