ନୂଆଦିଲ୍ଲୀ, ୫/୫ : ବାଙ୍ଗଲାଦେଶରେ ଚଳିତ ବର୍ଷ ଅକ୍ଟୋବରରେ ହେବାକୁ ଥିବା ମହିଳା ଟି-୨୦ ବିଶ୍ବକପର ସିଡ୍ୟୁଲ ଜାରି କରାଯାଇଛି । ୩ଅକ୍ଟୋବରରେ ଇଂଲଣ୍ଡ ଏବଂ ସାଉଥ ଆଫ୍ରିକା ମଧ୍ୟରେ ହେବାକୁ ଥିବା ମୁକାବିଲାରୁ ଟୁର୍ଣ୍ଣାମେଣ୍ଟର ଆରମ୍ଭ ହେବ । ଉକ୍ତ ଦିନ ଦ୍ବିତୀୟ ମ୍ୟାଚରେ ଆୟୋଜକ ଦଳ ବାଙ୍ଗଲାଦେଶର ଭିଣ୍ଡତ କ୍ବାଲିଫାୟର-୨ସହ ହେବ । ଭାରତକୁ ଗ୍ରୁପ –ଏ ରେ ସ୍ଥାନ ମିଳିଛି । ଏହାସହ ଡିମ୍ଫେଣ୍ଡିଂ ଚାମ୍ପିୟନ ଅଷ୍ଟେ୍ରଲିୟା, ନ୍ୟୁଜିଲାଣ୍ଡ ଏବଂ ପାକିସ୍ତାନର ଟିମ୍ ଅଛି । ଟୁର୍ଣ୍ଣାମେଣ୍ଟର ଫାଇନାଲ ୨୦ଅକ୍ଟୋବରରେ ଖେଳାଯିବ ।
ଟୁର୍ଣ୍ଣାମେଣ୍ଟରେ ୧୦ଟିମ୍ ଭାଗ ନେବେ । ଦୁଇ ଗ୍ରୁପରେ ୫-୫ଟିମ୍କୁ ରଖାଯାଇଛି । ଦୁଇ ଗ୍ରୁପରେ ୪-୪ଟିମ୍ର ନାଁ ସୁନିଶ୍ଚିତ ହୋଇଯାଇଛି। ଗ୍ରୁପ ଏ ରେ କ୍ବାଲିଫାୟର-୧ ଏବଂ ଗ୍ରୁପ ବିରେ କ୍ବାଲିଫାର-୨ ଟିମ୍ ନାଁର ଘୋଷଣା ହେବା ବାକି ରହିଛି । ଗ୍ରୁପ ବିର କଥା ଯଦି ଆମେ କହିବା ତେବେ ଆୟୋଜକ ବାଙ୍ଗଲାଦେଶ ସହ ସାଉଥ ଆଫ୍ରିକା, ଇଂଲଣ୍ଡ ଏବଂ ଓ୍ବେଷ୍ଟଇଣ୍ଡିଜକୁ ସ୍ଥାନ ଦିଆଯାଇଛି । ଭାରତର ସମସ୍ତ ଗ୍ରୁପ ମ୍ୟାଚ ସିଲହଟରେ ଖେଳାଯିବ ।
The ICC Women’s #T20WorldCup 2024 in Bangladesh to commence on 3 October with the final slated for 20 October.
— ICC (@ICC) May 5, 2024
Details 👉 https://t.co/MRtx7UXXPM pic.twitter.com/v4jBsD0gIe
ଏହା ମହିଳା ଟି-୨୦ ବିଶ୍ବକପର ୯ମ ସଂସ୍କରଣ ଅଟେ । ଟିମ୍ ଇଣ୍ଡିଆ ଟୁର୍ଣ୍ଣାମେଣ୍ଟରେ ନିଜ ପ୍ରଥମ ମ୍ୟାଚ ୪ଅକ୍ଟୋବରରେ ନ୍ୟୁଜିଲାଣ୍ଡ ବିପକ୍ଷରେ ଖେଳିବ । ଏହାପରେ ୬ତାରିଖରେ ଚିର ପ୍ରତିଦ୍ବନ୍ଦୀ ପାକିସ୍ତାନ ସହ ମୁକାବିଲା ହେବ । ପାକିସ୍ତାନ ପରେ ଭାରତୀୟ ଟିମ୍ ୯ଅକ୍ଟୋବାରରେ କ୍ବାଲିଫାୟର-୧ ଟିମ୍ ଏବଂ ୧୩ଅକ୍ଟୋବରରେ ୬ଥରର ଚାମ୍ପିୟନ ଅଷ୍ଟେ୍ରଲିୟା ସହ ଖେଳିବ ।
ଆଇସିସି ନିଜ ପୋଷ୍ଟରେ କହିଛି କି, ଟୁର୍ଣ୍ଣାମେଣ୍ଟରେ ପ୍ରତ୍ୟେକ ଟିମ୍ ୪ଗ୍ରୁପ ମ୍ୟାଚ୍ ଖେଳିବ । ପ୍ରତ୍ୟେକ ଗ୍ରୁପରେ ଶୀର୍ଷ ୨ଦୁଇ ଟିମ୍ ୨୦ଅକ୍ଟୋବରରେ ଢାକାରେ ଫାଇନାଲ ପୂର୍ବରୁ ୧୭ ଏବଂ ୧୮ଅକ୍ଟୋବରରେ ହେବାକୁ ଥିବା ସେମିଫାଇନାଲରେ ପହଞ୍ଚିବ । ଆଇସିସି କହିଛି କି , ଢାକା ଏବଂ ସିଲହଟରେ ୧୯ଦିନରେ ୨୩ମ୍ୟାଚ୍ ଖେଳାଯିବ । ସେମିଫାଇନାଲ ଏବଂ ଫାଇନାଲ ଉଭୟଙ୍କ ଲାଗି ରିଜର୍ଭ ଡେ ରହିବ ।
କ୍ବାଲିଫାଇଂ ଇଭେଣ୍ଟରେ ଦୁଇ ଫାଇନାଲିଷ୍ଟ ଆସିବା ପରେ ଉଭୟ ଟିମ୍ ମୁଖ୍ୟ ଟୁର୍ଣ୍ଣାମେଣ୍ଟରେ ପ୍ରବେଶ କରିବେ । ଆୟରଲ୍ୟାଣ୍ଡ, ୟୁଏଇ, ଶ୍ରୀଲଙ୍କା ଏବଂ ସ୍କଟଲ୍ୟାଣ୍ଡ ରେସ ରେ ଅଛି । ପ୍ରଥମ ସେମିଫାଇନାଲରେ ଆୟରଲ୍ୟାଣ୍ଡର ମୁକାବିଲା ସ୍କଟଲ୍ୟାଣ୍ଡ ସହ ହେବ ଯାହାକି ଦ୍ବିତୀୟ ସେମିଫାଇନାଲରେ ୟୁଏଇର ସାମ୍ନା ଶ୍ରୀଲଙ୍କା ସହ ହେବ । ଉଭୟ ମ୍ୟାଚ ରବିବାର (୫ମଇ)ରେ ଆବୁ ଧାବିର ଶେଖ ଜାୟଦ ଷ୍ଟାଡିମୟରେ ଖେଳାଯିବ ।
