ଫିରିଙ୍ଗିଆ,୮।୬ : କନ୍ଧମାଳ ଜିଲ୍ଲା ଫିରିଙ୍ଗିଆ ପୋଲିସ ଏକ କାର ରେ ଗଞ୍ଜେଇ ଚାଲାଣ ହେଉଥିବା ବେଳେ ସେହି କାର ରୁ ପନ୍ଦର କିଲୋ ଗଞ୍ଜେଇ ଜବତ  କରିଛି।  ଏଥି ସହ ଏହି ଘଟଣାରେ ଦୁଇ ଜଣକୁ ପୋଲିସ ଗିରଫ କରି କୋର୍ଟ ଚାଲାଣ କରିଛି I 

  ଫିରିଙ୍ଗିଆା ପୁଲିସ ଫୁଲବାଣୀ ବାଲିଗୁଡା ରାସ୍ତାର ଟେଲାପାଲି ଛକ ନିକଟ ରେ ଗାଡି ଚେକିଂ କରୁଥିଲେ। ଏହି ସମୟରେ ଫିରିଙ୍ଗିଆ ଠାରୁ ଫୁଲବାଣୀ ପଟକୁ ଯାଉଥିବା ଏହି କାର ଟିକୁ ଅଟକାଇ ଯାଞ୍ଚ କରିଥିଲେ I ଯାଞ୍ଚ ସମୟରେ ଉକ୍ତ କାର ର ପଛପଟ ଡ଼ିକିରେ ଏକ ବସ୍ତାରେ ଗଞ୍ଜେଇ ଭର୍ତ୍ତି ହୋଇଥିବା ଜାଣିବାକୁ ପାଇଥିଲେ I ପରେ କାର ସହ ଜବତ ଗଞ୍ଜେଇ ଓ ଅଭିଯୁକ୍ତ ବ୍ୟକ୍ତି କୁ ଥାନାକୁ ଆଣି ପଚରା ଉଚୁରା କରିଥିଲେ। ତେବେ ଗିରଫ ଅଭିଯୁକ୍ତ ମାନେ ନୟାଗଡ଼ ଜିଲ୍ଲା ଓଡ଼ଗାଁ ଥାନା ବାହାଡାଝୋଲା ଗାଁ ର    ସୁନୀଲ ପାଣିଗ୍ରାହୀ ଓ   ବବଲୁ ବରାଡ଼   ।  ଶନିବାର ଏହି ଘଟଣାକୁ ନେଇ ଫିରିଙ୍ଗିଆ ଥାନାରେ ଏକ ମାମଲା ରୁଜୁ କରି ଅଭିଯୁକ୍ତ ମାନଙ୍କୁ ଜବତ ଗଞ୍ଜେଇ ଓ କାର ସହ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ଗୋପୀନାଥ ପ୍ରଧାନ ସୂଚନା ଦେଇଛନ୍ତି I ଅନ୍ୟପଟେ ଗିରଫ ବ୍ୟକ୍ତି ମାନେ ଏହି ଫିରିଙ୍ଗିଆ ଅଂଚଳରେ କଉଠୁ ଗଞ୍ଜେଇ ନେଉଥିଲେ କିଏ ତାକୁ ଏହି ଗଞ୍ଜେଇ ଯୋଗାଉ ଥିଲା ତାହାର ମଧ୍ୟ୍ୟ ପୋଲିସ ସନ୍ଧାନ ପାଇ ସାରିଥିବା ବେଳେ ଖୁବ ଶୀଘ୍ର ସେମାନଙ୍କୁ ମଧ୍ୟ୍ୟ ଧରାଯିବ ବୋଲି ସୂଚନା ଦେଇଛନ୍ତି ଥାନା ଅଧିକାରୀ ଗୋପୀନାଥ ପ୍ରଧାନ I