ଯାଜପୁର ଜିଲ୍ଲା ଜେନାପୁର ଥାନା ଅନ୍ତର୍ଗତ ରହାଡପୁରଠାରେ ଶ୍ରମିକ ମୃତ । ଏକ କ୍ରସରରେ କାମ କରୁଥିବା ବେଳେ ଏହି ଶ୍ରମିକଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ରହାଡପୁରରେ ଥିବା ଶିବଶକ୍ତି ମେଗା କ୍ରସରରେ ରବିବାର ସକାଳୁ ଶ୍ରମିକ ଜଣକ କାମ କରୁଥିବା ବେଳେ ଅସାବଧାନତା ଯୋଗୁଁ ବେଲ୍ଟରେ ଚାପି ହୋଇ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଛି । 

ତେବେ ଏହି ଦୁର୍ଘଟଣାରେ ଆଉ ଜଣେ ଶ୍ରମିକଙ୍କ ମୃତ୍ୟୁ ହୋଇଥିବା କୁହାଯାଉଥିବା ବେଳେ ତାହା ସ୍ପଷ୍ଟ ହୋଇନାହିଁ । ଘଟଣାସ୍ଥଳରେ ସ୍ଥାନୀୟ ଲୋକେ ବାଡ଼ ପକାଇ ମୃତଦେହକୁ ଅଟକ ରଖି ସମ୍ପାରୁ ନିକଟରେ ରାସ୍ତାରୋକ କରିଥିବା ବେଳେ ଘଟଣାସ୍ଥଳରେ ବଡ଼ଚଣା, ଧର୍ମଶାଳା, ଜେନାପୁର ଥାନାର ଅଧିକାରୀମାନେ ଉପସ୍ଥିତ ଅଛନ୍ତି । ଘଟଣାସ୍ଥଳରେ ଚାପା ଉତ୍ତେଜନା ରହିଛି । ମୃତକକୁ ୫୦ ଲକ୍ଷ ଟଙ୍କା କ୍ଷତିପୂରଣ ଦାବି କରାଯାଇଛି ।