ମୁମ୍ବାଇ,୨୮/୫:ଖୁବଶୀଘ୍ର ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ଅନନ୍ତ ଅମ୍ବାନୀ ଏବଂ ରାଧିକା ମର୍ଚ୍ଚାଣ୍ଟ ।  ବିବାହ ପୂର୍ବରୁ ସେମାନଙ୍କ ଦ୍ବିତୀୟ ପ୍ରି-ୱେଡିଂ ସେଲିବ୍ରେସନ ହେବ। ନିକଟରେ ଗୁଜୁରାଟର ଜାମନଗରରେ ୩ଦିନ ଧରି ପ୍ରି-ୱେଡିଂ ସେଲିବ୍ରେଟ ହୋଇଥିବା ବେଳେ ବର୍ତ୍ତମାନ ଏହି କପଲ ଇଟାଲିରେ ଦ୍ୱିତୀୟ ପ୍ରି-ୱେଡିଂ ସେଲିବ୍ରେସନ କରିବାକୁ ଯାଉଛନ୍ତି । ଆଜି ଠାରୁ ଆରମ୍ଭ ହେବ ସେମାନଙ୍କର ପ୍ରି-ୱେଡିଂ ସମାରୋହ। ତେବେ ଏହି ସମାରୋହରେ ସାମିଲ ହେବାକୁ ଯାଉଛନ୍ତି ସଲମାନ ଖାନଙ୍କ ସମେତ ଅନେକ ତାରକା । 

ଅନନ୍ତ ଅମ୍ବାନୀ-ରାଧିକାଙ୍କ ଦ୍ୱିତୀୟ ପ୍ରି-ୱେଡିଂ ସମାରୋହରେ ଯୋଗ ଦେବେ ଅନେକ ବରିଷ୍ଠ ବ୍ୟକ୍ତି ବିଶେଷ ଏବଂ ବି-ଟାଉନ ତାରକା । ଆଜି ଏହି ସମାରୋହ ଆରମ୍ଭ ହେବାକୁ ଥିବା ବେଳେ ଅନେକ ସେଲିବ୍ରିଟି ଇଟାଲି ଯାତ୍ରା କରିଛନତି। ସଲମାନ ଖାନ,ରଣବୀର ସିଂ ଏବଂ ଝିଅ ରାହା ସହ ଆଲିଆ ଭଟ୍ଟ,ରଣବୀର କପୁର ଏବଂ କ୍ରିକେଟର ଏମଏସ ଧୋନି ଇଟାଲି ପହଞ୍ଚିଛନ୍ତି । ସମସ୍ତ ତାରକାଙ୍କୁ ମୁମ୍ୱାଇ ବିମାନ ବନ୍ଦରରେ ଦେଖିବାକୁ ମିଳିଥିଲା । ଯାହାର ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଇଟାଲିର ଏକ କ୍ରୁଜରେ ହେବ ଅନନ୍ତ ଅମ୍ବାନୀ-ରାଧିକାଙ୍କ ଦ୍ୱିତୀୟ ପ୍ରି-ୱେଡିଂ ସମାରୋହ । ଏହି କ୍ରୁଜ ଇଟାଲିରୁ ଫ୍ରାନ୍ସ ଯାଏଁ ଯାତ୍ରା କରିବ । ଏହି ସମୟରେ ପୁରା ପରିବାର ପ୍ରି-ୱେଡିଂ ସେଲିବ୍ରେସନ କରୁଥିବା ଦେଖିବାକୁ ମିଳିବ । ଏହି ପ୍ରି-ୱେଡିଂ ସମାରୋହ ୪ଦିନ ଧରି ଚାଲିବ ବୋଲି ଲେଖାହୋଇଛି । ଆଜିଠୁ ଜୁନ ୧ ଯାଏଁ ଚାଲିବ । ଆଜି କ୍ରୁଜକୁ ଅତିଥିମାନଙ୍କୁ ସ୍ୱାଗତ କରାଯିବ । ୨୯ରେ ଲଞ୍ଚ ପାର୍ଟି, ୩୦ରେ ଡ୍ଯାନ୍ସ, ପାର୍ଟି, ୩୧ରେ ଇଟାଲିୟନ ଡ୍ରେସ କୋର୍ଡରେ ନାଚଗୀତର ଆସର ହେବ । ସେହିପରି  ଜୁଲାଇ ୧୦-୧୨ ତାରିଖ ମଧ୍ୟରେ ଲଣ୍ଡନରେ ଏହି ଦୁହିଁଙ୍କ ହାତଗଣ୍ଠି ପଡିବ ବୋଲି ଜଣାପଡିଛି ।