ବେଙ୍ଗାଲୁରୁ – କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେପି ନେତା ବିଏସ୍ ୟେଦିୟୁରପ୍ପାଙ୍କ ବିରୋଧରେ ପୋକ୍ସୋ ମାମଲା ରୁଜୁ କରାଇ ଥିବା ମହିଳାଙ୍କର ମୃତ୍ୟୁ। ସେ ନିଜର ନାବାଳିକା ଝିଅକୁ ଯୌନ ନିର୍ଯାତନା ଦେଇଥିବା ନେଇ ୟେଦିୟୁରପ୍ପାଙ୍କ ନାଁରେ ମାମଲା ରୁଜୁ କରାଇ ଥିଲେ। ଏବେ ସଂପୃକ୍ତ ମହିଳାଙ୍କର ମୃତ୍ୟୁ ହୋଇଥିବା ଖବର ଆସିଛି। ମହିଳାଙ୍କର ରବିବାର (୨୬ ମେ)ରେ ବେଙ୍ଗାଲୁରୁର ଏକ ପ୍ରାଇଭେଟ୍ ହସ୍ପିଟାଲରେ ମୃତ୍ୟୁ ହୋଇଛି। ପୁଲିସ ବିଭାଗର ସୂତ୍ରାନୁସାରେ , ୫୩ ବର୍ଷିୟା ମହିଳାଙ୍କୁ ନିଶ୍ୱାସ ନେବାରେ ଅସୁବିଧା ହେବାରୁ ୨୬ ମେ ରାତିରେ ହସ୍ପିଟାଲରେ ଭର୍ତ୍ତି କରାଯାଇ ଥିଲା।
ସୂତ୍ରାନୁସାରେ , ଚିକିତ୍ସା ବେଳେ ହସ୍ପିଟାଲରେ ମହିଳାଙ୍କର ମୃତ୍ୟୁ ହୋଇଛି । ପୁଲିସ ବିଭାଗର ସୂତ୍ରରୁ ପ୍ରକାଶ ଯେ, ହସ୍ପିଟାଲ ମୁତାବିକ ମହିଳା ଫୁସଫୁସ କ୍ୟାନସରରେ ପୀଡ଼ିତ ଥିଲେ । ମହିଳାଙ୍କ ସହ ତାଙ୍କର ଝିଅ ମଧ୍ୟ ହସ୍ପିଟାଲ ଯାଇଥିଲେ , ଯିଏ ପୋକ୍ସୋ ମାମଲାରେ ପୀଡ଼ିତା ଅଛନ୍ତି।ମହିଳା ଜଣଙ୍କ ମାର୍ଚ୍ଚ ୧୪ରେ କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ବିଏସ୍ ୟେଦିୟୁରପ୍ପାଙ୍କ ନାଁରେ ପ୍ରୋଟେକ୍ସନ ଅଫ୍ ଚିଲଡ୍ରେନ୍ ଫ୍ରମ୍ ସେକ୍ସୁଅଲ ଅଫେନ୍ସ (ପୋକ୍ସୋ) ଆକ୍ଟ ଅନୁସାରେ ମାମଲା ରୁଜୁ କରାଇ ଥିଲେ। ଅଭିଯୋଗ କି ୟେଦିୟୁରପ୍ପା (୮୧) ୨ ଫେବ୍ରୁଆରୀରେ ଏକ ବୈଠକ ବେଳେ ନାବାଳିକାଙ୍କୁ ଯୌନ ନିର୍ଯାତନା ଦେଇଥିଲେ।
ସଦାଶିବନଗର ପୁଲିସ ଅନୁସାରେ, ବିଜେପି ନେତା ୟେଦିୟୁରପ୍ପାଙ୍କ ବିରୋଧରେ ପୋକ୍ସୋ ଆଇନ୍ର ଧାରା-୮ ଓ ଭାରତୀୟ ଦଣ୍ଡ ସଂହିତାର ଧାରା -୩୫୪ ଏ (ଯୌନ ଉତ୍ପୀଡ଼ନ) ଅନୁସାରେ ଏକ ମାମଲା ରୁଜୁ କରାଇ ଥିଲେ। ପୁଲିସ ସୂତ୍ରରୁ ପ୍ରକାଶ କି ନାବାଳିକାଙ୍କର ମାଆ ପୂର୍ବରୁ ଅନେକ ଲୋକଙ୍କ ବିରୋଧରେ ୫୦ରୁ ଅଧିକ ଅଭିଯୋଗ ରୁଜୁ କରାଇ ଥିଲେ।
