ଭୁବନେଶ୍ବର, ୧୨/୧୧ :   ଭୁବନେଶ୍ବରସ୍ଥିତ ପାତ୍ରପଡ଼ାଠାରେ ଜଳିଗଲା ୫ବସ୍ । ପାର୍କିଂବେଳେ ୫ବସରେ ଲାଗିଥିଲା ନିଆଁ। ହଠାତ୍ ନିଆଁ ଲାଗିଯିବାରୁ ୫ବସ୍ ଜଳିଯାଇଛି ।  

ସୂଚନା ଅନୁଯାୟୀ, ରବିବାର ଅପରାହ୍ନରେ ପାତ୍ରପଡ଼ାଠାରେ ଥିବା ତମାଣ୍ଡୋର ଏକ ଗ୍ୟାରେଜରେ ୫ବସ୍‌କୁ ପାର୍କିଂ କରାଯାଇଥିଲା । ଏହି ସମୟରେ ଉକ୍ତ ବସରେ କୌଣସି କାରଣରୁ ନିଆଁ ଲାଗିଯାଇଥିଲା । ଫଳରେ ଏହି ନିଆଁରେ ପ୍ରଥମେ ୩ଟି ବସ୍ ଜଳିଯାଇଥିଲା । ୨ଟି ବସ୍ ଆଶିଂକ ପୋଡ଼ିଯାଇଥିବାବେଳେ ସ୍ଥାନୀୟ ଲୋକେ ଏହା ଦେଖି ଅଗ୍ନିଶମବାହିନୀକୁ ଖବର ଦେଇଥିଲେ । ଅଗ୍ନିଶମ ବିଭାଗ ଖବରପାଇ ଘଟଣାସ୍ଥଳରେ ପହଞ୍ଚିଲାବେଳକୁ ୫ଟି ବସ୍ ସମ୍ପୂର୍ଣ୍ଣ ଜଳିଯାଇଛି । ବାଣ ନିଆଁରୁ ଏଭଳି ଘଟଣା ଘଟିଥିବା ଅନୁମାନ କରାଯାଉଛି । ଖବରଲେଖା ହେବା ସୁଦ୍ଧା ଏହାର ପ୍ରକୃତ କାରଣ ଅସ୍ପଷ୍ଟ ରହିଛି । ଏଥିରେ କେହି ଆହତ ହୋଇଛନ୍ତି କି ନାହିଁ ଏହା ମଧ୍ୟ ସ୍ପଷ୍ଟ ଜଣାପଡ଼ିନାହିଁ । ସ୍ଥାନୀୟ ଲୋକଙ୍କ କହିବା ଅନୁଯାୟୀ ଏହା ପ୍ରାୟ ୧ଟା ୪୫ମିନିଟ ସମୟ ଭିତରେ ଏହି ନିଆଁ ଲାଗିଥିଲା । ଆମେ ପ୍ରଥମେ ଏହାକୁ ଲିଭାଇବାକୁ ଚେଷ୍ଟା କରିଥିଲୁ । ଏହାପରେ ଆମେ ଅଗ୍ନିଶମ ବିଭାଗକୁ ଖବରଦେଇଥିଲୁ ।