କରଞ୍ଜିଆ, ୭।୬: ଚମ୍ପୁଆ ବନଖଣ୍ଡରୁ କରଞ୍ଜିଆ ବନଖଣ୍ଡକୁ ପ୍ରବେଶ କଲେ ୨୭ ଟିକିଆ ଝାଡ଼ଖଣ୍ଡି ହାତୀପଲ । ଗତକାଲି ବିଳମ୍ବିତ ରାତିରେ ଏହି ୨୭ ଟିକିଆ ହାତୀପଲ ବୈତରଣୀ ନଦୀ ପାର୍ ହୋଇ ବର୍ତ୍ତମାନ କରଞ୍ଜିଆ ବନଖଣ୍ଡର ହଳଦିଆ ଗ୍ରାମ ଜଙ୍ଗଲରେ ଡେରା ପକାଇଥିବା ସୂଚନା ମିଳିଛି । ହାତୀ ଆସିବା ଫଳରେ ଆଖପାଖ ୧୫ଟି ଗ୍ରାମରେ ଆତଙ୍କ ଖେଳିଯାଇଛି ।
ତେବେ ବନବିଭାଗ ପକ୍ଷରୁ ହାତୀ ଉପରେ ନଜର ରଖିବା ସହିତ ଗ୍ରାମବାସୀଙ୍କୁ ଡାକବାଜି ଯନ୍ତ୍ର ଦ୍ୱାରା ସଚେତନତା ସୃଷ୍ଟି କରିବା ସହ ଜଙ୍ଗଲକୁ ନ ଯିବା ପାଇଁ ଅବଗତ କରାଇଛି ଓ ହାତୀ ଦେଖିଲେ ତୁରନ୍ତ ବନବିଭାଗକୁ ସୂଚନା ଦେବା ପାଇଁ ଅନୁରୋଧ କରାଯାଇଛି । ତେବେ ବର୍ତ୍ତମାନ ହାତୀମାନେ ହଳଦିଆ ଗ୍ରାମ ଜଙ୍ଗଲରେ ଡେରା ପକାଇଥିବା ବନବିଭାଗ ସୂଚନା ଦେଇଛି ।
