ପ୍ରମୁଖ ଖବର
  • ବାଲିପାଟଣା-ନିମାପଡ଼ା ରାସ୍ତାରେ ବିଦ୍ୟୁତ୍ ଖୁଣ୍ଟକୁ ଧକ୍କା ଦେଲା କାର
  • ||
  • ରଥଖଳା ହାଲ୍‌ଚାଲ୍‌...ନିର୍ମାଣସ୍ଥଳରେ ମୁଗୁର ଓ ନିହଣ ଶବ୍ଦର କମ୍ପନ, ଚାଲିଛି ତୁମ୍ବରେ ବିନ୍ଧ ଖୋଦେଇ
  • ||
  • ବିଜେପି ନେତାଙ୍କ ମାରାଥନ୍‌ ପ୍ରଚାର: ଆଜି ଅଶ୍ୱିନୀ, ହେମାମାଳିନୀ ଓ ତୋମାରଙ୍କ କରିବେ ପ୍ରଚାର, ଧର୍ମେନ୍ଦ୍ର, ଭୂପେନ୍ଦ୍ର, ଅନୁଭବ, ସିଦ୍ଧାନ୍ତ ବି ବୁଲିବେ
  • ||
  • ହରିୟାଣାରେ ଟୁରିଷ୍ଟ ବସ୍ ଦୁର୍ଘଟଣା, ନିଆଁ ଲାଗି ୮ ମୃତ, ୨୪ରୁ ଅଧିକ ଗୁରୁତର
  • ||
  • ସନ୍ଧ୍ୟାରେ ଥମିବ ୫ମ ପର୍ଯ୍ୟାୟ ନିର୍ବାଚନୀ ପ୍ରଚାର, ସୋମବାର ୪୯ ଲୋକସଭା ଆସନରେ ଭୋଟିଂ
  • ||
  • IPL 2024: ଚିନ୍ନାସ୍ୱାମୀରେ ଆରସିବିକୁ ଭେଟିବ ସିଏସ୍‌କେ, ପ୍ଲେ-ଅଫ୍‌ ପାଇଁ ଶେଷ ସୁଯୋଗ
  • ||
  • ରାଜ୍ୟରେ ୧୯ରୁ ବଢ଼ିବ ତାତିି, ୨୦ରୁ କଲବଲ କରିବ ପ୍ରଚଣ୍ଡ ଗ୍ରୀଷ୍ମପ୍ରବାହ: ବିଭିନ୍ନ ଜିଲ୍ଲାକୁ ୟେଲୋ ୱାର୍ଣ୍ଣିଂ
  • ||

ନିର୍ବାଚନ ସମୟରେ ଧରାପଡ଼ୁଥିବା ଟଙ୍କା କୁଆଡେ ଯାଏ, କ’ଣ ହୁଏ ଜବତ ହୋଇଥିବା ମଦ ?

ନୂଆଦିଲ୍ଲୀ: ଲୋକସଭା ନିର୍ବାଚନ ୨୦୨୪ ଏଥର ୭ଟି ପର୍ଯ୍ୟାୟରେ ହେବାକୁ ଯାଉଛି । ଆଉ ଏହା ପୂର୍ବରୁ ଦେଶରେ କୋଟି କୋଟି ଟଙ୍କା ଏବଂ ମାଦକ ଦ୍ରବ୍ୟ ଧରାପଡ଼ିଲାଣି । ନିର୍ବାଚନ ଆୟୋଗ ପ୍ରତି ଦିନ ପ୍ରାୟ ୧୦୦ କୋଟି ଜବତ କରିଥିବା ଜଣାପଡ଼ିଛି । ଏହିଭଳି ଏପ୍ରିଲ ୧୯ରେ ହେବାକୁ ଥିବା ପ୍ରଥମ ପର୍ଯ୍ୟାୟ ନିର୍ବାଚନ ପୂର୍ବରୁ ମୋଟ ୪୬୫୦ କୋଟି ଟଙ୍କା ଜବତ ହୋଇସାରିଛି । ୨୦୧୯ ଲୋକସଭା ନିର୍ବାଚନ ସମୟରେ ଧରାପଡ଼ିଥିବା ଟଙ୍କା ତୁଳନାରେ ଏହା ଖୁବ ଅଧିକ । କାରଣ ୨୦୧୯ ଲୋକସଭା ନର୍ବାଚନ ସମୟରେ ମୋଟ ୩୪୭୫ କୋଟି ଜବତ  ହୋଇଥିଲା । 

କେବଳ ଟଙ୍କା ନୁହେଁ ମଦ ଏବଂ ଡ୍ରଗ୍ସ ମଧ୍ୟ ବିପୁଳ ପରିମାଣରେ ଜବତ ହୋଇଛି । ୨୦୧୯ରେ  ୩୦୪ କୋଟି ନଗଦ ଟଙ୍କା ଜବତ ହୋଇଥିବା ବେଳେ ୧୨୭୯ କୋଟି ଟଙ୍କାର ଡ୍ରଗ୍ସ, ୯୮୭ କୋଟି ଟଙ୍କାର ସୁନା ଏବଂ ବହୁମୂଲ୍ୟ ଜିନିଷ ଧରାପଡ଼ିଥିଲା । ଏବସୁ ର ମୋଟ ମୂଲ୍ୟ ୩୪୦୦ କୋଟିରୁ ଅଧିକ ଥିଲା । ସବୁଠୁ ବଡ଼ କଥା ହେଉଛି, ଏତେ ଟଙ୍କା, ମଦ, ଡ୍ରଗ୍ସ ଜବତ ହେଉଥିବା ବେଳେ ଏଗୁଡ଼ିକ ଯାଉଛି କୁଆଡେ ? ରହୁଛି କେଉଁଠି ?  ତେବେ ନିୟମ ଅନୁସାରେ ଧନବଳ ଦ୍ବାରା ନିର୍ବାଚନକୁ ପ୍ରଭାବିତ କରିବା ବେଆଇନ୍‌ । 

ନିୟମ ଅନୁସାରେ, ନିର୍ବାଚନରେ ୧୦ ଲକ୍ଷରୁ ଅଧିକ ଟଙ୍କା ଜବତ ହେଲେ ଏହାକୁ ଜିଲ୍ଲାର ଟ୍ରେଜରିରେ ଜମା କରାଯାଏ ।  ଏନେଇ ଆୟକର ବିଭାଗର ନୋଡାଲ ଅଧିକାରୀଙ୍କୁ ସୂଚନା ଦେବା ମଧ୍ୟ ଜରୁରି । ମେ ୨୦୧୯ରେ କେନ୍ଦ୍ର ସରକାର ସୁପ୍ରିମକୋର୍ଟରେ ସତ୍ୟାପଠ ଦାଖଲ କରି ୨୦୧୪ରେ ଜବତ ଟଙ୍କା ସଂପର୍କରେ ଜଣାଇଥିଲେ । ଜବତ ହୋଇଥିବା ୩୦୩ କୋଟି ଟଙ୍କା ଲୋକଙ୍କୁ ଫେରାଇ ଦିଆଯାଇଥିବା ନେଇ ସରକାର କୋର୍ଟରେ ଜଣାଇଥିଲେ ।  ସେପଟେ ଏଡିଆର ଅନୁସାରେ ନିର୍ବାଚନ ସମୟରେ ଜବତ ଟଙ୍କା ଏବଂ ସାମଗ୍ରୀ ଲାଗି ଆୟକର ବିଭାଗ ପାଖରେ ଏକାଧିକ ନିୟମ ରହିଛି । 

ନିର୍ବାଚନ ସମୟରେ ଜବତ ହେଉଥିବା ଟଙ୍କାକୁ ଆୟକର ବିଭାଗକୁ ହସ୍ତାନ୍ତର କରାଯାଏ । ଯଦି ଟଙ୍କା ପ୍ରକୃତରେ କାହାର ଜଣାପଡ଼େ ଏବଂ ସଂପୃକ୍ତ ବ୍ରକ୍ତି ଟଙ୍କା ନେଇ ଦାବି କରନ୍ତି ତେବେ ତାଙ୍କୁ ଟଙ୍କା ଫେରସ୍ତ ଦେବାର ନିୟମ ରହିଛି । ନିର୍ବାଚନ ସମୟରେ ଜବତ ହେଉଥିବା ସବୁ ଟଙ୍କା ଯେ କେବଳ ଭୋଟରଙ୍କୁ ବାଣ୍ଟିବା ଲାଗି ନିଆଯାଉଥାଏ ତାହା ନୁହେଁ । ଅନେକ ସମୟରେ ବହୁ ବ୍ୟବସାୟୀଙ୍କ ଟଙ୍କା ମଧ୍ୟ ଜବତ ହୋଇଛି । ବେଳେ ବେଳେ ଜବତ ଟଙ୍କାର କୌଣସି ଦାବିଦାର ମିଳୁନଥିବା ହେତୁ ଟଙ୍କା ଆୟକର ବିଭାଗ ପାଖରେ ପଡ଼ିକି ରହିଥାଏ । ହେଲେ ବେଆଇନ୍‌ ଭାବେ ଟଙ୍କା ନିର୍ବାଚନରେ ବାଣ୍ଟିବା ଲାଗି ଆସିଥିଲେ ଏହାକୁ ନେଇ କେହି ଦାବି କରିବାକୁ ଆସନ୍ତି ନାହିଁ ।  

ଜବତ ଟଙ୍କା ଆୟକର ବିଭାଗ ପାଖକୁ ଯାଏ । ହେଲେ ଧରାପଡ଼ୁଥିବା ମଦର କଣ ହୁଏ ? ଜବତ ହେଉଥିବା ମାଦକ ଦ୍ରବ୍ୟ ଅବକାରୀ ବିଭାଗକୁ ହସ୍ତାନ୍ତର କରିଦିଆଯାଏ । ଏପରିକି ଅବକାରୀ ବିଭାଗ ଏବଂ ପୋଲିସ ମିଳିତ ଭାବେ ବେଆଇନ ମଦ ଜବତ କରିଥାନ୍ତି । ଦେଶୀ ଏବଂ ବିଦେଶୀ ଉଭୟ ମଦ ଜବତ କରାଯାଏ । ତେବେ ଜବତ ହେଉଥିବା ମଦକୁ ବିକ୍ରି ପାଇଁ ଦିଆଯାଏ ନାହିଁ । ଏସବୁ ବୋତଲ ଉପରେ ରୋଡ୍‌ ରୋଲର କିମ୍ବା ବୁଲଡୋଜର ଚଢ଼ାଇ ନଷ୍ଟା କରିଦିଆଯାଏ ବୋଲି ଅବକାରୀ ବିଭାଗର ଅଧିକାରୀଙ୍କ ପାଖରୁ ଜାଣିବାକୁ ମିଳିଛି । କେତେକ ରାଜ୍ୟରେ ବୋତଲଗୁଡ଼ିକୁ ଗାତ ଖୋଳି ପୋତି ଦିଆଯାଏ । 

  • lok sabha election 2024
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.