ଭଦ୍ରକ, ୩୦/୦୩ : ଜମିବାଡ଼ି ବିବାଦକୁ କେନ୍ଦ୍ରକରି ହାତାହାତି। ବାଡ଼ ଓପାଡ଼ିବାକୁ ନେଇ ଦୁଇ ପରିବାର ମୁହାଁମୁହିଁ। ଭଦ୍ରକ ଜିଲ୍ଲା ପିରାହାଟ ଥାନା ଅଧିନ ଦଉଲତପୁର ଗ୍ରାମରେ ଏଭଳି ଘଟଣା ଘଟିଛି। ଏହି ଗୋଷ୍ଠୀ ସଙ୍ଘର୍ହରେ ୪ ଜଣ ଆହତ ହୋଇଛନ୍ତି। 

ସୂଚନା ଅନୁଯାୟୀ, ପିରାହାଟ ଥାନା ଅଧିନ ଦଉଲତପୁର ଗ୍ରାମର ଧର୍ମାନନ୍ଦ ପାଢ଼ୀଙ୍କର ଅନ୍ୟ ଏକ ପରିବାର ସହ ଜମିଜମା ବିବାଦ ଲାଗି ରହିଥିଲା । ଘଟଣା କୋର୍ଟ ପର୍ଯ୍ୟନ୍ତ ମଧ୍ୟ ଯାଇଥିଲା। କିନ୍ତୁ ଅପର ପକ୍ଷ ଧର୍ମାନନ୍ଦଙ୍କ ଘର ସମ୍ମୁଖରେ ଥିବା ବାଡ଼କୁ ଉପାଡି ଦେଇଥିଲେ । ଏହି ଘଟଣାକୁ ବିରୋଧ କରିବାରୁ ଅପର ପକ୍ଷ ତାଙ୍କୁ ଆକ୍ରମଣ କରିବା ସହ ପରିବାର ଲୋକଙ୍କୁ ମଧ୍ୟ ଆକ୍ରମଣ କରିଛନ୍ତି । ଏହି ଘଟଣାରେ ୪ ଜଣ ଆହତ ହୋଇ ପ୍ରଥମେ ତିହିଡି ସ୍ୱାସ୍ଥ୍ୟକେନ୍ଦ୍ର ଓ ପରେ ଭଦ୍ରକ ଜିଲ୍ଲା ମୁଖ୍ୟ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ଘଟଣାକୁ ନେଇ ପିରାହାଟ ଥାନାରେ ଏତଲା ଦିଆଯାଇଛି।