ଦାରିଙ୍ଗିବାଡ଼ି ୨୧/୦୩ : ଏନ୍ପିଏସ୍ ( ନ୍ୟାସନାଲ ପେନ୍ସନ ସିଷ୍ଟମ ) ଟଙ୍କା ହଡ଼ପ ଅଭିଯୋଗରେ ବିଇଓ ରସାନନ୍ଦ କର ଗିରଫ । ଦାରିଙ୍ଗବାଡି ବ୍ଲକ ଶିକ୍ଷା ଅଧିକାରୀ ରସାନନ୍ଦ କରଙ୍କୁ ବାନ୍ଧିଲା ଭିଜିଲାନ୍ସ ଟିମ୍ । ଏନେଇ ଫୁଲବାଣୀ ଭିଜିଲାନ୍ସ ଇନ୍ସପେକ୍ଟର କୁମୁଦିନୀ ସାହୁ ସୂଚନା ଦେଇଛନ୍ତି ।
ସୂଚନା ମୁତାବିକ, ଦାରିଙ୍ଗବାଡି ବ୍ଲକ ଶିକ୍ଷା ଅଧିକାରୀ ରସାନନ୍ଦ କର ଶିକ୍ଷକଙ୍କ ନ୍ୟାସନାଲ ପେନ୍ସନ ସିଷ୍ଟମରୁ ୨୦ ଲକ୍ଷ ଟଙ୍କା ହଡ଼ପ କରିଥିଲେ । ଏନ୍ପିଏସ୍ ଟଙ୍କାକୁ ଚଞ୍ଚଚକତା କରି ଆକାଉଣ୍ଟରୁ ନିଜ ଆକାଉଣ୍ଟକୁ ଟ୍ରାନ୍ସଫର କରିଥିଲେ । ଏହାପରେ ସମସ୍ତ ଟଙ୍କା ସେୟାର ମାର୍କେଟରେ ବ୍ୟୟ କରିଦେଇଥିଲେ । ଭିଜିଲାନ୍ସ ପାଖରେ ଏନେଇ ଅଭିଯୋଗ ହୋଇଥିଲା । ଭିଜିଲାନ୍ସ ଘଟଣାର ତଦନ୍ତ କରି ବୁଧବାର ସଂଧ୍ୟାରେ ବ୍ଲକ ଶିକ୍ଷା ଅଧିକାରୀ ରସାନନ୍ଦ କରଙ୍କୁ ଗିରଫ କରିଛି । ତାଙ୍କ ବିରୋଧରେ ଠକେଇ ମାମଲା ରୁଜୁ ହୋଇଥିବା ବେଳେ ତଦନ୍ତ ଚାଲିଛି।