ଭୁବନେଶ୍ୱର,୨୭/୦୫: ଓଡ଼ିଶା ହେଲା ‘ୱାର୍ଲ୍ଡ ନୋ ଟବାକୋ ଡେ  ଆୱାର୍ଡ-୨୪’ ବିଜୟିତା । ବିଶ୍ୱ ସ୍ୱାସ୍ଥ୍ୟ ସଂଗଠନ(ହୁ) ୱାର୍ଲ୍ଡ ନୋ ଟବାକୋ ଡେ ଅବସରରେ ଏହି ସମ୍ମାନଜନକ ପୁରସ୍କାର ଘୋଷଣା କରିଛି । 

ଆନ୍ତର୍ଜାତିକ କ୍ଷେତ୍ରରେ ‘ତମାଖୁ ବର୍ଜନ’ ପାଇଁ ଓଡ଼ିଶା ଗୌରବ ଆଣିଛି । ଓଡ଼ିଶା ତୃଣମୂଳସ୍ତରରେ ତମାଖୁ ବର୍ଜନ କ୍ଷେତ୍ରରେ ଉଲ୍ଲେଖନୀୟ ସଫଳତା ହାସଲ  କରିଛି । ତମାଖୁ ଦ୍ରବ୍ୟ ପ୍ରସ୍ତୁତି, ବିକ୍ରି ଓ ବ୍ୟବହାର  ନେଇ ଦଣ୍ଡ ସହିତ ଜରିମାନା ବ୍ୟବସ୍ଥା ରହିଛି । ପୂର୍ବରୁ ତମାଖୁମୁକ୍ତ ଗାଁ ଅଭିଯାନ ପାଇଁ ଜାତୀୟସ୍ତରରେ ଗୌରବ ଆଣିଥିଲା ଓଡ଼ିଶା । ଦେଶରେ ପ୍ରଥମ ରାଜ୍ୟ ଭାବେ ଓଡ଼ିଶା ତମାଖୁ ମୁକ୍ତ ଗାଁ ଅଭିଯାନ ଆରମ୍ଭ କରିଥିଲା । ଜାତୀୟ ପରିବାର ସ୍ୱାସ୍ଥ୍ୟ ସର୍ବେକ୍ଷଣ-୫ ରିପୋର୍ଟ  ଅନୁଯାୟୀ ୫୧.୬ ପ୍ରତିଶତ ପୁରୁଷ ଓ ୨୬ ପ୍ରତିଶତ ମହିଳା ତମାଖୁ ସେବନ କରୁଛନ୍ତି । ୯୦% କର୍କଟ ତମାଖୁ ସେବନ ପାଇଁ ହୋଇଥାଏ ।