ଭୁବନେଶ୍ବର, ୨୪/୫ :  ସମଗ୍ର କଟକ ଜିଲ୍ଲାରେ ୧୪୪ଧାରା ଜାରି କରାଯାଇଛି । ମୁକ୍ତ ଓ ଅବାଧ ନିର୍ବାଚନ ପାଇଁ ୧୪୪ଧାରା ଜାରି କଲେ ଜିଲ୍ଲାପାଳ । ମତଦାନ କେନ୍ଦ୍ରର ୨୦୦ମିଟର ଭିତରେ ଲୋକ ଏକାଠି ହେବାକୁ ବାରଣ କରାଯାଇଛି । ଏକାଠି ହୋଇପାରିବେନି ୫ରୁ ଅଧିକ ଲୋକ । ମତଦାନ କେନ୍ଦ୍ରର ୧୦୦ମିଟର ଭିତରେ ଫୋନ୍ ବ୍ୟବହାର ଉପରେ କଟକଣା କରାଯାଇଛି । ସେହିଭଳି ମତଦାନ କେନ୍ଦ୍ର ନିକଟରେ ସେଲୁଲାର, କର୍ଡଲେସ ଫୋନ୍ ବ୍ୟବହାର ଉପରେ ନିଷେଧାଦେଶ ରହିଛି । ଜିଲ୍ଲାର ୬୧୬ଉତ୍ତେଜନା ପ୍ରବଣ ବୁଥରେ କେନ୍ଦ୍ରୀୟ ସଶସ୍ତ୍ର ପୋଲିସ ନିୟୋଜିତ ହୋଇଛନ୍ତି । ଏ ନେଇ ସୂଚନା ଦେଇଛନ୍ତି ଜିଲ୍ଲାପାଳ ଅରିନ୍ଦମ ଡାକୁଆ । 

ଅନ୍ୟପଟେ ନିର୍ବାଚନକୁ ଆଖିରେ ରଖି ସମ୍ବଲପୁରରେ ସମାନ ଭାବେ ୧୪୪ଧାରା ଲାଗୁ କରାଯାଇଛି । ଆଜି ସକାଳୁ ୨୬ତାରିଖ ସକାଳ ୧୦ଟା ଯାଏଁ ୧୪୪ଧାରା ଲାଗୁ ହୋଇଛି । ଜିଲ୍ଲାରେ ସମୁଦାୟ ୨୮୦୦ପୋଲିସ କର୍ମଚାରୀ ମୁତୟନ ହୋଇଛନ୍ତି । ଏହାସହ ୧୨କମ୍ପାନୀ ସିଆରପିଏଫ, ରାଜ୍ୟ ପୋଲିସର ୧୫ପ୍ଲାଟୁନ ଫୋର୍ସ,  ଛତିଶଗଡର ୪୦୦ପୋଲିସ କର୍ମଚାରୀ, ୩ପ୍ଲାଟୁନ ଏସଓଜି ମୁତୟନ ହୋଇଛନ୍ତି । ଜିଲ୍ଲାରେ ୧୭ଟି ଚେକ ପୋଷ୍ଟ କରାଯାଇଥିବାବେଳେ ଚେକିଂ ଜୋରଦାର କରାଯାଇଛି ।