ଅଗରତାଲା,୦୧/ ୦୨: ବିମାନ ଯାତ୍ରା ସମୟରେ ବିଷାକ୍ତ ପାନୀୟ ସେବନ କରି ଅସୁସ୍ଥ ହୋଇ ପଡ଼ିଥିବା କର୍ଣ୍ଣାଟକ ରଣଜୀ ଦଳର ଅଧିନାୟକ ମୟଙ୍କ ଅଗ୍ରୱାଲ୍ ସମ୍ପ୍ରତି ଅଗରତାଲାର ଆଇଏଲଏସ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ତାଙ୍କ ସ୍ୱାସ୍ଥ୍ୟାବସ୍ଥାରେ ଉନ୍ନତି ହେଉଛି । ତଥାପି ତାଙ୍କୁ ଆଗାମୀ ରେଳବାଇ ବିପକ୍ଷ ରଣଜୀ ଟ୍ରଫି ମ୍ୟାଚ୍ରୁ ସେ ବାଦ ଦିଆଯାଇଛି ।
କର୍ଣ୍ଣାଟକ କ୍ରିକେଟ୍ ଆସୋସିଏସନ୍ ପକ୍ଷରୁ ତ୍ରିପୁରା କ୍ରିକେଟ୍ ଆସୋସିଏସନ୍ କର୍ତ୍ତୃପକ୍ଷଙ୍କ ସହ ଯୋଗାଯୋଗ କରାଯାଇ ମୟଙ୍କଙ୍କ ଚିକିତ୍ସା ଉପରେ ଧ୍ୟାନ ରଖାଯାଉଛି । ମୟଙ୍କଙ୍କ ଅସୁସ୍ଥ ଘଟଣାର ତଦନ୍ତ କରିବା ପାଇଁ କର୍ଣ୍ଣାଟକ ଟିମ ମ୍ୟାନେଜର ତ୍ରିପୁରା ପୋଲିସ ନିକଟରେ ଲିଖିତ ଅଭିଯୋଗ କରିଛନ୍ତି । ଅଗରତାଲା ସ୍ଥିତ ନ୍ୟୁ କ୍ୟାପିଟାଲ ଥାନା ତଦନ୍ତ ଅଭିଯାନ ଆରମ୍ଭ କରିଛି ।
ପୋଲିସ ତଦନ୍ତରୁ ମିଳିଥିବା ରିପୋର୍ଟ ଅନୁଯାୟୀ ମୟଙ୍କ କର୍ଣ୍ଟାଟକ କ୍ରିକେଟ୍ ଦଳ ସହ ସୁରତ ଅଭିମୂଖେ ଯାତ୍ରା କରୁଥିଲେ । ସମ୍ମୁଖ ଟେବୁଲ୍ରେ ଖାଦ୍ୟ ଓ ପଣି ବୋତଲ ରହିଥିଲା । ସେ ଉକ୍ତ ବୋତଲ ଖୋଲି ପିଇଥିଲେ । ମାତ୍ର କିଛି ସମୟ ମଧ୍ୟରେ ତାଙ୍କ ପେଟ ଓ ଗଳାରେ ଯନ୍ତ୍ରଣା ଆରମ୍ଭ ହୋଇ ଯାଇଥିଲା। ଜିଭରେ ଫୋଟକା ବାହାରି ଯାଇଇଥିଲା । ଯନ୍ତ୍ରଣାରେ ଛଟପଟ ହୋଇ ମୟଙ୍କ ବାନ୍ତି କରିଥିଲେ । ଦିଲ୍ଲୀ ଯାଉଥିବା ବିମାନଟି ସଙ୍ଗେ ସଙ୍ଗେ ବିମାନ ଆକାଶ ମାର୍ଗରୁ ପୁନର୍ବାର ଅଗରତାଲାକୁ ଫେରିଥିଲା । ମୟଙ୍କଙ୍କୁ ସଙ୍ଗେ ସଙ୍ଗେ ଡାକ୍ତରଖାନା ନିଆଯାଇଥିଲା । ବର୍ତ୍ତମାନ ତାଙ୍କ ସ୍ୱାସ୍ଥ୍ୟାବସ୍ଥ୍ୟା ସ୍ଥିର ରହିଛି । ସମସ୍ତ ପରୀକ୍ଷା ନୀରିକ୍ଷା ଶେଷ ହେବା ପରେ ତାଙ୍କୁ ଘରକୁ ଫେରିବାକୁ ଅନୁମତି ମିଳିବ ।