ବ୍ରହ୍ମଗିରି, ୩୧/୦୮ : ଚାଷ ଜମିରୁ ମିଳିଲା ଦୁଇ ଯୁବକଙ୍କ ରକ୍ତାକ୍ତ ମୃତଦେହ। ପୁରୀ ଜିଲ୍ଲା ବ୍ରହ୍ମଗିରି ଥାନା କାଠୁଆରେଡିରୁ ବାଲିହରଚଣ୍ଡୀ ରାସ୍ତାର ମାଲାସା ଶଙ୍ଖ ନିକଟ ଧାନ ଜମିରୁ ଶନିବାର ସକାଳୁ ୨ ଯୁବକଙ୍କ ମୃତଦେହ ଉଦ୍ଧାର ହୋଇଛି। ନିକଟରେ ଏକ ମୋଟରସାଇକେଲ୍ ମଧ୍ୟ ମିଳିଛି।
ସୂଚନାନୁଯାୟୀ, ମୃତ ଯୁବକ ଦୁଇ ଜଣ ପୁରୀ ଖଡିପଦା ଅଞ୍ଚଳର ବୋଲି ପରିଚୟ ମିଳିଛି। ଘଟଣାସ୍ଥଳରେ ବ୍ରହ୍ମଗିରି ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି। ଏହା ହତ୍ୟା ନା ଦୁର୍ଘଟଣା ଅସ୍ପଷ୍ଟ ରହିଛି। ତେବେ ଶୁକ୍ରବାର ରାତିରେ ବାଲିହରଚଣ୍ଡୀରେ ଭୋଜି କରି କିଛି ଯୁବକ ଫେରିଥିଲେ। ଫେରିବା ବେଳେ ବାଟରେ ଦୁର୍ଘଟଣା ଘଟିଥିବା ଅନୁମାନ କରାଯାଉଛି।
