ପ୍ରମୂଖ ଖବର
  • ଅପେକ୍ଷାର ହେଲା ଅନ୍ତ, ଖୋଲିଲା ଶ୍ରୀମନ୍ଦିର ବାହାର ରତ୍ନଭଣ୍ଡାର, ଭିତର ଭଣ୍ଡାର ଖୋଲିବାକୁ ଚାଲିଛି ପକ୍ରିୟା
  • ||
  • ଶ୍ରୀମନ୍ଦିରକୁ ପ୍ରବେଶ କଲେ ୧୧ ଜଣ ସଦସ୍ୟ, ଦିନ ୧ଟା ୨୮ରେ ଶୁଭ ମୁହୂର୍ତ୍ତରେ ଫିଟିବ ଭିତର ଭଣ୍ଡାର ତାଲା
  • ||
  • ଶ୍ରୀଲୋକନାଥଙ୍କ ସ୍ୱତନ୍ତ୍ର ପୂଜାର୍ଚ୍ଚନା ସମ୍ପନ୍ନ, ରତ୍ନଭଣ୍ଡାର ଖୋଲିବାକୁ ଆସିଲା ଆଜ୍ଞାମାଳ
  • ||
  • ଚତୁର୍ଥ ଟି-ଟ୍ୱେଣ୍ଟ; ଜିମ୍ବାଓ୍ବେକୁ ୧୦ ୱିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ, ଆଜି ପଞ୍ଚମ ମୁକାବିଲା
  • ||
  • ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଗୁଳିମାଡ଼, ସୁରକ୍ଷାକର୍ମୀଙ୍କ ଗୁଳିମାଡ଼ରେ ସନ୍ଦିଗ୍ଧ ସୁଟର ମୃତ
  • ||
  • ପାଞ୍ଚ ଦଶନ୍ଧିର ଘଟିବ ଅନ୍ତ, ଆଜି ଖୋଲିବ ଶ୍ରୀମନ୍ଦିର ରତ୍ନଭଣ୍ଡାର, ଦିନ ୧ଟା ପରେ ଶୁଭ ମୁହୂର୍ତ୍ତରେ ଫିଟିବ ତାଲା
  • ||
  • ରାଜ୍ୟରେ ଆସନ୍ତା ଦୁଇ ଦିନ ପ୍ରବଳ ବର୍ଷା ସମ୍ଭାବନା, ୧୮ରେ ଆଉ ଏକ ଘୂର୍ଣ୍ଣିବଳୟ
  • ||

ପୁଣେରେ ବଢି ଚାଲିଛି ଜିକା ଭାଇରସ୍ ମାମଲା, ବର୍ତ୍ତମାନ ସୁଦ୍ଧା ୧୨ ରୋଗୀ ଚିହ୍ନଟ…

ନୂଆଦିଲ୍ଲୀ: ମହାରାଷ୍ଟ୍ରର ପୁଣେରେ ଜିକା ଭାଇରସ୍‌ର ତିନୋଟି ନୂଆ ମାମଲା ସାମ୍ନାକୁ ଆସିଛି । ବର୍ତ୍ତମାନ ପର୍ଯ୍ୟନ୍ତ ରାଜ୍ୟରେ ଏହି ଭାଇରସ୍ ସଂକ୍ରମଣର ୧୨ ଟି ମାମଲା ପଂଜିକୃତ ହୋଇଛି । ପୁଣେ ମ୍ୟୁନିସିପାଲିଟି କର୍ପୋରେସନର ସ୍ୱାସ୍ଥ୍ୟ ଅଧିକାରୀ କଳ୍ପନା ବଲୱନ୍ତ ଏହି ସୂଚନା ଦେଇଛନ୍ତି । ମହାରାଷ୍ଟ୍ରରେ ଜିକା ଭାଇରସ ଦେଖାଦେଖା ପରେ ଅନ୍ୟ ରାଜ୍ୟ ମାନଙ୍କୁ ମଧ୍ୟ ସଜାଗ ରହିବାକୁ କୁହାଯାଇଛି । ଗତ ସପ୍ତାହରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ସମସ୍ତ ରାଜ୍ୟକୁ ଏକ ଆଡଭାଇଜରୀ ଜାରି କରି ପରିସ୍ଥିତି ଉପରେ ନଜର ରଖିବାକୁ ନିର୍ଦ୍ଦେଶ ଦେଇଥିଲେ।

ଗର୍ଭବତୀ ମହିଳା ମାନଙ୍କର ଜିକା ଭାଇରସ୍ ପରୀକ୍ଷା ଉପରେ ଧ୍ୟାନ ଦେବା ଏବଂ ସଂକ୍ରମିତ ମହିଳାଙ୍କ ଗର୍ଭସ୍ଥ ଶିଶୁର ବିକାଶ ଉପରେ ନଜର ରଖିବାକୁ ରାଜ୍ୟମାନଙ୍କୁ ଅନୁରୋଧ କରାଯାଇଛି । ସ୍ୱାସ୍ଥ୍ୟ ସେବା ମହାନିର୍ଦ୍ଦେଶକ ଡ ଅତୁଲ ଗୋୟଲଙ୍କ ଦ୍ବାରା ଦିଆଯାଇଥିବା ଆଡଭାଇଜରୀ ବ୍ୟତୀତ ମନ୍ତ୍ରଣାଳୟ ମଧ୍ୟ ଏକ ନୋଡାଲ ଅଧିକାରୀ ନିଯୁକ୍ତ କରିବାକୁ ସ୍ୱାସ୍ଥ୍ୟ ପ୍ରତିଷ୍ଠାନ ଗୁଡ଼ିକୁ ନିର୍ଦ୍ଦେଶ ଦେଇଛି, ଯିଏକି ଏଡିସ୍ ମଶା ସଂକ୍ରମଣରୁ ମୁକ୍ତ ସ୍ଥାନ ଉପରେ ନଜର ରଖିବେ ଏବଂ କାର୍ଯ୍ୟାନୁଷ୍ଠାନ ଗ୍ରହଣ କରିବେ ।

ଜିକା ଭାଇରସ୍ ସଂକ୍ରମଣ ଏଡିସ୍ ମଶା କାମୁଡ଼ିବା ଦ୍ୱାରା ବ୍ୟାପିଥାଏ । ଏହି ମଶା ଡେଙ୍ଗୁ ଏବଂ ଚିକୁନଗୁନିଆ ମଧ୍ୟ ସୃଷ୍ଟି କରିଥାଏ । ଯଦିଓ ଜିକା ଭାଇରସ୍ ମୃତ୍ୟୁର କାରଣ ହୁଏ ନାହିଁ, ସଂକ୍ରମିତ ଗର୍ଭବତୀ ମହିଳାଙ୍କ ଶିଶୁର 'ମାଇକ୍ରୋସେଫାଲୀ' ସମସ୍ୟା ହୋଇପାରେ, ଯେଉଁଥିରେ ତାଙ୍କ ମୁଣ୍ଡର ଆକାର ଅପେକ୍ଷାକୃତ ଛୋଟ ହୋଇଯାଏ । 

ସଂକ୍ରମିତ ରୋଗୀମାନଙ୍କୁ ଗର୍ଭବତୀ ମହିଳାମାନଙ୍କର ଜିକା ପରୀକ୍ଷା କରିବା ଏବଂ ନିର୍ଦ୍ଦେଶନାମା ଅନୁଯାୟୀ ମହିଳାଙ୍କ ଗର୍ଭସ୍ଥ ଶିଶୁର ବିକାଶ ଉପରେ ନଜର ରଖିବା ପାଇଁ ପ୍ରଭାବିତ ଅଞ୍ଚଳରେ କିମ୍ବା ଅନୁଷ୍ଠାନରେ ଅବସ୍ଥିତ ସ୍ୱାସ୍ଥ୍ୟ ପ୍ରତିଷ୍ଠାନଗୁଡିକୁ ନିର୍ଦ୍ଦେଶ ଦେବାକୁ ରାଜ୍ୟମାନଙ୍କୁ ଅନୁରୋଧ କରାଯାଇଛି । 

 

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.