ଗୋଛାପଡ଼ା,୨/୧୨ : କନ୍ଧମାଳ ଜିଲ୍ଲା ଅବକାରୀ ବିଭାଗ ଶନିବାର ଏକ କାର୍ ସହ ୩୦କିଲୋ ଗଞ୍ଜେଇ ଜବତ କରିବା ସହ ଗାଡ଼ିର ଡ୍ରାଇଭର ସହ ୩ଜଣ ଆନ୍ତ ଜିଲ୍ଲା ଗଞ୍ଜେଇ ମାଫିଆକୁ ଗିରଫ କରିବାରେ ସଫଳ ହୋଇଛି  I ସୂଚନା ଅନୁସାରେ ଅବକାରୀ ବିଭାଗର କନ୍ଧମାଳ ଏସପି ପ୍ରବୀର ସାମଲଙ୍କ ନିର୍ଦେଶକ୍ରମେ ଅବକାରୀ ଏସଆଇ ସାଗର ଭୋଇଙ୍କ ନେତୃତ୍ୱରେ ଏକ ଟିମ୍ ଫୁଲବାଣୀ ଭଞ୍ଜନଗର ମୁଖ୍ୟ ରାସ୍ତାର ଗୁମାଗଡ଼ ରାମ ଘାଟି ନିକଟରେ କାର୍ ଟିକୁ ଧରିଥିଲେ  I ତେବେ କାରକୁ ଯାଞ୍ଚ କରିବା ସମୟରେ କାରର ଡିକିରେ ଦୁଇଟି ବସ୍ତାରୁ ୩୦କିଲୋ ଗଞ୍ଜେଇ ଜବତ କରିବା ସହ ତିନି ଜଣ ବ୍ୟକ୍ତିଙ୍କୁ ଗିରଫ କରିଥିଲେ  I 

ଅନ୍ୟପଟେ କାରରୁ ଜବତ ହୋଇଥିବା ଗଞ୍ଜେଇ ଫୁଲବାଣୀରୁ ଗଞ୍ଜାମ ଜିଲ୍ଲାକୁ ଚାଲାଣ ହେଉଥିବା ଅବକାରୀ ବିଭାଗର ତଦନ୍ତରୁ ଜଣାପଡ଼ିଛି । ଗିରଫ ବ୍ୟକ୍ତିମାନଙ୍କ ମଧ୍ୟରେ ଜଣେ କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ଗେରୁପଡ଼ା ଗାଁର ସାବତ ନାୟକ ଏବଂ ସୋଲାଗୁଡ଼ା ଗ୍ରାମର ବିରେନ୍ଦ୍ର ପ୍ରଧାନ ଅନ୍ୟ ଜଣେ ହେଲେ ଗାଡ଼ିର ଡ୍ରାଇଭର ଖଜୁରୀପଡ଼ା ଥାନା ଅନ୍ତର୍ଗତ ଆର ନୂଆଗାଁର ରଞ୍ଜିତ ବେହେରା ବୋଲି  ଜଣାପଡ଼ିଛି  I କେଶ ନଂ ୧୨୯/୨୩/୨୪ରେ ଏକ ମାମଲା ରୁଜୁ କରାଯାଇ ଅଭିଯୁକ୍ତ ଗଞ୍ଜେଇ ମାଫିଆମାନଙ୍କୁ କୋର୍ଟଚାଲାଣ କରାଯାଇଥିବାବେଳେ ଏହି ଚଢ଼ଉରେ ଅବକାରୀ ବିଭାଗର ଏଏସଆଇ ସୁକାନ୍ତ କହଁର, ପ୍ରଦୀପ ମଲ୍ଲିକ ଓ ଅବକାରୀ କନେଷ୍ଟବଳ ମିଳନ ସାହୁ ସାମିଲ ଥିବା ଅବକାରୀ ଏସଆଇ ସାଗର ଭୋଇ ସୂଚନା ଦେଇଛନ୍ତି I