ପ୍ରମୂଖ ଖବର
  • ମାହାଙ୍ଗା: ଭାରସାମ୍ୟ ହରାଇ କେନାଲକୁ ଖସିଲା କାର୍, ଯୁବକଙ୍କ ମୃତ୍ୟୁ
  • ||
  • ମୋହନ ସରକାରଙ୍କ ପ୍ରଥମ ଅଧିବେଶନ, ୨୪ରେ ଉପବାଚସ୍ପତି ନିର୍ବାଚନ, ୨୫ରେ ପୂର୍ଣ୍ଣାଙ୍ଗ ବଜେଟ୍
  • ||
  • ପ୍ୟାରିସ୍‌ ଅଲିମ୍ପିକ ୨୦୨୪: ୨୫ରୁ ତୀରନ୍ଦାଜୀ ଇଭେଣ୍ଟ, ରିକର୍ଭ ଇଭେଣ୍ଟରେ ଭାଗ ନେବେ ୬ ଭାରତୀୟ
  • ||
  • ଆସନ୍ତା ୨୬ ସୁଦ୍ଧା ଆଉ ଏକ ଲଘୁଚାପ, ତିନିଦିନ ପ୍ରବଳ ବର୍ଷା ସମ୍ଭାବନା: ଏବେ ବି ନିଅଣ୍ଟିଆ ସ୍ଥିତିରୁ ବାହାରିନି ୧୬ ଜିଲ୍ଲା
  • ||
  • ମୋଦି ୩.୦ ସରକାରର ପ୍ରଥମ ବଜେଟ୍‌, ୭ମ ଥର ପାଇଁ ବଜେଟ୍‌ ଉପସ୍ଥାପନ କରିବେ ଅର୍ଥମନ୍ତ୍ରୀ ନିର୍ମଳା ସୀତାରମଣ
  • ||

ରଥଖଳାରେ କାଠ ଅଭାବ, ହାତ ବାନ୍ଧି ବସିଛନ୍ତି ବିଶ୍ଵକର୍ମା

ପୁରୀ, ୨୪/୦୬ : ରଥଖଳାରେ ରଥକାଠର ଅଭାବ। ହାତ ବାନ୍ଧି ବସିଛନ୍ତି ବିଶ୍ଵକର୍ମା। ଜୁଲାଇ ୭ରେ ବିଶ୍ଵ ପ୍ରସିଦ୍ଧ ରଥଯାତ୍ରା ହେବାକୁ ଥିବାବେଳେ କାଠର ଅଭାବ ଦେଖାଦେଇଥିବାରୁ ବିଶ୍ଵକର୍ମାମାନେ ହାତ ବାନ୍ଧି ବସିଛନ୍ତି। ତିନି ରଥରେ ଆଜି ତୃତୀୟ ଭୂଇଁ ସଂଯୋଗ ହୋଇସାରିଛି। ତେବେ ଏହାପରେ‌ ତିନି ରଥର ଯେଉଁ ସବୁ କାର୍ଯ୍ୟ ରହିଛି ସେଥିପାଇଁ ରଥଖଳାରେ ରଥକାଠ ଆସି ପହଞ୍ଚି ପାରିନି। ଯାହାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ଦର୍ପଦଳନ ରଥର ବିଶ୍ଵକର୍ମା ନାରାୟଣ ମହାରଣା। 

ନାରାୟଣ ମହାରଣାଙ୍କ ଅଭିଯୋଗ ଅନୁଯାୟୀ, ରଥ ନିର୍ମାଣର ଉପରି ଭାଗ କାର୍ଯ୍ୟ ପାଇଁ ଯାହାକିଛି କାଠର ଆବଶ୍ୟକ ରହିଛି ତାହା ଏପର୍ଯ୍ୟନ୍ତ ରଥଖଳାରେ ପହଞ୍ଚି ପାରିନି। ରଥଯାତ୍ରାର ୧୦ ଦିନ ପୂର୍ବରୁ ସମସ୍ତ କାର୍ଯ୍ୟ ଶେଷ କରିବା ପାଇଁ ଲକ୍ଷ୍ୟ ରଖିଥିଲେ ବିଶ୍ଵକର୍ମା। କିନ୍ତୁ ରଥ କାଠ ଠିକ୍ ସମୟରେ ପହଞ୍ଚୁ ନଥିବାରୁ ସମୟ ପୂର୍ବରୁ କିଭଳି କାର୍ଯ୍ୟ ସରିବ ସେନେଇ ଏବେ ଚିନ୍ତାରେ ବିଶ୍ଵକର୍ମା। ଏନେଇ ଶ୍ରୀମନ୍ଦିର ପ୍ରଶାସନ ପାଖରେ ବିଶ୍ଵକର୍ମାମାନେ ଅଭିଯୋଗ କରିଥିଲେ ମଧ୍ୟ ସବୁ କାର୍ଯ୍ୟ ଠିକ୍ ଭାବେ ହେବ ବୋଲି ଅଧିକାରୀମାନେ କହୁଛନ୍ତି। 

ତେବେ ତିନି ରଥ ପାଇଁ ପୋଟଳ, ଚନ୍ଦ୍ରଶାଳୀ, ଦୁଆର ବେଢ଼ା ଆଦି ନିର୍ମାଣ ପାଇଁ ରଥଖଳାରେ କାଠ ଏପର୍ଯ୍ୟନ୍ତ ପହଞ୍ଚି ପାରିନାହିଁ। ଶ୍ରୀମନ୍ଦିର ପ୍ରଶାସନର ଏଭଳି ଅବହେଳାକୁ ଦାୟୀ କରିଛନ୍ତି ଦର୍ପଦଳନ ରଥର ବିଶ୍ଵକର୍ମା। ତୁରନ୍ତ ପ୍ରଶାସନ ଏଥିପ୍ରତି ଦୃଷ୍ଟି ଦେବାର ଆବଶ୍ୟକତା ରହିଛି ବୋଲି ବିଶ୍ଵକର୍ମା କହିଛନ୍ତି। ନଚେତ୍ ରଥ ନିର୍ମାଣ କାର୍ଯ୍ୟ ଠିକ୍ ସମୟରେ ଶେଷ ହୋଇପାରିବ ନାହିଁ।‌ 


  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.