ନ୍ୟୁୟର୍କ : ଏକ ଆଶ୍ଚର୍ଯ୍ୟକର ତଥ୍ୟ ସାମ୍ନାକୁ ଆସିଛି। ବୈଜ୍ଞାନିକମାନେ ଜାଣିବାକୁ ପାଇଛନ୍ତି କି, ଅନେକ ବିଲିୟନ ଆଲୋକ ବର୍ଷ ଦୂରତାରେ ଏକ ସୁପରନୋଭା ବିସ୍ଫୋରଣର ପ୍ରଭାବ ପଡ଼ିଥିଲା ପୃଥିବୀ ଉପରେ। ଏହା ଏତେ ଶକ୍ତିଶାଳୀ ଥିଲା ଯେ , ଏହା ପୃଥିବୀର ଓଜନ ସ୍ତରର କିଛି ଅଂଶକୁ ଅସ୍ଥାୟୀ ଭାବେ ନଷ୍ଟ କରି ଦେଇ ଥିଲା। ଘଟଣାଟି ୨୦୨୨ ମସିହାରେ ଘଟିଥିଲା।
୯ ଅକ୍ଟୋବର, ୨୦୨୨ରେ ଟେଲିସ୍କୋପ ଉଚ୍ଚ ଶକ୍ତି ସଂପନ୍ନ ଫୋଟନର ଏକ ଜେଟ୍କୁ କଏଦ କରିଥିଲା , ଯାହାକି ପୃଥିବୀ ଆଡ଼କୁ ମାଡ଼ି ଆସୁଥିଲା। ଏହା ଥିଲା ୧.୯ ବିଲିୟନ ଆଲୋକ ବର୍ଷ ଦୂରତାରେ ଥିବା ସୁପରନୋଭାର ବିସ୍ଫୋରଣର ପ୍ରମାଣ।
ଏମିତି ଆଷ୍ଟ୍ରୋନୋମିକାଲ ଘଟଣା ଗୁଡ଼ିକୁ ଗାମା-କିରଣ (ଗାମା ରେ ) କୁହନ୍ତି ଏବଂ ଯେଉଁ ଆଷ୍ଟ୍ରୋନୋମରମାନେ ଏହାକୁ ସଂପୂର୍ଣ୍ଣ ଭାବେ ଅଧ୍ୟୟନ କରିଛନ୍ତି ତାଙ୍କୁ ‘ବ୍ରାଇଟେଷ୍ଟ ଅଫ୍ ଅଲ ଦ ଟାଇମ୍’ କୁହାଯାଏ।
ସଦ୍ୟ ଆବିଷ୍କାରରେ ଏହା ଜଣାପଡ଼ିଛି କି, ଏହି ବିସ୍ଫୋରଣ କାରଣରୁ ପୃଥିବୀର ବାୟୁମଣ୍ଡଳରେ ପ୍ରଭାବିତ ହେଉଛି। ଏଥିରେ ଥିବା ଆୟନାଇଡ କଣିକାର ସଂଖ୍ୟାରେ ପରିବର୍ତ୍ତନ ହୋଇଥିଲା, ଯେଉଁଥିରେ ଓଜନ ଅଣୁ ମଧ୍ୟ ସାମିଲ ଥିଲା। ଯାହାକି ଖୁବ୍ ହାନିକାରକ ସୌର ବିକିରଣ ( ସୋଲାର ରେଡିଏସନ)କୁ ସହଜରେ ଅବଶୋଷଣ କରିଥାଏ।
ରୋମରେ ନ୍ୟାସନାଲ ଇନଷ୍ଟିଟ୍ୟୁଟ୍ ଅଫ୍ ଆଷ୍ଟ୍ରୋଫିଜିକ୍ସଙ୍କ ମଧ୍ୟରେ ଜଣେ ଆଷ୍ଟ୍ରୋନୋମର ପେଟ୍ରୋ ଉବର୍ଟିନି ,ଯିଏ କି ବାୟୁମଣ୍ଡଳୀୟ ଘଟଣାର ଆବିଷ୍କାର ଦିଗରେ କାମ କରିୁଥିଲେ, ସେ କହିଛନ୍ତି ଉକ୍ତ ଘଟଣାରେ ଓଜନ ସ୍ତରର ଆଂଶିକ ଭାବେ କ୍ଷତିଗ୍ରସ୍ତ ହୋଇ ଥିଲା ବା ଅସ୍ଥାୟୀ ରୂପେ ନଷ୍ଟ ହୋଇ ଯାଇ ଥିଲା।
ଏହି ଆବିଷ୍କାର , ଯାହା ମଙ୍ଗଳବାର ( ୧୪ ନଭେମ୍ୱର)ରେ ରିପୋର୍ଟରେ କରାଯାଇ ଥିଲା ଏବଂନେଚର କମ୍ୟୁନିକେଶନ୍ସ ଜର୍ନାଲରେ ପ୍ରକାଶିତ ହୋଇଥିଲା , ଏଥିରେ ଦର୍ଶାଯାଇ ଥିଲା କି କେମିତି ଆମର ସୌର ମଣ୍ଡଳ ଠାରୁ ଦୂରତା ଘଟିଥିବା ଏହି ବିସ୍ଫୋରଣରେ ବାୟମଣ୍ଡଳକୁ ପ୍ରଭାବିତ କରିବାର କ୍ଷମତା ରହିଛି।
ଏବେ ଏଥିରୁ ଅନୁମେୟ ହେଉଛି । ସୌର ମଣ୍ଡଳ ଠାରୁ ଅନେକ ଦୂରତାରେ ଘଟିଥିବା ଘଟଣାର ପ୍ରଭାବ ବି ପୃଥିବୀ ଉପରେ ପଡ଼ିପାରେ । ଯାହାକି ଆମ ପାଇଁ ସତର୍କ ସୂଚନା ସ୍ୱରୂପ ବୋଲି ବୈଜ୍ଞାନିକମାନେ ଅନୁଭବ କରିଛନ୍ତି ।
