ନୂଆଦିଲ୍ଲୀ,୨୭।୧: ଗତ ଶୁକ୍ରବାର ବା ୨୬ ଜାନୁଆରୀରେ ହୁତି ବିଦ୍ରୋହୀଙ୍କ ଦ୍ବାରା ଟାର୍ଗେଟ କରାଯାଇଥିବା ବ୍ରିଟିସ୍ ତେଲ ଟ୍ୟାଙ୍କର ମାର୍ଲିନ ଲୁଆଣ୍ଡାରେ ୨୨ ଭାରତୀୟ ଅଛନ୍ତି। ଭାରତୀୟ ନୌସେନା ନିଆଁ ଲିଭାଇବାର ଚେଷ୍ଟା କରୁଛି। ନୌସେନା କହିଛି, ତାଙ୍କ ନିର୍ଦେଶିତ ମିସାଇଲ ବିଧ୍ବଂସକ, ଆଇଏନ୍ଏସ୍ ବିଶାଖାପାଟନମ୍କୁ ୨୬ ଜାନୁଆରୀ ରାତିରେ ତେଲ ଟ୍ୟାଙ୍କରରୁ ଏକ କ୍ରାଇସିସ୍ କଲର ଜବାବ୍ରେ ଅଦନର ଉପକୂଳରେ ମୁତୟନ କରାଯାଇଥିଲା।ନୌସେନା କହିଛି, ସଙ୍କଟଗ୍ରସ୍ତ ମର୍ଚେଣ୍ଟ ଭେସେଲରେ ନିଆଁ ଲିଭାଇବାର ଚେଷ୍ଟାକୁ ଏମ୍ଭିରେ ଚାଳକ ଦଳର ସହାୟତା ପାଇଁ ଆଇଏନ୍ଏସ୍ ବିଶାଖାପାଟନମ୍ ଦ୍ବାରା ମୁତୟନ ଅଗ୍ନିଶମ୍ ଉପକରଣ ସହିତ ଏନ୍ବିସିଡି ଦିଆଯାଉଛି।’ନୌସେନା କହିଛି ୟେମନେର ଇରାନ ସମର୍ଥିତ ହୁତି ବିଦୋହୀଙ୍କ ଦ୍ବାରା ଟାର୍ଗେଟ କରାଯାଇଥିବା ଜାହାଜରେ ୨୨ ଭାରତୀୟ ଓ ଜଣେ ବାଂଲାଦେଶର ଚାଳକ ଦଳ ରହିଛନ୍ତି।
ଭାରତୀୟ ନୌସେନା ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ନିଜର ଅଫିସିଆଲ ହ୍ୟାଣ୍ଡେଲରୁ କିଛି ଫଟୋ ସେୟାର କରି ଏକ ପୋଷ୍ଟରେ କୁହାଯାଇଛି, ଅଦନର ଖାଡିରେ ମୁତୟନ ଭାରତୀୟ ନୌସେନା ଗାଇଡେଡ୍ ମିସାଇଲ୍ ଡେଷ୍ଟ୍ରୟର ଆଇଏନ୍ଏସ୍ ବିଶାଖାପାଟନମନ୍ ୨୬ ଜାନୁଆରୀ ରାତିରେ ଏମ୍ଭି ମାର୍ଲିନ୍ ଲୁଆଣ୍ଡାର ଏକ ଜରୁରୀ କଲ୍ର ଉତ୍ତର ଦେଇଛି।’
ପୋଷ୍ଟରେ କୁହାଯାଇଛି, ସଙ୍କଟଗ୍ରସ୍ତ ମର୍ଚେଣ୍ଟ ଜାହାଜରେ ଅଗ୍ନିଶମ ଉପକରଣ ସହିତ ଏନ୍ବିସିଡି ଟିମ୍ ପକ୍ଷରୁ ନିଆଁ ଲିଭାଇବାକୁ ଚେଷ୍ଟାକୁ ଚାଲିଛି। ଏମଭିରେ ଚାଳକ ଦଳର ସହାୟତା ପାଇଁ ଆଇଏନ୍ଏସ୍ ବିଶାଖାପାଟନମ୍ରୁ ସାହାଯ୍ୟ ଦିଆଯାଇଛି। ଭାରତୀୟ ନୌସେନା ଏମ୍ଭିର ସୁରକ୍ଷା ଓ ସମୁଦ୍ରରେ ଜୀବନର ସୁରକ୍ଷା ସୁନିଶ୍ଚିତ କରିବା ପାଇଁ ଦୃଢ ପ୍ରତିଶୃତିବଦ୍ଧ।
ଅଏଲ ଟ୍ୟାଙ୍କର ଏମ୍ଭି ମର୍ଲିନ ଲୁଆଣ୍ଡ ଉପରେ ଆକ୍ରମଣ କରିବା ନେଇ ହୁତି ବିଦ୍ରୋହୀମାନେ ନିଜକୁ ଦାୟୀ କରିଛନ୍ତି। ହୁତି ବିଦ୍ରୋହୀମାନେ କହିଛନ୍ତି, ତାଙ୍କର ନୌସୈନିକ ଅଦନର ଖାଡିରେ ବ୍ରିଟିସ୍ ଅଏଲ ଟ୍ୟାଙ୍କରକୁ ଟାର୍ଗେଟ କରି ଏକ ଅପରେସନ୍ ଚଳାଇଥିଲା। ହୁତି ସେନା ମୁଖପାତ୍ର କହିଛନ୍ତି, ଉଚିତ ନୌସୈନିକ ମିସାଇଲର ବ୍ୟବହାର କରାଯାଇଛି ଓ ଆକ୍ରମଣ ସିଧା ଥିଲା।
