ନୂଆଦିଲ୍ଲୀ,୨୧।୯: ଜାତିସଂଘର ସୁରକ୍ଷା ପରିଷଦ(ୟୁଏନ୍ଏସ୍ସି)ରେ ଭାରତ ସ୍ଥାୟୀ ସଦସ୍ୟତା ପାଇଁ ଚେଷ୍ଟା କରୁଛି। ହେଲେ ଆଗରେ ରହିଛି ଅନେକ ଚ୍ୟାଲେଞ୍ଜ। ଆମେରିକା, ବ୍ରିଟେନ୍, ଫ୍ରାନ୍ସ ଓ ଋଷ ଭଳି ୪ଟି ଦେଶ ଭାରତକୁ ସଦସ୍ୟତା ପାଇଁ ସମର୍ଥନ କରିସାରିଛନ୍ତି। ହେଲେ ଚୀନ୍ ଭାରତର ରାସ୍ତାର ସବୁଠାରୁ ବଡ଼ ବାଧା ସାଜିଛି। ଭାରତ ଓ ଚୀନ୍ ଭିତରେ ଚାଲିଥିବା ସୀମା ବିବାଦ ଏହି ବିରୋଧର ମୁଖ୍ୟ କାରଣ। ଚୀନ୍ ଚାହୁଁନି ଭାରଥ ମଧ୍ୟ ସେହି ମଞ୍ଚରେ ରହୁ, ଯେଉଁଠି ତା’ର ସ୍ଥିତି ସୁଦୃଢ ରହିଛି।
ଭାରତର ସ୍ଥାୟୀ ସଦସ୍ୟ ହେବା ବିରୋଧରେ ଆଉ ଏକ ମୋର୍ଚ୍ଚା ରହିଛି, ଯାହାକୁ ୟୁନାଇଟିଂ ଫର କନସେସନ୍(ୟୁଏଫ୍ସି) ନାମରେ ଜଣାଯାଏ। ଏହି ଗ୍ରୁପ୍ ବିନା ଭିଟୋ ଅଧିକାରରେ ସ୍ଥାୟୀ ସଦସ୍ୟତାର ସମର୍ଥନ କରିଥାଏ। ତାଙ୍କର ଚିନ୍ତାଧାରା ଏହା ଯେ, ସୁରକ୍ଷା ପରିଷଦରେ ଅଧିକ ଅସ୍ଥାୟୀ ସଦସ୍ୟଙ୍କୁ ଯୋଡା ଯାଉ, ଯାହାଫଳରେ ନିଷ୍ପତ୍ତି ପକ୍ରିୟାରେ ବିବିଧତା ଆସୁ। କିନ୍ତୁ ଭାରତର ଆଭିମୁଖ୍ୟ ଏହା ଯେ, ସ୍ଥାୟୀ ସଦସ୍ୟଙ୍କୁ ଭିଟୋ ଅଧିକାର ମିଳିବା ଦରକାର।ଏହି ପ୍ରସଙ୍ଗ ଦୁଇ ପକ୍ଷ ଭିତରେ ଏକ ବଡ ପ୍ରତିବନ୍ଧକ ପାଲଟିଛି।
ଆମେରିକା ସିଦ୍ଧାନ୍ତିକ ରୂପରେ ଭାରତର ସ୍ଥାୟୀ ସଦସ୍ୟତାକୁ ସମର୍ଥନ କରୁଛି,କିନ୍ତୁ ବ୍ୟବହାରରେ ତା’ର ନୀତି ମଧ୍ୟ ସନ୍ଦେହପୂର୍ଣ୍ଣ ରହିଛି। ବହୁ ଆମେରିକୀୟ ବିଶେଷଜ୍ଞଙ୍କ ମତରେ ଭାରତ ସବୁବେଳେ ପାଶ୍ଚାତ୍ୟ ଦେଶର ହିତ ଅନୁରୂପ ଚାଲିନଥାଏ, ତେଣୁ ତାକୁ ଭରସାଯୋଗ୍ୟ ପାର୍ଟନର ବୋଲି ମନେକରେନି। ଏହା ରାୟ ଆମେରିକା ନୀତିକୁ ନେଇ ଦ୍ବନ୍ଦ ସୃଷ୍ଟି କରୁଛି। ବିଶେଷଜ୍ଞଙ୍କ ମତରେ ଭାରତକୁ ୟୁଏନ୍ଏସ୍ସିରେ ସ୍ଥାୟୀ ସଦସ୍ୟତା ହାସଲ କରିବା ପାଇଁ ଅନ୍ତର୍ଜାତୀୟ ମଞ୍ଚରେ ନିଜର ସ୍ଥିତି ମଜବୁତ କରିବାକୁ ହେବ। ଏଥିପାଇଁ ଭାରତକୁ ବହୁ ଘରୋଇ ପ୍ରସଙ୍ଗ ଉପରେ ଧ୍ୟାନ ଦେବା ଦରକାର। ଏଥିରେ ମାନବ ବିକାଶ ସୂଚକାଙ୍କକୁ ସୁଧାରିବା, ଆର୍ଥିକ ଅସମାନତାକୁ କମ୍ କରିବା ଓ ଆଧାରଭୂତ ସଂରଞ୍ଚନାକୁ ବିକାଶ କରିବା ଭଳି ଦିଗ ରହିଛି। ଭାରତ ଯଦି ନିଜର ଦୋଷ ଦୁର୍ବଳତା ଦୂର କରିନିଏ ତେବେ ଲାଭଦାୟକ ହୋଇପାରେ।
