ପ୍ରମୂଖ ଖବର
  • ବଜେଟ୍ ୨୦୨୪: ସଂସଦରେ ଜାମ୍ମୁ-କାଶ୍ମୀର ବଜେଟ୍ ଉପସ୍ଥାପିତ
  • ||
  • ବଜେଟ ୨୦୨୪: ଓଡ଼ିଶା ପର୍ଯ୍ୟଟନର ବିକାଶ ପାଇଁ ବଡ଼ ଘୋଷଣା, ପର୍ଯ୍ୟଟନର ବିକାଶ ପାଇଁ ମିଳିବ ଆର୍ଥିକ ସହାୟତା
  • ||
  • ବଜେଟ୍ ୨୦୨୪: ସରକାରୀ ସହାୟତାରେ ଛାତ ଉପରେ ଲାଗିବ ସୋଲାର ପ୍ୟାନେଲ, ପ୍ରତି ଘରୁ ମାସିକ ୩ଶହ ୟୁନିଟ ବିଜୁଳି ଉତ୍ପାଦନ ଲକ୍ଷ୍ୟ
  • ||
  • ବଜେଟ ୨୦୨୪:୧ କୋଟି ଘରକୁ ମାଗଣା ବିଜୁଳି ଯୋଗାଣ ହେବ,ପ୍ରଧାନମନ୍ତ୍ରୀ ସୂର୍ଯ୍ୟଘର ମୁକ୍ତ ବିଜୁଳି ଯୋଜନାରେ ମିଳିବ ସୁବିଧା
  • ||
  • ବଜେଟ୍୨୦୨୪: ବନ୍ୟା ମୁକାବିଲା ପାଇଁ ବିହାରକୁ ୧୧, ୫୦୦ କୋଟିର ସହାୟତା,ଆସାମ, ହିମାଚଳ ପ୍ରଦେଶ, ଉତ୍ତରାଖଣ୍ଡ, ସିକିମ୍‌କୁ ମିଳିବ ସହାୟତା
  • ||
  • ବଜେଟ ୨୦୨୪: ବନ୍ୟା ନିୟନ୍ତ୍ରଣ ପାଇଁ ସହାୟତା ଘୋଷଣା,ବନ୍ୟା କ୍ଷତିଗ୍ରସ୍ତ ୫ଟି ରାଜ୍ୟକୁ ସ୍ୱତନ୍ତ୍ର ସହାୟତାର ଘୋଷଣା
  • ||
  • ବଜେଟ ୨୦୨୪: ଜମିବାଡ଼ି ସୁବ୍ୟବସ୍ଥିତ କରିବାକୁ ଆରମ୍ଭ ହେବ ଭୂ-ଆଧାର, ଭୂ-ଆଧାର ଜରିଆରେ ଜମିବାଡ଼ି ଡିଜିଟାଇଜେସନ ହେବ
  • ||
  • ବଜେଟ୍ ୨୦୨୪: ମୁଦ୍ରା ଲୋନ୍‌ ୨୦ ଲକ୍ଷକୁ ବୃଦ୍ଧି ଘୋଷଣା କଲେ ଅର୍ଥମନ୍ତ୍ରୀ,ଧାର୍ଯ୍ୟ ସମୟରେ ପୈଠ କରିଥିବା ବ୍ୟକ୍ତି ଲୋନ୍‌ ପାଇପାରିବେ
  • ||
  • ବିଜେଟ୍ ୨୦୨୪-୨୫: ଗୟାରେ ହେବ ଇଣ୍ଡଷ୍ଟିଆଲ୍ କରିଡ଼ିର, ୧ ହଜାର ଆଇଟିଆଇକୁ ଅପଗ୍ରେଡ୍ କରାଯିବ
  • ||
  • ବିହାର, ଆନ୍ଧ୍ରପ୍ରଦେଶ ପାଇଁ ବଡ଼ ଘୋଷଣା କଲେ ଅର୍ଥମନ୍ତ୍ରୀ, ପୋଲାଭରମ ପ୍ରକଳ୍ପ ଶୀଘ୍ର ସମାପ୍ତ ହେବ, ବିହାରରେ ଏୟାରପୋର୍ଟ, ମେଡିକାଲ କଲେଜ ବିକାଶ
  • ||
  • ସପ୍ତମ ଥର ପାଇଁ ବଜେଟ ଉପସ୍ଥାପନ କଲେ ଅର୍ଥମନ୍ତ୍ରୀ ନିର୍ମଳା ସୀତାରମଣ
  • ||
  • ବିଧାନସଭା ଅଧିବେଶନର ଦ୍ବିତୀୟ ଦିନ, ୪ଟା ଯାଏଁ ଗୃହ ମୁଲତବି
  • ||

ବଢ଼ିବାରେ ଲାଗିଛି ପରମାଣୁ ଯୁଦ୍ଧର ଆଶଙ୍କା; ବିଶ୍ବକୁ ଧ୍ବଂସ ଆଡ଼କୁ ନେଇଯିବ ଏହି ଦେଶ ମାନଙ୍କର ଗୋଟିଏ ଭୁଲ୍‌

ନୂଆଦିଲ୍ଲୀ,୨୩/୦୬: ସମଗ୍ର ବିଶ୍ୱରେ ପରମାଣୁ ଅସ୍ତ୍ରକୁ ନେଇ ପ୍ରତିଯୋଗିତା ଚାଲିଛି । ପରମାଣୁ ଅସ୍ତ୍ର ବ୍ୟବହାର କରିବାକୁ ଟିକେ ବି ଦ୍ୱିଧାବୋଧ କରିବେନି ବୋଲି ପୂର୍ବରୁ ଋଷର ରାଷ୍ଟ୍ରପତି ପୁଟିନ କହିଛନ୍ତି। ସେ ବହୁ ଧ୍ୱଂସକାରୀ ବୋମା ତିଆରିରେ ନିୟୋଜିତ ଥିବା ଉତ୍ତର କୋରିଆ ସହ ପ୍ରତିଯୋଗିତା ବଢ଼ାଇଛନ୍ତି। ରୁଷର ଧମକ ଯୋଗୁଁ ବିଶ୍ୱ ଆଜି ପରମାଣୁ ଯୁଦ୍ଧର ଆଶଙ୍କା ଭିତରେ ଛିଡ଼ା ହୋଇଛି। କେବଳ ପରମାଣୁ ବୋମା ବ୍ୟବହାର କରିବାର ଆଶଙ୍କା କେବଳ ଋଷ ଯୋଗୁ ନୁହେଁ, ବରଂ ଅନେକ ଦେଶ ଏହି ତାଲିକାରେ ଅଛନ୍ତି। ଷ୍ଟକହୋମ ଆନ୍ତର୍ଜାତୀୟ ଶାନ୍ତି ଅନୁସନ୍ଧାନ ପ୍ରତିଷ୍ଠାନ (SIPRI) ଆଣବିକ ଅସ୍ତ୍ର ସଂଖ୍ୟା ଏବଂ ପ୍ରକାରରେ ବୃଦ୍ଧି ଘଟିଥିବାର ଏକ ରିପୋର୍ଟ ନିକଟରେ ଜାରି କରିଥିଲା। 'ଦ ମିରର୍' ରିପୋର୍ଟ କରିଛି ଯେ ସିପ୍ରିର ସହଯୋଗୀ ଅନୁସନ୍ଧାନକାରୀ ମ୍ୟାଟ୍ କୋର୍ଡା କହିଛନ୍ତି ଯେ 'ଆମେ ବର୍ତ୍ତମାନ ଯାହା ଦେଖୁଛୁ ତାହା ହେଉଛି ପ୍ରାୟ ପ୍ରତ୍ୟେକ ଦେଶ ଏବେ ଆଣବିକ ଅସ୍ତ୍ରଶସ୍ତ୍ରର ସଂଖ୍ୟା ତଥା ଗୁଣବତ୍ତାରେ ଉନ୍ନତି କରୁଛନ୍ତି। ତେବେ ଆସନ୍ତୁ ଜାଣିବା ଦୁନିଆର କେଉଁ ଦେଶକୁ ନେଇ ପରମାଣୁ ଯୁଦ୍ଧର ଆଶଙ୍କା ବଢ଼ାଇଛନ୍ତି। 

ଇରାନ୍‌ ଓ ମଧ୍ୟପ୍ରାଚ୍ୟ: 

ଇରାନର ଆଣବିକ ଅଭିଳାଷ ଏକ ଗୁରୁତ୍ବପୂର୍ଣ୍ଣ ବିଷୟ। ବିଶେଷଜ୍ଞମାନେ କହିଛନ୍ତି ଯେ ଯଦି ଇରାନ ଆଣବିକ ବୋମା ତିଆରି କରେ ତେବେ ଏହି ଦେଶ ଆଣବିକ ଅସ୍ତ୍ରରେ ଅଗ୍ରଗତି ପାଇଁ ଦୌଡ଼ରେ ଥିବା ଅନ୍ୟ ଦେଶ ତାଲିକାରେ ରହିବ। ବିଶେଷଜ୍ଞଙ୍କ ଅନୁଯାୟୀ ଇରାନର ୮୫ ବର୍ଷିୟ ସର୍ବୋଚ୍ଚ ନେତା ଅଲି ଖାମେନେ ପରମାଣୁ ଅସ୍ତ୍ରକୁ ସମର୍ଥନ କରୁ ନାହାଁନ୍ତି। କିନ୍ତୁ ଚିନ୍ତାଜନକ ବିଷୟ ହେଉଛି, ଏହି ମୁସଲମାନ ମୁଖ୍ୟଙ୍କ ପରେ ଯିଏ ବି ସର୍ବୋଚ୍ଚ ନେତା ଆସିବେ ସେ ପରମାଣୁ ନୀତିରେ ପରିବର୍ତ୍ତନ ଆଣିପାରନ୍ତି। ଋଷ ସହିତ ଏହାର ସମ୍ପର୍କ ମଧ୍ୟ ଚିନ୍ତାର ବିଷୟ।

ଦକ୍ଷିଣ ଏସିଆ: 

ଭାରତ, ପାକିସ୍ତାନ ଏବଂ ଚୀନ୍ ମଧ୍ୟରେ ହୋଇଥିବା ବିବାଦକୁ ନେଇ ମଧ୍ୟ ବିଶେଷଜ୍ଞ ମାନେ ପରମାଣୁ ଯୁଦ୍ଧ ହେବାର ଚିନ୍ତାପ୍ରକଟ କରିଛନ୍ତି। ସମସ୍ତ ତିନୋଟି ଦେଶ ପରମାଣୁ ଶକ୍ତିସମ୍ପନ୍ନ।କୋର୍ଡା ସ୍ପଷ୍ଟ କରିଛନ୍ତି, 'ପାକିସ୍ତାନ ଏପରି ଏକ ଦେଶ ଯିଏ ପ୍ରଥମେ ଆଣବିକ ଅସ୍ତ୍ର ବ୍ୟବହାର କରିବାକୁ ପ୍ରସ୍ତୁତ। ଏଥି ସହିତ ଭାରତ ନିଜର କ୍ଷେପଣାସ୍ତ୍ରକୁ ଆଣବିକ ସକ୍ଷମ କରିବାରେ ବ୍ୟସ୍ତ ଅଛି। ଏହାର ଅର୍ଥ ଭାରତ ମଧ୍ୟ ପରମାଣୁ ଲଞ୍ଚ କରିବାରେ ସକ୍ଷମ। ସେ କହିଛନ୍ତି ଯେ ପୂର୍ବରୁ ଭାରତ-ପାକିସ୍ଥାନ ଏବଂ ଭାରତ-ଚୀନ୍ ମଧ୍ୟରେ ବିବାଦ ଲାଗି ରହିଛି। ଏହା ମଧ୍ୟ ମନେ ପକାଇ ଦେଇଛନ୍ତି ଯେ ଭାରତ ପକ୍ଷରୁ ଭୁଲରେ ପାକିସ୍ତାନ ଉପରେ ଏକ କ୍ଷେପଣାସ୍ତ୍ର ନିକ୍ଷେପ କରାଯାଇଥିଲା। ଭୁଲ ବୁଝାମଣା ହୋଇଥିବା ଯେକୌଣସି ପଦକ୍ଷେପ ଯୁଦ୍ଧ ଆରମ୍ଭ କରିପାରେ। ଏହା ବ୍ୟତୀତ ବିଶେଷଜ୍ଞମାନେ କହିଛନ୍ତି ଯେ ତାଇୱାନ ଉପରେ ଚୀନ୍ ମଧ୍ୟ ଯୁଦ୍ଧ କରିବାର ଯଥେଷ୍ଟ ସମ୍ଭାବନା ରହିଛି।

ପାକିସ୍ତାନ: 

ଭାରତ ସହିତ ବିବାଦ ବ୍ୟତୀତ କେବଳ ପାକିସ୍ତାନ ମଧ୍ୟ ସମଗ୍ର ବିଶ୍ୱ ପାଇଁ ବିପଦ। ପାକିସ୍ତାନର ରାଜନୈତିକ ଅସ୍ଥିରତା ଏବଂ ସେଠାକାର ଆତଙ୍କବାଦୀ ଗୋଷ୍ଠୀକୁ ନେଇ ସାରା ବିଶ୍ୱ ଚିନ୍ତିତ। ବ୍ରିଟେନର ଟିସାଇଡ୍ ୟୁନିଭରସିଟିର ଡକ୍ଟର ହାୟନ୍ ଦୁଖାନ୍ କହିଛନ୍ତି, 'ଏହା ସମଗ୍ର ବିଶ୍ୱ ପାଇଁ ବିପଦ, କାରଣ ଆତଙ୍କବାଦୀଙ୍କ ଯୋଗୁଁ ଏହି ଦେଶ ସବୁବେଳେ ଅସ୍ଥିର ରହିଆସିଛି ଏବଂ ଏପରି ଏକ ସମୟ ଆସିପାରେ ଯେତେବେଳେ ନେତୃତ୍ୱ ପରିବର୍ତ୍ତନ ହେବ ଓ ତାହା ପୁଣି ଆତଙ୍କବାଦୀଙ୍କ ଦ୍ବାରା। ଯଦି ଏକ ଆକ୍ରମଣ ହୁଏ, ତେବେ ପ୍ରଶ୍ନ ଉଠୁଛି ଯେ, ପାକିସ୍ତାନ ଭାରତ କିମ୍ବା ଇସ୍ରାଏଲ ପରି ଶତ୍ରୁ ବିରୁଦ୍ଧରେ ପରମାଣୁ ବ୍ୟବହାର କରିପାରେ। 

ଋଷ-ୟୁକ୍ରେନ ଯୁଦ୍ଧ: 

ଋଷ ଏବଂ ୟୁକ୍ରେନ ମଧ୍ୟରେ ଯୁଦ୍ଧ ହେବାର ଦୁଇ ବର୍ଷ ବିତିଗଲାଣି। ପାଶ୍ଚାତ୍ୟ ଦେଶଗୁଡିକ କ୍ରମାଗତ ଭାବରେ ୟୁକ୍ରେନକୁ ସମର୍ଥନ କରୁଛନ୍ତି, ଯେଉଁ କାରଣରୁ ଋଷ ଏକାକୀ ରହିଯାଇଛି ଏବଂ ସମୟ ସମୟରେ ଆଣବିକ ଆକ୍ରମଣର ଧମକ ଦେଇଆସୁଛି। ବିଶେଷଜ୍ଞମାନଙ୍କର କହିବା କଥା ହେଲା, ଯଦି ଋଷ ଅନୁଭବ କରେ କି ଦେଶ ଯୁଦ୍ଧରେ ହାରିବାକୁ ଯାଉଛି, ତେବେ ଏହା କୌଶଳ କ୍ରମେ ଆଣବିକ ଅସ୍ତ୍ର ବ୍ୟବହାର କରିପାରେ, କିନ୍ତୁ ଏହା ଅନ୍ୟ ପରମାଣୁ ଠାରୁ ଛୋଟ ରହିବ । ତଥାପି, ଯେପର୍ଯ୍ୟନ୍ତ ଆମେରିକା ନିର୍ବାଚନ ଅନୁଷ୍ଠିତ ନହୋଇଛି, ପର୍ଯ୍ୟନ୍ତ ନାଟୋ ସଦସ୍ୟମାନେ ଋଷର ବ୍ଲାକମେଲକୁ ଭୟ କରିବେ ନାହିଁ।

ଉତ୍ତର କୋରିଆ: 

ଦୀର୍ଘ ଦିନ ଧରି ଉତ୍ତର କୋରିଆର ସର୍ବୋଚ୍ଚ ନେତା କିମ ଜଙ୍ଗ୍ ଉନ୍ ଆମେରିକା ଏବଂ ପାଶ୍ଚାତ୍ୟ ଦେଶ ପାଇଁ ଚିନ୍ତାର ବିଷୟ ପାଲଟିଛନ୍ତି। କାରଣ ସେ ଧୀରେ ଧୀରେ ନିଜର ପରମାଣୁ କ୍ଷମତା ବୃଦ୍ଧି କରୁଛନ୍ତି। ଆମେରିକାକୁ ଭୟଭୀତ କରିବା ପାଇଁ ସେ ମାରାତ୍ମକ କ୍ଷେପଣାସ୍ତ୍ର ଉତକ୍ଷେପଣ କରୁଛନ୍ତି। ସିପ୍ରି ରିପୋର୍ଟ କରିଛି ଯେ ଉତ୍ତର କୋରିଆରେ ପ୍ରାୟ ୫୦ ଟି ଆଣବିକ ଅସ୍ତ୍ର ଏବଂ ସମୁଦାୟ ୯୦ ଟି ୱାରହେଡରେ ପହଞ୍ଚିବା ପାଇଁ ପର୍ଯ୍ୟାପ୍ତ ସାମଗ୍ରୀ ଅଛି।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.