ନୂଆଦିଲ୍ଲୀ: ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଶନିବାର ଚେତାବନୀ ଦେଇଛନ୍ତି ଯେ, ଯଦି ସେ ଚଳିତ ବର୍ଷ ଶେଷରେ ହେବାକୁ ଥିବା ନିର୍ବାଚନରେ ନିର୍ବାଚିତ ନ ହୁଅନ୍ତି ତେବେ ଦେଶରେ 'ରକ୍ତପାତ' ହେବ । ଓହାଓର ଡାଏଟନ୍ରେ ଏକ ସମାବେଶକୁ ସମ୍ବୋଧିତ କରି ଟ୍ରମ୍ପ କହିଛନ୍ତି, 'ଯଦି ମୁଁ ଏଥର ନିର୍ବାଚିତ ନହୁଏ, ତେବେ ଏଠାରେ ରକ୍ତପାତ ହେବ। ଅତିକମରେ ଦେଶ ପାଇଁ ରକ୍ତପାତ ହେବାକୁ ଯାଉଛି।
ତେବେ ଟ୍ରମ୍ପଙ୍କ ଏହି ବିବୃତ୍ତିର ଅର୍ଥ କ’ଣ ତାହା ବର୍ତ୍ତମାନ ସ୍ପଷ୍ଟ ହୋଇନାହିଁ । ବାସ୍ତବରେ, ସେ ଏହି ଚେତାବନୀ ଦେବା ସମୟରେ ଅଟୋମୋବାଇଲ ଶିଳ୍ପ ଉପରେ ଅଭିଯୋଗ କରୁଥିଲେ। ଏକ ରିପୋର୍ଟ ଅନୁଯାୟୀ, ଜନତାଙ୍କୁ ସମ୍ବୋଧିତ କରିବାବେଳେ ସେ କହିଥିଲେ ଯେ, ଯଦି ସେ ପୁନଃ ନିର୍ବାଚିତ ହୁଅନ୍ତି ତେବେ ଚୀନ୍ର ଆମେରିକାରେ ଆମଦାନୀ ହୋଇଥିବା କୌଣସି ଯାନ ବିକ୍ରୟ କରିପାରିବ ନାହିଁ।
ସୂଚନାଥାଉକି, ନଭେମ୍ବରରେ ଆମେରିକାରେ ରାଷ୍ଟ୍ରପତି ନିର୍ବାଚନ ଅନୁଷ୍ଠିତ ହେବ । ଏଭଳି ପରିସ୍ଥିତିରେ ଟ୍ରମ୍ପ ନିର୍ବାଚନ ପୂର୍ବରୁ ଆମେରିକାର ରାଷ୍ଟ୍ରପତି ଜୋ ବାଇଡେନ ବିରୋଧରେ ତୀବ୍ର ବିବୃତ୍ତି ଦେଇ ଦେଶର ଖରାପ ଚିତ୍ର ଦେଖାଉଛନ୍ତି ।
