ନୂଆଦିଲ୍ଲୀ,୧୦।୬: ମେଟା ଭେରିଫାଏଡ୍ ଫିଚର ଏବେ ହ୍ବାଟସଆପ୍‌ ପର୍ଯ୍ୟନ୍ତ ଏକ୍ସଟେଣ୍ଡ କରି ଦିଆଯାଇଛି।  ଭାରତରେ ହ୍ବାଟସଆପ୍ ବିଜନେସ୍ ଆକାଉଣ୍ଟ ଏବେ ବ୍ଲୁ ଟିକ୍ ଭେରିଫିକେସନ୍ କିଣିପାରିବ। ଏହା ସାହାଯ୍ୟରେ ୟୁଜର୍ସ ପ୍ରକୃତ ବିଜନେସ୍ ଆକାଉଣ୍ଟକୁ ଚିହ୍ନଟ କରିପାରିବେ। ଏହି ଫିଚରକୁ ଗତ ବର୍ଷ ସେପ୍ଟେମ୍ବରରେ ଲଞ୍ଚ କରାଯାଇଥିଲା।

ଏହା ସାହାଯ୍ୟରେ ଇଣ୍ଡିଭିଜୁଆଲ କିମ୍ବା ବିଜନେସ୍ ଫେସବୁକ୍ ଓ ଇନଷ୍ଟାଗ୍ରାମ୍ ଭଳି ବ୍ଲୁ ଟିକ୍ ମାର୍କ ହ୍ବାଟସଆପ୍‌ରେ ବ୍ୟବହାର କରିପାରିବେ। ଏବେ ଏହି ଫିଚରକୁ ଭାରତ ଓ ଅନ୍ୟ ଦେଶରେ ଆରମ୍ଭ କରାଯାଇଛି। 

ମେଟାର ଏହି ଫିଚର ବିଷୟରେ ମାର୍କ ଜୁକରବର୍ଗ ନିଜେ ସୂଚନା ଦେଇଛନ୍ତି। ସେ ନିଜର ହ୍ବାଟସଆପ୍ ଚ୍ୟାନେଲରେ ଏହା ସେୟାର କରିଛନ୍ତି। ଏହାଛଡା ହ୍ବାଟସଆପ୍‌ର ହେଡ୍ ଓ୍ବିଲ କ୍ୟାଥକାର୍ଟ ମଧ୍ୟ ଏନେଇ ନିଜର ହ୍ବାଟସଆପ୍‌ ଚ୍ୟାନେଲରେ ସୂଚନା ଦେଇଛନ୍ତି। ତେବେ ଆସନ୍ତୁ ଜାଣିବା ଏହି ଫିଚରର ଲାଭ କ’ଣ ?ଏହା ମେଟା ଭେରିଫାଏଡ୍ ଏକ ପ୍ରୋସେସ୍ ଅଟେ,ଯେଉଁଥିରେ କମ୍ପାନୀ ମାନୁଆଲି କୌଣସି ଆକାଉଣ୍ଟର ସବୁପ୍ରକାର ଡିଟେଲ୍ସ ଚେକ୍ କରିଥାଏ, ଯାହାଫଳରେ ତା’ର ଅଥେଣ୍ଟିସିଟି ବିଷୟରେ ଜାଣି ହୋଇଥାଏ। ଯେତେବେଳେ କୌଣସି ଆକାଉଣ୍ଟ ସବୁ ମାପଦଣ୍ଡରେ ସଫଳ ହୁଏ, ତେବେ ମେଟା ତାକୁ ଭେରିଫିକେସନ୍ ବ୍ୟାଜ୍(ବ୍ଲୁ ଟିକ୍) ଦେଇଥାଏ। ଏଥିପାଇଁ ଆକାଉଣ୍ଟ ହୋଲ୍ଡରଙ୍କୁ ମାସିକ ସବସ୍କ୍ରିପସନ୍ ଫି’ ଦେବାକୁ ପଡିଥାଏ।