ନୂଆଦିଲ୍ଲୀ: ଲୋକସଭା ନିର୍ବାଚନ ଲାଗି କଂଗ୍ରେସ ସପ୍ତମ ପ୍ରାର୍ଥୀ ତାଲିକା ଜାରି କରିଛି । ସପ୍ତମ ତାଲିକାରେ ଛତିଶଗଡ଼ର ୪ଟି ଏବଂ ତାମିଲନାଡୁର ଗୋଟିଏ ଆସନ ପାଇଁ ପ୍ରାର୍ଥୀଙ୍କ ନାମ ଘୋଷଣା କରିଛି କଂଗ୍ରେସ । ତାମିଲନାଡୁର ମାଇଲାଦୁଥୁରାଇରୁ ଆର. ସୁଧାଙ୍କୁ ପ୍ରାର୍ଥୀ କରିଥିବା ବେଳେ ଛତିଶଗଡ଼ର ସରଗୁଜାରୁ ଶଶି ସିଂହଙ୍କୁ ଟିକଟ୍ ଦେଇଛି ଦଳ । ରାୟଗଡ଼ରୁ ମେନକା ଦେବୀ ସିଂହ, ବିଳାସପୁରରୁ ଦେବେନ୍ଦ୍ର ସିଂହ ଯାଦବ ଏବଂ କୋଙ୍କେରରୁ ବିରେଶ ଠାକୁରଙ୍କୁ ପ୍ରାର୍ଥୀ କରିଛି କଂଗ୍ରେସ ।
Congress releases the seventh list of candidates for the upcoming Lok Sabha elections. pic.twitter.com/H2sas8pfSI
— ANI (@ANI) March 26, 2024
ଏହା ପୂର୍ବରୁ ମାର୍ଚ୍ଚ ୨୫ (ସୋମବାର)ରେ ପ୍ରାର୍ଥୀଙ୍କ ଷଷ୍ଠ ତାଲିକା ଜାରି କରିଥିଲା କଂଗ୍ରେସ । ଏଥିରେ ରାଜସ୍ଥାନ ଏବଂ ତାମିଲନାଡୁ ଲାଗି ପ୍ରାର୍ଥୀ ଘୋଷଣା କରିଥିଲା ଦଳ । ରାଜସ୍ଥାନର ୪ଟି ଆସନ ଏବଂ ତାମିଲନାଡୁର ଗୋଟିଏ ଆସନରେ ପ୍ରାର୍ଥୀ ଦେଇଥିଲା କଂଗ୍ରେସ ।
कांग्रेस अध्यक्ष श्री @kharge की अध्यक्षता में आयोजित 'केंद्रीय चुनाव समिति' की बैठक में लोकसभा चुनाव, 2024 के लिए कांग्रेस उम्मीदवारों के नाम की छठवीं लिस्ट। pic.twitter.com/KoXyKzYH87
— Congress (@INCIndia) March 25, 2024
ଅନ୍ୟପଟେ ଆଜି ଲୋକସଭା ନିର୍ବାଚନ ୨୦୨୪ ପାଇଁ ଷଷ୍ଠ ପ୍ରାର୍ଥୀ ତାଲିକା ଘୋଷଣା କରିଛି ଭାରତୀୟ ଜନତା ପାର୍ଟି (ବିଜେପି) । ମଙ୍ଗଳବାର ୩ ଜଣିଆ ପ୍ରାର୍ଥୀ ତାଲିକା ଘୋଷଣା କରିଛି ଦଳ । ରାଜସ୍ଥାନର କରୌଲି ଢ଼ୋଲପୁର ଲୋକସଭା ଆସନ ଲାଗି ଇନ୍ଦୁ ଦେବୀ ଜାଟବଙ୍କୁ ବିଜେପି ପ୍ରାର୍ଥୀ କରାଇଥିବା ବେଳେ ଦୌସାରୁ କହ୍ନେୟାଲାଲ ମୀନାଙ୍କୁ ଟିକଟ ମିଳିଛି । ସେହିଭଳି ମଣିପୁରରେ ଇନର ମଣିପୁର ସିଟରୁ ବିଜେପି ବସନ୍ତ କୁମାର ସିଂହଙ୍କୁ ପ୍ରାର୍ଥୀ କରାଇଛି ବିଜେପି ।
କରୌଲି ଢ଼ୋଲପୁର ଆସନରୁ ମନୋଜ ରାଜୌରିଆଙ୍କ ଟିକଟ କାଟି ଇନ୍ଦୁ ଦେବୀ ଜାଟବଙ୍କୁ ପ୍ରାର୍ଥୀ କରାଇଛି ଦଳ । ଏହା ପୂର୍ବରୁ ବିଜେପି ମାର୍ଚ୍ଚ ୨୪ରେ ପଞ୍ଚମ ପ୍ରାର୍ଥୀ ତାଲିକା ଜାରି କରିଥିଲା । ତାଲିକାରେ ଉତ୍ତର ପ୍ରଦେଶ ଏବଂ ବିହାର ସମେତ ଅନ୍ୟ କେତେକ ରାଜ୍ୟର ପ୍ରାର୍ଥୀଙ୍କ ନାମ ଥିଲା । ଏହି ତାଲିକାରେ ଅଭିନେତ୍ରୀ କଙ୍ଗନା ରଣାଓ୍ବତଙ୍କ ନାମ ମଧ୍ୟ ସାମିଲ ଥିଲା ।
