ସାଲେପୁର,୨୧/୦୫: ଆସନ୍ତା ୨୩ ତାରିଖ ଦିନ ସାଲେପୁର ଗସ୍ତରେ  ଆସୁଛନ୍ତି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ସାଲେପୁର  ଥାନା ଅନ୍ତର୍ଗତ କୁଳିଆ ପଡ଼ିଆରେ ୨୩ତାରିଖ ଦିନ ଅନୁଷ୍ଠିତ ହେବାକୁ  ଥିବା କେନ୍ଦ୍ରାପଡ଼ା ଲୋକସଭା ସଂସଦୀୟ କ୍ଷେତ୍ର ସ୍ତରୀୟ ସାଧାରଣ ନିର୍ବାଚନ  ସଭାରେ ସେ ଯୋଗଦେବାର କାର୍ଯ୍ୟକ୍ରମ ରହିଛି । ଏନେଇ ପୁଲିସ ପ୍ରଶାସନ  ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଉଛି । ଏହି କାର୍ଯ୍ୟକ୍ରମରେ କିପରି  ଅଧିକରୁ ଅଧିକ ସଂଖ୍ୟାରେ ଲୋକ ଯୋଗଦେବେ ସେନେଇ ବିଜେପି  ପକ୍ଷରୁ ପ୍ରସ୍ତୁତି ଜୋରଦାର ଆରମ୍ଭ ହୋଇଛି । 

ପ୍ରକାଶ ଯୋଗ୍ୟ ଯେ, କିଛି  ଦିନ ତଳେ ଏହି ପଡ଼ିଆରେ କଂଗ୍ରେସ୍‌ ପକ୍ଷରୁ ଅନୁଷ୍ଠିତ ସଭାରେ ରାହୁଲ  ଗାନ୍ଧି ଯୋଗଦେଇଥିଲେ । ଆସନ୍ତା ୨୩ ତାରିଖ ଦିନ ଏଠି ଅନୁଷ୍ଠିତ ହେବାକୁ  ଥିବା ନିର୍ବାଚନୀ ସଭାରେ ବିଜେପିର ହେଭିୱେଟ୍‌ ନେତା ଯୋଗୀ ଆଦିତ୍ୟନାଥ  ଯୋଗଦେଇ ବିଜେପି କର୍ମୀମାନଙ୍କୁ ବିଜୟର ମନ୍ତ୍ର ଦେବେ ବୋଲି ସାଲେପୁର ମଣ୍ଡଳ ସଭାପତି ଆଇନ୍‌ଜୀବୀ ବିକ୍ରମ କେଶରୀ ବଳ ପ୍ରକାଶ କରିଛନ୍ତି ।