ଶ୍ରୀନଗର : ପାକିସ୍ତାନ ସୈନିକଙ୍କୁ ଦୃଢ ଜବାବ ଦେଇଛି ଭାରତୀୟ ସେନା । ଆଜି ପାକିସ୍ତାନ କବଜାରେ ଥିବା କାଶ୍ମୀର (ପିଓକେ)ରୁ ଜମ୍ମୁ-କାଶ୍ମୀରର ଉରୀ ସେକ୍ଟରରେ ଏଲଓସି  ଅତିକ୍ରମ କରିବାକୁ ଚେଷ୍ଟା କରୁଥିଲେ ୩ଜଣ ଆତଙ୍କବାଦୀ । ଯାହାଙ୍କୁ ମାରି ଦେଇଛନ୍ତି ଭାରତୀୟ ସୈନିକ। ଭାରତୀୟ ସେନାର ଚିନାର କୋର ଏକ୍ସ (ଟ୍ୱିଟର)ରେ ଏକ ପୋଷ୍ଟରେ କହିଛି କି , ଦୁଇ ଆତଙ୍କବାଦୀଙ୍କ ଶବ ଉଦ୍ଧାର ହୋଇଛି। ଚିନାର କୋର କହିଛି ପାକିସ୍ତାନୀ ସେନା ଫାୟାରିଂ କରିଛି , ଯେଉଁଥିରେ ୩ୟ ଶବକୁ ବାହାର କରିବା ପ୍ରୟାସରେ ହସ୍ତକ୍ଷେପ ହୋଇଛି। 

ସେନା କହିଛି କି, ଉରୀ ସେକ୍ଟରରେ ଅପରେସନ ଜାରି ରହିଛି। ଚିନାର କପର୍ସ ଏକ୍ସରେ ପୋଷ୍ଟରେ କହିଛି , ଭାରତୀୟ ସେନା , ଜମ୍ମୁ-କାଶ୍ମୀର ପୁଲିସ ଓ ଗୁଇନ୍ଦା ଏଜେନ୍ସିମାନଙ୍କ ଦ୍ୱାରା ଆରମ୍ଭ ହୋଇଥିବା ଏକ ମିଳିତ ଅଭିଯାନରେ , ବାରାମୂଳାର ଉରୀ ସେକ୍ଟରରେ ଏଲଓସି ପାଖରେ ଆଜି ସକାଳେ ଅନୁପ୍ରବେଶର ଚେଷ୍ଟାକୁ ଅସଫଳ କରି ଦିଆ ଯାଇଛି। ଅନୁପ୍ରବେଶର ଚେଷ୍ଟା କରୁଥିବା ୩ଜଣ ଆତଙ୍କବାଦୀଙ୍କୁ ସତର୍କ ସୈନିକମାନେ ଘେରି ନେଇଥିଲେ।

ସେନା କହିଛି , ଦୁଇ ଆତଙ୍କବାଦୀଙ୍କୁ ମାରି ଦିଆଯିବା ସହ ତାଙ୍କର ଶବକୁ ମଧ୍ୟ ଉଦ୍ଧାର କରାଯାଇଛି। ୩ୟ ଆତଙ୍କବାଦୀର ଶବକୁ, ନିୟନ୍ତ୍ରଣ ରେଖାରେ ପାକିସ୍ତାନୀ ପୋଷ୍ଟରୁ ଫାୟାରିଂ କାରଣରୁ ବାହାର କରିବାରେ ବାଧା ଉପୁଜିଛି। ଅପରେସନ ଜାରି ରହିଛି। ପୁଲିସ ମୁତାବିକ , ମରି ଯାଇଥିବା ଆତଙ୍କବାଦୀଙ୍କୁ ଚିହ୍ନଟ କରାଯାଇ ପାରିନାହିଁ। ଏହା ବ୍ୟତୀତ ଏବେ ଏହା ଜାଣିବାକୁ ଚେଷ୍ଟା କରାଯାଉଛି କି, ଏମାନେ କେଉଁ ଗ୍ରୁପ ସହ ଜଡ଼ିତ ଥିଲେ।