ନୂଆଦିଲ୍ଲୀ, ୬/୬ :  ଟି-୨୦ ବିଶ୍ବକପ ୨୦୨୪ର ଆରମ୍ଭ ହୋଇଯାଇଛି । କିନ୍ତୁ କ୍ରିକେଟ ପ୍ରେମୀଙ୍କୁ ଟୁର୍ଣ୍ଣାମେଣ୍ଟ ସବୁଠାରୁ ବଡ଼ ମୁକାବିଲାର ଅପେକ୍ଷାରେ ଅଛନ୍ତି । ଆମେ କହୁଛୁ ଭାରତ ଏବଂ ପାକିସ୍ତାନର ମ୍ୟାଚ୍ ବିଷୟରେ । ଦୁଇ ଟିମ୍ ମଧ୍ୟରେ ହାଇ ଭୋଲଟେଜ୍ ମୁକାବିଲା ୯ଜୁନରେ ନ୍ୟୁୟୁର୍କ ସ୍ଥିତ ନାସାଉ କାଉଣ୍ଟିଂ ଅନ୍ତର୍ଜାତୀୟ କ୍ରିକେଟ ଷ୍ଟାଡିୟରେ ଖେଳାଯିବ । ଏହି ମ୍ୟାଚ୍ ଲାଗି ଉଭୟ ଟିମ୍ ପ୍ରସ୍ତୁତ ଅଛନ୍ତି । ଯଦି ଆପଣଙ୍କୁ ବି ମ୍ୟାଚ୍ ଦେଖିବାକୁ କିଛି ଯୋଜନା କରୁଛନ୍ତି ତେବେ ନ୍ୟୁୟର୍କ ଯିବା ପୂର୍ବରୁ ପାର୍କିଂରୁ ନେଇ ଜାଣନ୍ତୁ ଟିକେଟର ଦାମ୍ । 

ପ୍ରକାଶ ଯେ, ଯେଉଁ ଫ୍ୟାନ୍ସ ମ୍ୟାଚ୍ ଦେଖିବାକୁ ଯିବେ ତାଙ୍କୁ ଗାଡ଼ି ରଖିବାକୁ ପାର୍କିଂ ସ୍ଥାନର ଆବଶ୍ୟକ ହେବ । ମାତ୍ର ଭାରତ ବନାମ ପାକିସ୍ତାନ ମ୍ୟାଚ ଲାଗି ପାର୍କିଂ ସ୍ଥାନର ଫିସ କିଛି ଅଧିକ ବଢି ଯାଇଛି । ଦେଶର ପୂର୍ବତନ କ୍ରିକେଟର ନବଜୋତ ସିଂହ ସିଦ୍ଧୁ ଭାରତ ବନାମ ଆୟରଲ୍ୟାଣ୍ଡ ମୁକାବିଲା ସମୟରେ ଭାରତ ବନାମ ପାକିସ୍ତାନ ମ୍ୟାଚରେ ପାର୍କିଂ ଲାଗି କେତେ ଟଙ୍କାର ଖର୍ଚ୍ଚ କରିବାକୁ ପଡ଼ିବ ତା’ର ଖୁଲାସା କରିଛନ୍ତି ।

ସିଦ୍ଧୁ କମେଣ୍ଟ୍ରି ସମୟରେ କହିଛନ୍ତି କି, ଏହି ମ୍ୟାଚ୍ ଲାଗି ଫ୍ୟାନ୍ସଙ୍କୁ ୧୨୦୦ଡଲାର(୧୦୦୦୦୦ଟଙ୍କା ) ଦେବାକୁ ପଡ଼ିବ । ପୂର୍ବତନ କ୍ରିକେଟରଙ୍କ ଅନୁସାରେ ତାଙ୍କୁ ଏହି ଖବର ବିଷୟରେ ଅବଗତ ତାଙ୍କ ଡ୍ରାଇଭର କରାଇଥିଲେ । ଭାରତ ବନାମ ପାକିସ୍ତାନ ମ୍ୟାଚ୍ ଲାଗି ଯେତିକି ଦିନ ପାଖେଇ ଆସୁଛି ସେତିକି ଟିକେଟର ଦାମ୍ ଆକାଶଛୁଆଁ ହେଉଛି । ମହାମୁକାବିଲା ଲାଗି ଆରମ୍ଭ ଟିକେଟ ଦର ୩୦୦ୟୁଏସ ଡଲାର ରଖାଯାଇଛି । ଯଦି ଭାରତୀୟ ଟଙ୍କାରେ ଦେଖିବା ତେବେ‌ ଏହା ପ୍ରାୟ ୨୫୦୦୦ଟଙ୍କା ହେବ । 

ସେହିଭଳି ସବୁଠାରୁ ମହଙ୍ଗା ଟିକେଟର ଦାମ୍ ରହିଛି ୧୦୦୦୦ହଜାର ୟୁଏସ ଡଲାର କୁହାଯାଉଛି । ଯାହା ଭାରତୀୟ ଟଙ୍କାରେ ପ୍ରାୟ ୮.୩ଲକ୍ଷ ପାଖାପାଖି ହେବ । ସୂଚନା ମୁତାବକ ୩୦୦ୟୁଏସ ଡଲାର ଏବଂ ୧୦୦୦୦ହଜାର ୟୁଏସ ଡଲାର ମଧ୍ୟରେ ବି ଟିକେଟ ଅଛି ।