ମାଲକାନଗିରି,୭/୬ : ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ର ନାରାୟଣପୁର ଓ ଦନ୍ତେୱାଡା ସୀମାବର୍ତ୍ତୀ ଅଞ୍ଚଳରେ ପୋଲିସ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଥିବା ସୂଚନା ମିଳିଛି । ଯେଉଁଥିରେ ୪ମାଓବାଦୀଙ୍କ ମୃତ୍ୟୁ ହୋଇଥିବା ମଧ୍ୟ ଜଣ ପଡିଛି ।
ସୂଚନା ଅନୁଯାୟୀ ନାରାୟଣପୁର ଓ ଦନ୍ତେୱାଡା ସୀମାବର୍ତ୍ତୀ ଅଞ୍ଚଳରେ ଥିବା ଗୋଭେଲ ଜଙ୍ଗଲରେ ପୋଲିସର ତଲାସି ଅଭିଯାନବେଳେ ଜଙ୍ଗଲ ମଧ୍ୟରେ ଲୁଚି ରହିଥିବା ମାଓବାଦୀଙ୍କ ସହ ଗୁଳି ବିନିମୟ ହୋଇଥିଲା । ଦୀର୍ଘ ସମୟ ଧରି ଗୁଳି ବିନିମୟ ହୋଇଥିବାବେଳେ ପୋଲିସର ସାମ୍ନା କରି ନ ପରି ମାଓବାଦୀମାନେ ସେଠାରୁୟ ପଛଘୁଞ୍ଚା ଦେଇ ଲୁଚି ପଳାଇଥିଲେ । ଏହାପରେ ପୋଲିସ ପକ୍ଷରୁ ସେଠାରେ ପୁନଃ ତଲାସି ଅଭିଯାନବେଳେ ୪ମାଓବାଦୀଙ୍କ ମର ଶରୀର ପୋଲିସ ଉଦ୍ଧାର କରିଥିବା ସୂଚନା ମିଳିଛି । ଦନ୍ତେୱାଡା ଏସପି ଗୌରଭ ରାୟ ଏବଂ ନାରାୟଣପୁର ଏସପି ପ୍ରଭାତ କୁମାର ଏହି ଘଟଣାର ସୂଚନା ଦେବା ସହ ପୋଲିସ ପାର୍ଟି ଜଙ୍ଗଲ ମଧ୍ୟରେ ତଲାସି ଅଭିଯାନରୁ ଫେରିବା ପରେ ସମ୍ପୂର୍ଣ ତଥ୍ୟ ସାମ୍ନାକୁ ଆସିବ ବୋଲି କୁହାଯାଇଛି ।