ନୂଆଦିଲ୍ଲୀ : ଆମେରିକାର ବାଲ୍ଟିମୋରରେ ଏକ ମାଲବାହୀ ଜାହାଜ ପୋଲ ସହ ଧକ୍କା ହୋଇଥିଲା, ଯେଉଁଥିରେ ପୋଲଟି ଭାଙ୍ଗି ତଳେ ଥିବା ନଦୀରେ ଖସି ପଡ଼ିଥିଲା। ଏଥିରେ ପୋଲ ଉପରେ ଯାଉ ଥିବା ଅନେକ ଗାଡ଼ି ନଦୀର ଜଳରେ ଖସି ପଡ଼ି ଥିଲେ ଏବଂ ଉଦ୍ଧାରକାରୀ ଦଳ ଜୀବିତ ଲୋକଙ୍କର ତଲାସ କରୁଛନ୍ତି। ଏହା ସ୍ପଷ୍ଟ ହୋଇନି ଯେ, ମାଲବାହୀ ଜାହାଜ କେଉଁ କାରଣରୁ ସକାଳର ଆଗମନର ଖୁବ୍ ପୂର୍ବରୁ ଫ୍ରାନ୍ସିସ ସ୍କଟ୍ର ବ୍ରିଜ୍ ସହ ଧକ୍କା ହେଲା। ଉକ୍ତ ଘଟଣାର ୨ଜଣ ଲୋକଙ୍କୁ ଉଦ୍ଧାର କରାଯାଇଛି ଏବଂ ଏହା ମଧ୍ୟ ଜଣାପଡ଼ି ନାହିଁ ଯେ ଆଉ କେତେ ଲୋକ ପାଣିରେ ଖସି ପଡ଼ିଛନ୍ତି।
ଏହି ମଧ୍ୟରେ , ନ୍ୟୁୟର୍କରୁ ମିଳିଥିବା ଖବର ଅନୁସାରେ, ପୋଲ ସହ ଧକ୍କା ହେବା ପରେ ମାଲବାହୀ ଜାହାଜର ଚାଳକ ଦଳର ସବୁ ୨୨ ସଦସ୍ୟ ଭାରତୀୟ ଅଟନ୍ତି। ସିନର୍ଜୀ ମରିନ ଗ୍ରୁପ୍ ପକ୍ଷରୁ କୁହାଯାଇଛି କି , ଜାହାଜର ଚାଳକ ଦଳ ମୋଟ ୨୨ଜଣ ସଦସ୍ୟ ଥିଲେ ଏବଂ ସମସ୍ତେ ହେଉଛନ୍ତି ଭାରତୀୟ। ଜାହାଜର ମାଲିକାନା ଗ୍ରାସ୍ ଓସନ ପ୍ରାଇଭେଟ୍ ଲିମିଟେଡ୍ର ପାଖରେ ଅଛି ଏବଂ ଜାହାଜର ଯାତ୍ରା ବାଲ୍ଟିମୋରରୁ ଶ୍ରୀଲଙ୍କାର ରାଜଧାନୀ କୋଲମ୍ୱୋ ଯାଏ ଥିଲା।
ଜାହାଜର ମାଳିକ ଓ ପ୍ରବନ୍ଧକମାନେ କହିଛନ୍ତି କି, ଜାହାଜ ସୋମବାର ରାତି ପାଖାପାଖି ୧.୩୦ ସମୟରେ ବାଲ୍ଟିମୋରରୁ ଫ୍ରାନ୍ସିସ ସ୍କଟ୍ର ବ୍ରିଜ୍ର ଏକ ଖମ୍ୱ ସହ ଧକ୍କା ହୋଇଥିଲା। ଚାଳକ ଦଳକ ସବୁ ସଦସ୍ୟଙ୍କୁ ଦୁର୍ଘଟଣା ନେଇ ଜବାବ ମଗା ଯାଇଛି। ଦୁର୍ଘଟଣାର ଯାଞ୍ଚର ପ୍ରସ୍ତୁତି ଚାଲିଛି।
