ନୂଆଦିଲ୍ଲୀ: ଶେଖ ହସିନା ଦେଶ ଛାଡ଼ି ଚାଲିଯିବା ପରେ ବାଂଲାଦେଶରେ ଗଠନ କରାଯାଇଛି ଅନ୍ତରୀଣ ସରକାର। ବିଶ୍ୱ ମାଇକ୍ରୋ କ୍ରେଡିଟ୍ ଆନ୍ଦୋଳନର ଜନକ ତଥା ନୋବେଲ ବିଜେତା ମହମ୍ମଦ ୟୁନୁସ ବାଂଲାଦେଶର ନୂତନ ଅନ୍ତରୀଣ ସରକାରର ମୁଖ୍ୟ ଭାବରେ ନିର୍ବାଚିତ ହୋଇଛନ୍ତି। ୟୁନୁସଙ୍କ ନେତୃତ୍ୱରେ ମଧ୍ୟବର୍ତ୍ତୀକାଳୀନ ସରକାର ଗତ ସପ୍ତାହରେ ଶପଥ ଗ୍ରହଣ କରିଥିଲେ। ତେବେ ବାଂଲାଦେଶର ଅନ୍ତରୀଣ ସରକାର କହିଛନ୍ତି ଯେ ଆଇନ ମନ୍ତ୍ରଣାଳୟ ଅନୁରୋଧ କଲେ ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନାଙ୍କୁ ଫେରାଇ ଆଣିବା ପାଇଁ ପଦକ୍ଷେପ ନିଆଯିବ। 

ବୈଦେଶିକ ବ୍ୟାପାର ପରାମର୍ଶଦାତା ମହମ୍ମଦ ତାହିଦ୍   ହୁସେନ  କହିଛନ୍ତି ଯେ ଆଇନ ମନ୍ତ୍ରଣାଳୟ ଅନୁରୋଧ କଲେ ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନାଙ୍କୁ ଫେରାଇ ଆଣିବା ପାଇଁ ସେ ପଦକ୍ଷେପ ନେବେ। ଛାତ୍ରମାନଙ୍କ ହିଂସାତ୍ମକ ବିରୋଧ ପରେ ସେ ଦେଶ ଛାଡି ଭାରତରେ ପହଞ୍ଚିଥିଲେ।

ଢାକା ସମ୍ପର୍କକୁ ସମ୍ବୋଧିତ କରି ମହମ୍ମଦ ତାହିଦ୍ ହୁସେନ୍ କହିଛନ୍ତି, "ଏହା ଜରୁରୀ ଯେ ଲୋକମାନେ ଅନୁଭବ କରିବା ଉଚିତ ଯେ ଭାରତ ବାଂଲାଦେଶର ଜଣେ ଭଲ ବନ୍ଧୁ। ଆମେ ଏହା ଚାହୁଁ, ଢାକା ଏବଂ ଦିଲ୍ଲୀ ମଧ୍ୟରେ ଥିବା ସମ୍ପର୍କକୁ ସେହି ଦିଗକୁ ନେବାକୁ ଚାହୁଁଛୁ। ବାଂଲାଦେଶର ମଧ୍ୟବର୍ତ୍ତୀକାଳୀନ ସରକାର ଚାହୁଁଛନ୍ତି ଯେ ଏହି ପ୍ରସଙ୍ଗରେ ଭାରତ ସହଯୋଗ କରନ୍ତୁ।

ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନା ବର୍ତ୍ତମାନ ଭାରତରେ ରହୁଛନ୍ତି। ନିକଟରେ ସେ ଆମେରିକାରୁ ତାଙ୍କୁ କ୍ଷମତାରୁ ହଟାଇବାରେ ଏକ ଭୂମିକା ଗ୍ରହଣ କରିଥିବା ଅଭିଯୋଗ କରିଥିଲେ। 

ଏହାକୁ ନେଇ ତାହିଦ୍ ହୁସେନ୍ କହିଛନ୍ତି, "ଆମର ନୀତି ହେଉଛି ଆମର ଜାତୀୟ ସ୍ୱାର୍ଥ ରକ୍ଷା କରିବା। ସମସ୍ତ ଦେଶ ସହ ଭଲ ସମ୍ପର୍କ ବଜାୟ ରଖିବା। ଆମେ ସମସ୍ତଙ୍କ ସହ ବନ୍ଧୁତା ରକ୍ଷା କରୁ ଏବଂ କାହା ସହିତ ଶତ୍ରୁତା ଚାହୁଁ ନାହୁଁ। ଆମର ଲକ୍ଷ୍ୟ ହେଉଛି ସନ୍ତୁଳିତ ସମ୍ପର୍କ ପ୍ରତିଷ୍ଠା କରିବା।"