ଭୁବନେଶ୍ୱର ୧୭/୦୫: ଉଚ୍ଚ ରକ୍ତଚାପର ପ୍ରତିରୋଧ, ଚିହ୍ନଟ ଓ ନିୟନ୍ତ୍ରଣ ଉପରେ ସଚେତନତା ସୃଷ୍ଟି ଓ ପ୍ରୋତ୍ସାହନ ଲାଗି ପ୍ରତି ବର୍ଷ ମେ ୧୭ ତାରିଖରେ ପାଳିତ ହୁଏ ବିଶ୍ୱ ଉଚ୍ଚ ରକ୍ତଚାପ ଦିବସ । ଶରୀରର ଧମନୀ ଓ ମୁଖ୍ୟ ରକ୍ତ ବାହିକାଗୁଡ଼ିକର ୱାଲ୍‌ର ବିପରୀତ ସଂଚାଳିତ ରକ୍ତ ଦ୍ୱାରା ନିର୍ଗତ ବଳ ହେଉଛି ରକ୍ତ ଚାପ । 

ରକ୍ତ ଚାପ ଯେତେବେଳେ ଅତ୍ୟଧିକ ବଢ଼ିଯାଏ, ତାକୁ ଉଚ୍ଚ ରକ୍ତଚାପ କୁହାଯାଏ । ଦୁଇଟି ସଂଖ୍ୟା ଭାବେ ରକ୍ତ ଚାପକୁ ଲେଖାଯାଏ । ହୃତ୍‌ପିଣ୍ଡ ଯେତେବେଳେ ସଙ୍କୁଚିତ ବା ସ୍ପନ୍ଦିତ ହୁଏ, ପ୍ରଥମ (ସିଷ୍ଟୋଲିକ୍‌) ସଂଖ୍ୟା ରକ୍ତ ବାହିକାରେ ଚାପକୁ ପ୍ରତିନିଧିତ୍ୱ କରେ । ହୃତ୍‌ପିଣ୍ଡ ଯେତେବେଳେ ସ୍ପନ୍ଦନ ମଧ୍ୟରେ ଆରାମ କରେ, ୨ୟ (ଡାଇଷ୍ଟୋଲିକ୍‌) ସଂଖ୍ୟା ଚାପକୁ ପ୍ରତିନିଧିତ୍ୱ କରେ । ୨୦୦୬ ମସିହା, ମେ ୧୪ ତାରିଖରେ ଡବ୍ଲ୍ୟୁଏଚ୍‌ଏଲ୍‌ ଏହି ଦିବସ ଆରମ୍ଭ କରିଥିଲା ।