ପ୍ରମୂଖ ଖବର
  • ଆମେରିକା ବନାମ ଆୟର୍ଲାଣ୍ଡ ମ୍ୟାଚ୍‌ ବାତିଲ, ଟି-୨୦ ବିଶ୍ବକପରୁ ପାକିସ୍ତାନ ଆଉଟ୍
  • ||
  • ସମ୍ବଲପୁର: ଟେଲର ଦୋକାନରେ ପଶି ମା’ ଝିଅଙ୍କୁ ହାଣିଲେ ଦୁର୍ବୃତ୍ତ
  • ||
  • ହଟିବ ବ୍ରିଟିଶ ଆଇନ୍ , ଲାଗୁ ହେବ ଭାରତୀୟ ନିୟମ, ଜୁଲାଇରୁ ଲାଗୁ ହେବ ନୂଆ ପୁଲିସ ଆଇନ
  • ||
  • ଟି-ଟ୍ୱେଣ୍ଟି ବିଶ୍ୱକପ୍‌ ୨୦୨୪: ଫ୍ଲୋରିଡାରେ ବନ୍ୟା, ୟୁଏସ୍‌ଏ-ଆୟର୍ଲାଣ୍ଡ୍‌ ମ୍ୟାଚ୍‌ ବାତିଲ ଆଶଙ୍କା
  • ||
  • ମଙ୍ଗଳବାର ଖୋଲିବ ସ୍କୁଲ: ପ୍ରଥମରୁ ଦିଆଯିବ ମଧ୍ୟାହ୍ନଭୋଜନ, ରୋଷେଇ ପୂର୍ବରୁ ସାମଗ୍ରୀ ଯାଞ୍ଚ କରିବାକୁ ନିର୍ଦ୍ଦେଶ
  • ||
  • ରଥଖଳା ହାଲ୍‌ଚାଲ୍‌...ପାଞ୍ଚ ଦେବ ଦମ୍ପତିଙ୍କୁ ଏକତ୍ର ପନ୍ତି ଅର୍ପଣ ସମ୍ପନ୍ନ, ଦଣ୍ଡାରେ ଲାଗିଲା ଆଗ-ପଛ ମୁହାଁଟ
  • ||
  • କୋଣାର୍କ ରାସ୍ତାରେ ଓଲଟିଲା ପିକଅପ୍ ଭ୍ୟାନ୍, ୨ ମୃତ ୧୦ରୁ ଉର୍ଦ୍ଧ୍ଵ ଆହତ
  • ||
  • ରଣେନ୍ଦ୍ର ପ୍ରତାପ ସ୍ୱାଇଁ ଅସ୍ଥାୟୀ ବାଚସ୍ପତି: ୧୮ ଓ ୧୯ରେ ବିଧାୟକଙ୍କ ଶପଥ ଉତ୍ସବ, ୨୦ରେ ବାଚସ୍ପତି ନିର୍ବାଚନ
  • ||
  • ଶୁକ୍ରବାର ଶ୍ରୀମନ୍ଦିର ନୀତି ସବ୍‌କମିଟି ଓ ଛତିଶା ନିଯୋଗ ବୈଠକ, ସ୍ନାନଯାତ୍ରା ନୀତି ନିର୍ଘଣ୍ଟକୁ ମିଳିବ ଅନୁମୋଦନ
  • ||
  • ରଜ ମଉଜକୁ ଫିକା କରିଦେବ ଗୁଳୁଗୁଳି, ଆସନ୍ତା ୨ ଦିନ ଯାଏ ତାତିରୁ ନାହିଁ ନିସ୍ତାର
  • ||

ନୂଆ ସରକାରର ମନ୍ତ୍ରୀମଣ୍ଡଳରେ କେଉଁ ଦଳକୁ କିଏ ହେବେ ସାମିଲ? ଟିିଡିପି ଏବଂ ଜେଡିୟୁ ଯୋଜନା ଉପରେ ସମସ୍ତଙ୍କ ନଜର

ନୂଆଦିଲ୍ଲୀ,୦୭/୦୬: ଲୋକସଭା ନିର୍ବାଚନ ୨୦୨୪ ର ଫଳାଫଳ ଶେଷ ହେବା ପରେ ବର୍ତ୍ତମାନ ଏକ ନୂତନ ସରକାର ଗଠନ ପାଇଁ ପ୍ରସ୍ତୁତି ଚାଲିଛି। ଆଜି ଏନଡିଏ ସଂସଦୀୟ ଦଳର ବୈଠକ ଅନୁଷ୍ଠିତ ହୋଇଛି ଏବଂ ଏଥିରେ ନରେନ୍ଦ୍ର ମୋଦୀଙ୍କୁ ସଂସଦୀୟ ଦଳର ନେତା ଭାବେ ଚୟନ କରାଯାଇଛି। ଏହାରି ଭିତରେ କିନ୍ତୁ ସବୁଠାରୁ ବଡ଼ ପ୍ରଶ୍ନ ହେଉଛି କ୍ୟାବିନେଟ ଗଠନ ଏବଂ ଏହାର ଢ଼ାଞ୍ଚାକୁ ନେଇ। ପ୍ରଶ୍ନ ହେଉଛି ଏଥର ମିଶ୍ରିତ ସରକାରରେ କେଉଁ ଦଳରୁ କେତେ ମନ୍ତ୍ରୀ ରହିବେ ଏବଂ କେଉଁ ମନ୍ତ୍ରଣାଳୟ କାହା ପାଖକୁ ଯିବ? ସୂଚନାନୁସାରେ, ଜେଡିୟୁ ଏବଂ ଟିଡିପିର ନିଜସ୍ୱ ଦାବି ରହିଛି କିନ୍ତୁ ଏପର୍ଯ୍ୟନ୍ତ କୌଣସି ନିଷ୍ପତ୍ତି ନିଆଯାଇ ନାହିଁ।

କେଉଁ ଦଳକୁ କେତେ ମନ୍ତ୍ରାଳୟ

କୁହାଯାଉଛି ଯେ, ବିଜେପି ୪:୧ ଫର୍ମୁଲା ଅନୁଯାୟୀ ଆଗକୁ ବଢ଼ିପାରେ। ଯାହାର ଅର୍ଥ ହେଉଛି ଗୃହ, ଅର୍ଥ, ପ୍ରତିରକ୍ଷା ଏବଂ ବୈଦେଶିକ ବ୍ୟାପାର ପରି ବଡ଼ ମନ୍ତ୍ରଣାଳୟ ବିଜେପି ସହିତ ରହିବ, ଏବଂ ଏହାର ସହଯୋଗୀମାନଙ୍କୁ ଏହି ମନ୍ତ୍ରଣାଳୟରେ ରାଜ୍ୟ ମନ୍ତ୍ରୀ ଦିଆଯାଇପାରେ। ବିଶେଷ ସୂତ୍ରରୁ ପ୍ରକାଶ ଯେ ରେଳବାଇ, କୃଷି ଏବଂ ଅର୍ଥ ଭଳି ଗୁରୁତ୍ୱପୂର୍ଣ୍ଣ ମନ୍ତ୍ରଣାଳୟକୁ ଜେଡିୟୁ ମାଗିଥିବା ବେଳେ ଟିଡିପି ଲୋକସଭା ବାଚସ୍ପତି ପଦ ଏବଂ ଦୁଇଟି ଅତିରିକ୍ତ ମନ୍ତ୍ରଣାଳୟ ମାଗିଛି। ତେବେ ବିଜେପି ସୂତ୍ର ଅନୁଯାୟୀ ଜେଡିୟୁ ତିନିଜଣ କ୍ୟାବିନେଟ ମନ୍ତ୍ରୀ ଏବଂ ଜଣେ କିମ୍ବା ଦୁଇ ଜଣ ରାଷ୍ଟ୍ର ମନ୍ତ୍ରୀ ପାଇବାର ସମ୍ଭାବନା ଥିବାବେଳେ ଟିଡିପି ଦୁଇଜଣ କ୍ୟାବିନେଟ ମନ୍ତ୍ରୀ ଏବଂ ଜଣେ  ମନ୍ତ୍ରୀ ପଦ ପାଇପାରନ୍ତି। 

ଗୋଟିଏ ଫର୍ମୁଲା ବା ସୂତ୍ର ଚାରିଜଣ ସାଂସଦଙ୍କ ପାଇଁ, ଗୋଟିଏ ଦଳକୁ ଗୋଟିଏ କ୍ୟାବିନେଟ ମିଳିବା ଉପରେ ଆଧାରିତ। ଏହାର ଅର୍ଥ ହେଉଛି ଯଦି ଟିଡିପିରେ ୧୬ ଜଣ ସାଂସଦ ଅଛନ୍ତି, ତେବେ ଏଥିରୁ ଚାରିଜଣ କ୍ୟାବିନେଟ ମନ୍ତ୍ରୀ ପାଇବାକୁ ଥିବାବେଳେ ୧୨ ଜଣ ସାଂସଦଙ୍କ ସହ ଜେଡିୟୁ ତିନିଜଣ କ୍ୟାବିନେଟ ମନ୍ତ୍ରୀ ପାଇପାରେ। ସାତଜଣ ସାଂସଦଙ୍କ ସହ ଶିବସେନା-ସିନ୍ଦେ ଦଳ ଦୁଇଟି କ୍ୟାବିନେଟ ମନ୍ତ୍ରୀ ପଦ ମିଳିବାରେ, ତତ୍‌ସହିତ ପାଞ୍ଚଜଣ ସାଂସଦଙ୍କ ସହ ଏଲଜେପି-ରାମ ବିଲାସ ଦଳକୁ ଗୋଟିଏ କ୍ୟାବିନେଟ ମନ୍ତ୍ରୀ ଏବଂ ଜଣେ ରାଷ୍ଟ୍ରମନ୍ତ୍ରୀ ପଦ ମିଳିପାରେ। 

କାହାର ନାଁ ଆଗରେ?

ଶିବସେନା (ସିନ୍ଦେ ଦଳ) ନେତା ତଥା ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେ, ଯିଏକି ଏନଡିଏର ଅଂଶ, କିଛି ଅଭିଜ୍ଞ ସାଂସଦଙ୍କ ନାଁ ଉପରେ ବିଚାର କରୁଛନ୍ତି। ଏମାନଙ୍କ ନାଁ ସେ ପ୍ରକାଶ କରିପାରନ୍ତି। ବିଶେଷ ସୂତ୍ରରୁ ଜଣାପଡିଛି ଯେ ସିନ୍ଦେ ତାଙ୍କ ସାଂସଦ ପ୍ରତାପ ରାଓ ଯାଦବଙ୍କ ନାଁ କହିପାରନ୍ତି। ସେହିପରି ଟିଡିପି ରାମମୋହନ ନାଇଡୁଙ୍କ ନାଁକୁ ପରାମର୍ଶ ଦେଇପାରେ।ଅନ୍ୟପକ୍ଷରେ ଜେଡିୟୁରୁ ସଞ୍ଜୟ ଝା ଏବଂ ଲଲନ ସିଂ ମନ୍ତ୍ରୀ ହୋଇପାରନ୍ତି। ସେପଟେ ଏଲ୍‌ଜେପିରୁ ଚିରାଗ ପାସୱାନଙ୍କୁ ମନ୍ତ୍ରୀ କରାଯାଇପାରେ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.